DANIEL 8
8
Daniel Le Tsemin Ki Tanyütse Lo Tenyü Kehyu
1Belshazzar le raja thyü kelo chenshen gü ka ale tsemin kenyhun gü hyu. 2Tsemin ki tsü ale whütse Elam kazü ki Susa nyida khwen kenjü gü nyu kebin a npvü ahyulo. Ale Ulai züri seki sobin, 3lo züri tsügü seka ale tanyütse a-tse kethon kenyhun kepvü hyu, nmegü le kechagü nye thon lo shün kvu. 4Tanyütse gü tsüle a-tse lope nkhünzin, tesozin, lo tesinzin shen kebin hyu. Nyukhu nme-e a-khin lomvu, nmvue a-kekvu nrhi lomvu. A-le thyükenyü thyü lo ketekho ketsin tinla.
5Ale tsüle nyulayo tse rüchün kebin ka, tenyü nme le nkhünzin tin chwiryü, a-le tin nmhensao a-pha pe kazü-e kesü mvu. A-le a-yhütyü hvu jaka a-tse kvusa kethyü nme pvü hü. 6Tsügü le ale züri seka kehyu gü tanyütse gü ki a-kekvuthyü tinryü. 7Tsügü le tanyütse gü when kethyü hyu. A-le a-nyun ntasao when gü a-jon-o a-tse shahvu bosela. Tanyütse gü le nrenlo kegwa kekvu ndila. Tson-o a-jonketo pe kazü nyu shüo a-kedüla, lo nme-e a-kenilo kegwa ndila.
8Tenyü gü le kvuketsin-o ketekho kvulo la, ai a-le kvusa kebin ka a-tse gü bosela. Tsübin nyu a-tse pezi le nichwiryü, lo nmeme tse bin kechacha ki ntsun. 9A-tse pezidan nyu nme gen a-tse keshen nme le chwiryü, a-kekvu le kethen sen-o tesinzin, nphozin lo Zopebinkenjü kazü kipon kethen so. 10Tsüle kvusa gü tsangge rihüdan, shyenyüdan-e whenlo kegwa thyüla, tson-o tsüdan peha süshye pe kazü nyu shüo anyugun so kedüla. 11Tsüle tsange rihü kedagü sümvu la, khenyütsen kerüshvu thyüpe a-ketsüe khinla, lo Kerüshvuka-e nrhula. 12Temi le tsünyu khenyütsen kerüshvu kethyü sunka, kemu thyüla, lo ketsenyü ketsin gü pe shwenla. A-tsegü tsüle a-le tha kethyü aphu nyu gwalo.
13Tsüselo ale tsanggelonyu le khinyunyu ka shün kebin nyülo, “Tsemin ki hyukebin tsüle dithen bin tiyo? Kemu gwakemvu gü hile dithen khenyütsen kerüshvu hi khinbin tiyo?”
14Tsanggelonyu kecha gü le hihontse keni keshü ale nyü, “Hile jon 1,150 keti thyüti. Hi gwünkho ka seyi gü lo lonyü gü-e kerüshvu tho thyü loho. Tsüsiki Kerüshvuka gü sen nilo ti.”
Tsanggelonyu Gabriel le Tsemin gü Kon Zoshü
15Ale tsemin gü tsüle nyulayo tse shalo nyü kebin ka, nme le whütse amhundyü solo. 16Thakhwen nmele Ulai züri peri ki senshü, “Gabriel, a-le tsemin ki kehyu gü kon zope a-zenshü lo.” 17Gabriel le ryüo akhoka solo, lo ale akerüshvu lao kazü nyu chetsü la.
A-le aka zo, “Silakehü Temigü, a-kon gü shalo. Tsemin gü tsüle kazü keni ki thyüti.” 18A-le a nthon bin nsen ale kazünyu chetsüo thame shamvu la. Ai a-le asülo-o apenso shüo, 19aka zo, “Ale Sunggigü nyunkenthün le dihontsela tiyo pe nhishü bin nyo. Tsemin gü tsüle kenkhin ki rüla.
20“Nle kehyu tanyütse a-tse kenyhun kepvü gü tsüle Media lo Persia hvu tsin keshü. 21Tenyü tsüle Greece rajaphün, lo a-yhütyü hvu jaka a-tse kekvu gü tsüle raja kerigü. 22A-tse kerigü bosekela siki pezi chwikeryü dan tsüle senye tsügü kenjün pe raja pezi thyüla nrün tsinshü, lo tsüdan le kerigü kekvu hontse loha lati.
23“Raja tsüdan le keni thyüla nrün gwünkho le kho nnio anyugun le serimvusa-o shaja pe tsüla mvulo keshvu le keryü ka, a-nyunkerü, a-jvü gwamvu sa kethyü, lo kekhünkekho kethyü raja nme le soryüti. 24A-le kvu chwiryüti, ai tsüle a-npvü a-kekvu nyu mvu. Tsügü le tha nke pe ketetsin thyü lo a-le tha kethyü aphu gwa loti. A-le temi kekvu nyu gen lo Sunggigü temidan gen kenke senryüti. 25A-le kekhün kekho kethyü genyu a-kenku nyu chwiloti. A-le a-rüchün ketekhosao me tesha mvutse temi kechon nke lati. A-le raja aphu so kedagüe sümvuo khenti, ai temi kekvu sen mvuo a-nke lati. 26Seyigü lo lonyügü kerüshvu tsemi kehyu kon zope nzenkela tsüle thyü chvuti. Ai ntsoka tsüpe zonyatse, tsü thyüpenlo nrün gwünkho kethon le bin zun kethyü genyu.”
27Ale kvumulao jon peha ho tinla. Tsüsiki ale so-o raja gü le pe a tenyen keshü gü thyü, ai tsemin gü rüchün pe akevüo tsü shalo mvula.
Currently Selected:
DANIEL 8: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
DANIEL 8
8
Daniel Le Tsemin Ki Tanyütse Lo Tenyü Kehyu
1Belshazzar le raja thyü kelo chenshen gü ka ale tsemin kenyhun gü hyu. 2Tsemin ki tsü ale whütse Elam kazü ki Susa nyida khwen kenjü gü nyu kebin a npvü ahyulo. Ale Ulai züri seki sobin, 3lo züri tsügü seka ale tanyütse a-tse kethon kenyhun kepvü hyu, nmegü le kechagü nye thon lo shün kvu. 4Tanyütse gü tsüle a-tse lope nkhünzin, tesozin, lo tesinzin shen kebin hyu. Nyukhu nme-e a-khin lomvu, nmvue a-kekvu nrhi lomvu. A-le thyükenyü thyü lo ketekho ketsin tinla.
5Ale tsüle nyulayo tse rüchün kebin ka, tenyü nme le nkhünzin tin chwiryü, a-le tin nmhensao a-pha pe kazü-e kesü mvu. A-le a-yhütyü hvu jaka a-tse kvusa kethyü nme pvü hü. 6Tsügü le ale züri seka kehyu gü tanyütse gü ki a-kekvuthyü tinryü. 7Tsügü le tanyütse gü when kethyü hyu. A-le a-nyun ntasao when gü a-jon-o a-tse shahvu bosela. Tanyütse gü le nrenlo kegwa kekvu ndila. Tson-o a-jonketo pe kazü nyu shüo a-kedüla, lo nme-e a-kenilo kegwa ndila.
8Tenyü gü le kvuketsin-o ketekho kvulo la, ai a-le kvusa kebin ka a-tse gü bosela. Tsübin nyu a-tse pezi le nichwiryü, lo nmeme tse bin kechacha ki ntsun. 9A-tse pezidan nyu nme gen a-tse keshen nme le chwiryü, a-kekvu le kethen sen-o tesinzin, nphozin lo Zopebinkenjü kazü kipon kethen so. 10Tsüle kvusa gü tsangge rihüdan, shyenyüdan-e whenlo kegwa thyüla, tson-o tsüdan peha süshye pe kazü nyu shüo anyugun so kedüla. 11Tsüle tsange rihü kedagü sümvu la, khenyütsen kerüshvu thyüpe a-ketsüe khinla, lo Kerüshvuka-e nrhula. 12Temi le tsünyu khenyütsen kerüshvu kethyü sunka, kemu thyüla, lo ketsenyü ketsin gü pe shwenla. A-tsegü tsüle a-le tha kethyü aphu nyu gwalo.
13Tsüselo ale tsanggelonyu le khinyunyu ka shün kebin nyülo, “Tsemin ki hyukebin tsüle dithen bin tiyo? Kemu gwakemvu gü hile dithen khenyütsen kerüshvu hi khinbin tiyo?”
14Tsanggelonyu kecha gü le hihontse keni keshü ale nyü, “Hile jon 1,150 keti thyüti. Hi gwünkho ka seyi gü lo lonyü gü-e kerüshvu tho thyü loho. Tsüsiki Kerüshvuka gü sen nilo ti.”
Tsanggelonyu Gabriel le Tsemin gü Kon Zoshü
15Ale tsemin gü tsüle nyulayo tse shalo nyü kebin ka, nme le whütse amhundyü solo. 16Thakhwen nmele Ulai züri peri ki senshü, “Gabriel, a-le tsemin ki kehyu gü kon zope a-zenshü lo.” 17Gabriel le ryüo akhoka solo, lo ale akerüshvu lao kazü nyu chetsü la.
A-le aka zo, “Silakehü Temigü, a-kon gü shalo. Tsemin gü tsüle kazü keni ki thyüti.” 18A-le a nthon bin nsen ale kazünyu chetsüo thame shamvu la. Ai a-le asülo-o apenso shüo, 19aka zo, “Ale Sunggigü nyunkenthün le dihontsela tiyo pe nhishü bin nyo. Tsemin gü tsüle kenkhin ki rüla.
20“Nle kehyu tanyütse a-tse kenyhun kepvü gü tsüle Media lo Persia hvu tsin keshü. 21Tenyü tsüle Greece rajaphün, lo a-yhütyü hvu jaka a-tse kekvu gü tsüle raja kerigü. 22A-tse kerigü bosekela siki pezi chwikeryü dan tsüle senye tsügü kenjün pe raja pezi thyüla nrün tsinshü, lo tsüdan le kerigü kekvu hontse loha lati.
23“Raja tsüdan le keni thyüla nrün gwünkho le kho nnio anyugun le serimvusa-o shaja pe tsüla mvulo keshvu le keryü ka, a-nyunkerü, a-jvü gwamvu sa kethyü, lo kekhünkekho kethyü raja nme le soryüti. 24A-le kvu chwiryüti, ai tsüle a-npvü a-kekvu nyu mvu. Tsügü le tha nke pe ketetsin thyü lo a-le tha kethyü aphu gwa loti. A-le temi kekvu nyu gen lo Sunggigü temidan gen kenke senryüti. 25A-le kekhün kekho kethyü genyu a-kenku nyu chwiloti. A-le a-rüchün ketekhosao me tesha mvutse temi kechon nke lati. A-le raja aphu so kedagüe sümvuo khenti, ai temi kekvu sen mvuo a-nke lati. 26Seyigü lo lonyügü kerüshvu tsemi kehyu kon zope nzenkela tsüle thyü chvuti. Ai ntsoka tsüpe zonyatse, tsü thyüpenlo nrün gwünkho kethon le bin zun kethyü genyu.”
27Ale kvumulao jon peha ho tinla. Tsüsiki ale so-o raja gü le pe a tenyen keshü gü thyü, ai tsemin gü rüchün pe akevüo tsü shalo mvula.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.