DANIEL 9
9
Daniel Le A-temidan Genyu Kehi
1Mede temi Xerxes nyugü Darius le Babilon rajaphen so kekvu sen. 2A-le raja thyükelo chen kerigü ka ale kenshün lesü gü swü bin lo Jerusalem le chen hentsenyü kenke nyu bin la kethyüi letse Npugü le sidyükeshagü Jeremiah ka zokeshü tsü rüchün bin. 3Ale nyen-o ronphi ben lo kemphü nyu dun-o Npugü Sunggigü ka kehi thyüo a-ka shwikenjün hi. 4Ale Npugü a Sunggigü ka kehi thyü lo atemi kemu zoshwi.
Ale zo, “Npugü Sunggigü, nle gon, lo agun le nrühvu hünyo. Nle kejopenkelo gü then lo nle sozinkehü lope nso lo n johokeshü zenkehü nyu hishü hü.
5“Agun le mula, agun le gwamvula, lo agun le thyüzü laso. Agun le nle agun no thyülo tse keshü khela lo nle njü letse pe agun hikeshü nyu ranitin la. 6Agun le ngonyu sidyükeshanyu le nzan nyu agun rajanyu, kekvukesen nyu, agun bonnyu lo agun senye apentha ka zokeshü khwen nyü mvula. 7Npugü, nle kenjügü thyühü, ai agun we azin kejokepvü senryüo agun gen shüla hü. Hile agun Judea nyu lo Jerusalem nyu keyhun nyu aphu lo Israel nyu njo zen mvukela genyu hüpe kazü a-khokeni lo nithen ki shükelanyu aphu genyu ketsin le. 8Agun raja, agun so kekvukesen nyu, lo agun bonnyu le kejokepvü tho thyü lo mupe n ntsunla sele, Npugü. 9Agun le n ntsun la yatse-e, nwe shwinjüo kemu jüshü kehü güle. 10O Npugü, agun Sunggigü, nle agun no then-o yhun lotse n gonyu sidyükeshanyu gen khi keshü tejvudan agun le zen mvula. 11Israelnyu aphu ntejvu gwenrho lo nle zokeshü nyü mvula. Agun le mupe n ntsunla, tsügenyu nle ngogü Mosa tejvu nyu thukenjü shochüdan sen ryüo agun gen shüla. 12Nle agun lo agun so kekvu kesennyu gen nyu thyüti tse zoshüyo thyü laso. Nle kazü nyu nyida kecha nyeki shaja kerü pe Jerusalem tsü, 13tsüle Mosa Tejvu nyu thu kenjü shaja aphu pe agun gen shü. Tsonla yatse-e, Npugü agun Sunggigü, agun le agun kemu nyu rani nmvue ketsin gü then-o nkenyü thyülo titse ndo-e mvule. 14Npugü agun Sunggigü, nle shaja pe agun tsüti tse ndo, lo nle thyüla, kechamvule nle azintse kenjügü thyühü, lo agun le nkhwen nyü mvula.
15“O Npugü agun Sunggigü, nle Ijipt kazünyu ntemidan zen chwi keryü nyu nkekvu pe hishü, lo ntsokae nkekvu tsü rüchün hüzun. Agun le mula; agun le thyüzü la. 16Nle gükela gwünkho ka agun nokhinlo, tsügenyu Jerusalem gen nnyuntasin nya gwenta. Tsüle n nyidagü, nkenshün rincho le. Agun kazonkazin senye aphu agun kemu lo agun bonyu kemu genyu Jerusalem lo ntemi sümvu hüle. 17O Sunggigü, ale nka shwikenjün hikebin hi nyü shüta. N Kerüshvuka nkekela gü tsü rani shüta, temi aphu no nle Sunggigü letse shalo nrün genyu tsü rani shülo. 18O Sunggigü, agun khwen nyüshü ta; agun nrishü, tson-o agun le kenjün kethyü nyu kebin lo nzan senkehü nnyidagü le kenjün thyü kebin hi nrishülo. Agun le kenjütho thyükelo genyu mvule nle me shwi njün kehü genyu agun le nka hihü nle. 19Npugü, agun kehi nyüshü lo, Npugü, agun kemu jü shülo, Npugü, agun kehi nyüshüo thathyü shüta! Temi aphu no nle Sunggigü letse shalo nrün genyu, ntsüla nyata! Nyida higü lo temi hidan le nhon le.”
Gabriel Le Sidyüjo Kon Zokeshü
20Ale akemu lo atemi Israel kemu zoshwio kehithyü, tson-o Npugü a Sunggigü no a-Kerüshvuka kenshün gü rani shü lotse shwikenjün hi. 21Ale hikebin ka, ale tsemin kerigü ka kehyu gü Gabriel tsü le nye sen-o akebin bin nyu tsüryü. Tsüle n gwengü kerüshvu gwünkho ka. 22A-le a-kon zoshü, “Daniel, ale nche shüo nno sidyüjo shalo titse ryü bin nyo. 23Nle Sunggigü ka hikeso ka a-le n kehi nyüshü laso. A-le nsohü, tsügenyu a-le njo keni keshü kon pe nka zo titse ale ryü bin nyo. Tsügenyu ale tsemin kon zolo nle nyü kegwa thyüshü lo.
24“Chen tsenyünyü kethyü hentsenyü tsüle Sunggigü le kemu lo gwakemvu nyu ntemi lo nyida kenshün gü shwü keshü gwünkho thokenjü güle. Kemudan jüpe tsüla lo kethonthen joketsin kesen penso loti, tson-o tsemin gü lo sidyüjo no ryü ketsin thyü loti, lo Kerüshvuka kenshün gü thyükenshünni lo ti. 25Tsü rüchünlo lo a-kon-e shalo: Jerusalem thyü nilo lotse johokeshü gwünkho kagü, Sunggigü le kejükelo sharhigü le keryü keti, chen tsenyü thyü tsenyü le gü lati. Jerusalem thyüni ti, tsondadan lo chwida khwen nko-o, tson-o hapta tsenyü lo hapta hentsero-o kenyhun binti, ai tsüle kenjün kethyü gwünkho lati. 26Tsü gwünkho keni ki njü kemvu nyu Sunggigü le kejükelo sharhigü boshvu lati. Nyida gü lo Kerüshvuka gü tsüle raja kekvu nme rihü le ryüo nke lati. Gwenkho kenkhin gü le Sunggigü le teri lo kenke ndo kenjü lope züda kentyü hontse ryüti. 27Kekvukesen teni tsügü le chen tsenyü genyu temi kechon khi zen-o kejozen ti, lo gwünkho higü ponha le penkelo ki, a-le kerüshvu lo tha hokeshü no a-keni thyü lati. Kenshvu ketetsin lope Kerüshvuka pesun ki shü lo tsü pe tsüki keshü gü le Sunggigü le a-genyu ndo kenjü kenkhin gü zenketeno kemvuthen tson binti.”
Currently Selected:
DANIEL 9: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
DANIEL 9
9
Daniel Le A-temidan Genyu Kehi
1Mede temi Xerxes nyugü Darius le Babilon rajaphen so kekvu sen. 2A-le raja thyükelo chen kerigü ka ale kenshün lesü gü swü bin lo Jerusalem le chen hentsenyü kenke nyu bin la kethyüi letse Npugü le sidyükeshagü Jeremiah ka zokeshü tsü rüchün bin. 3Ale nyen-o ronphi ben lo kemphü nyu dun-o Npugü Sunggigü ka kehi thyüo a-ka shwikenjün hi. 4Ale Npugü a Sunggigü ka kehi thyü lo atemi kemu zoshwi.
Ale zo, “Npugü Sunggigü, nle gon, lo agun le nrühvu hünyo. Nle kejopenkelo gü then lo nle sozinkehü lope nso lo n johokeshü zenkehü nyu hishü hü.
5“Agun le mula, agun le gwamvula, lo agun le thyüzü laso. Agun le nle agun no thyülo tse keshü khela lo nle njü letse pe agun hikeshü nyu ranitin la. 6Agun le ngonyu sidyükeshanyu le nzan nyu agun rajanyu, kekvukesen nyu, agun bonnyu lo agun senye apentha ka zokeshü khwen nyü mvula. 7Npugü, nle kenjügü thyühü, ai agun we azin kejokepvü senryüo agun gen shüla hü. Hile agun Judea nyu lo Jerusalem nyu keyhun nyu aphu lo Israel nyu njo zen mvukela genyu hüpe kazü a-khokeni lo nithen ki shükelanyu aphu genyu ketsin le. 8Agun raja, agun so kekvukesen nyu, lo agun bonnyu le kejokepvü tho thyü lo mupe n ntsunla sele, Npugü. 9Agun le n ntsun la yatse-e, nwe shwinjüo kemu jüshü kehü güle. 10O Npugü, agun Sunggigü, nle agun no then-o yhun lotse n gonyu sidyükeshanyu gen khi keshü tejvudan agun le zen mvula. 11Israelnyu aphu ntejvu gwenrho lo nle zokeshü nyü mvula. Agun le mupe n ntsunla, tsügenyu nle ngogü Mosa tejvu nyu thukenjü shochüdan sen ryüo agun gen shüla. 12Nle agun lo agun so kekvu kesennyu gen nyu thyüti tse zoshüyo thyü laso. Nle kazü nyu nyida kecha nyeki shaja kerü pe Jerusalem tsü, 13tsüle Mosa Tejvu nyu thu kenjü shaja aphu pe agun gen shü. Tsonla yatse-e, Npugü agun Sunggigü, agun le agun kemu nyu rani nmvue ketsin gü then-o nkenyü thyülo titse ndo-e mvule. 14Npugü agun Sunggigü, nle shaja pe agun tsüti tse ndo, lo nle thyüla, kechamvule nle azintse kenjügü thyühü, lo agun le nkhwen nyü mvula.
15“O Npugü agun Sunggigü, nle Ijipt kazünyu ntemidan zen chwi keryü nyu nkekvu pe hishü, lo ntsokae nkekvu tsü rüchün hüzun. Agun le mula; agun le thyüzü la. 16Nle gükela gwünkho ka agun nokhinlo, tsügenyu Jerusalem gen nnyuntasin nya gwenta. Tsüle n nyidagü, nkenshün rincho le. Agun kazonkazin senye aphu agun kemu lo agun bonyu kemu genyu Jerusalem lo ntemi sümvu hüle. 17O Sunggigü, ale nka shwikenjün hikebin hi nyü shüta. N Kerüshvuka nkekela gü tsü rani shüta, temi aphu no nle Sunggigü letse shalo nrün genyu tsü rani shülo. 18O Sunggigü, agun khwen nyüshü ta; agun nrishü, tson-o agun le kenjün kethyü nyu kebin lo nzan senkehü nnyidagü le kenjün thyü kebin hi nrishülo. Agun le kenjütho thyükelo genyu mvule nle me shwi njün kehü genyu agun le nka hihü nle. 19Npugü, agun kehi nyüshü lo, Npugü, agun kemu jü shülo, Npugü, agun kehi nyüshüo thathyü shüta! Temi aphu no nle Sunggigü letse shalo nrün genyu, ntsüla nyata! Nyida higü lo temi hidan le nhon le.”
Gabriel Le Sidyüjo Kon Zokeshü
20Ale akemu lo atemi Israel kemu zoshwio kehithyü, tson-o Npugü a Sunggigü no a-Kerüshvuka kenshün gü rani shü lotse shwikenjün hi. 21Ale hikebin ka, ale tsemin kerigü ka kehyu gü Gabriel tsü le nye sen-o akebin bin nyu tsüryü. Tsüle n gwengü kerüshvu gwünkho ka. 22A-le a-kon zoshü, “Daniel, ale nche shüo nno sidyüjo shalo titse ryü bin nyo. 23Nle Sunggigü ka hikeso ka a-le n kehi nyüshü laso. A-le nsohü, tsügenyu a-le njo keni keshü kon pe nka zo titse ale ryü bin nyo. Tsügenyu ale tsemin kon zolo nle nyü kegwa thyüshü lo.
24“Chen tsenyünyü kethyü hentsenyü tsüle Sunggigü le kemu lo gwakemvu nyu ntemi lo nyida kenshün gü shwü keshü gwünkho thokenjü güle. Kemudan jüpe tsüla lo kethonthen joketsin kesen penso loti, tson-o tsemin gü lo sidyüjo no ryü ketsin thyü loti, lo Kerüshvuka kenshün gü thyükenshünni lo ti. 25Tsü rüchünlo lo a-kon-e shalo: Jerusalem thyü nilo lotse johokeshü gwünkho kagü, Sunggigü le kejükelo sharhigü le keryü keti, chen tsenyü thyü tsenyü le gü lati. Jerusalem thyüni ti, tsondadan lo chwida khwen nko-o, tson-o hapta tsenyü lo hapta hentsero-o kenyhun binti, ai tsüle kenjün kethyü gwünkho lati. 26Tsü gwünkho keni ki njü kemvu nyu Sunggigü le kejükelo sharhigü boshvu lati. Nyida gü lo Kerüshvuka gü tsüle raja kekvu nme rihü le ryüo nke lati. Gwenkho kenkhin gü le Sunggigü le teri lo kenke ndo kenjü lope züda kentyü hontse ryüti. 27Kekvukesen teni tsügü le chen tsenyü genyu temi kechon khi zen-o kejozen ti, lo gwünkho higü ponha le penkelo ki, a-le kerüshvu lo tha hokeshü no a-keni thyü lati. Kenshvu ketetsin lope Kerüshvuka pesun ki shü lo tsü pe tsüki keshü gü le Sunggigü le a-genyu ndo kenjü kenkhin gü zenketeno kemvuthen tson binti.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.