DANIEL 7
7
DANIEL LE A-TSEMIN KEHYU RÜLA KEZO
(7:1—12:13)
Daniel Le Tehenthyü Pezi Kehyu
1Belshazzar le Babilon raja thyükelo chen kerigü ka, khejenyu ale amin nme nmin lo tsemi nme hyu. Ale mingü thulo, lo higü hile tsügü: 2tsüje amin ki kehyu:
Tsangkenbu le lizin hizin aphu nyu gun ryüo züdagü whünbin. 3Nyukhu pezi le züda gü nyu chwiryü, nme-e nme nfümvu. 4Kerigü le shünyho, ai logi sekin hontse pvü. Ale nribin ntsin, a-sekindan tsü le nrhenla. Nyukhu gü penso-o no temi hontse solo. Tsüselo temi nyun khipe a-tsüla.
5Nyukhu shahvu gü le thyügwen hontse lo phahvu nti lo rhun-o sobin. Nikhonru kenshen nka pen bin, lo tha khwen nme le tsügü ka zoshü, “Gülo, tson-o thyü nle tyükenyü kho tsü tyülo.” 6Lo ale nribin nsen nyukhu kecha nme le chwiryü. Tsü le meren hontse, ai a-seren gen tegü sekin hontse pezi, lo a-pe pezi le bin. Lo tsüle kekvu le kebin hontse hyu.
7Ale tsü nribin nsen, nyukhu pezi gü le chwiryü. Tsüle kvusa, kenrin lo shwikenshvu. Tegi hü keda pe a-le tenkelo dan nkaren, lo tsüdan so kedüla. A-le nyukhu kechadan hontse mvuo, a-tse tseryü le bin. 8Ale a-tsedan tsü nrirü kebin ka a-tse keshen nme le tsüdan nyu chwiryü. Tsügü le himhundyü binkela kenshendan bosela. Tse tsügü le temi yhütyü lo mün pvüo kemakin lo ketekho sabin.
Tsemin Nyu Kethonthen Yhun Kehü Gü Kehyu
9Ale nrikebin ka kedakhendan pe shüshü. Kethonthen yhun kehügü le kedakhen dan nme gen dunlo. A phinya le khütsa hontse chon, lo a-pehü le thyühü kenshün hontse. A-kedakhen le mah kenyü gen bin-o benchvü tse bin, 10lo mah züri le tsünyu tsun chwiryü bin. Temi yeye le a-lothyü, lo shin shin le a-mhundyü nyu sobin. Jokera binzenlo, lo lesü dan helo.
11Ale nribin nsen nyukhu tse keshen gü le kemakin-o jozo kebin nyülo bin zun. Ale nrikebin ka nyukhu pezi gü boshvu la, lo a-min lope mah kenyü bin nyu shwen shüo rola. 12Nyukhu kechadan kekvu sen tinla, ai anyugun no jon keshanyu yhun binlo kegwa khishü.
13Khejegwen tsemin higü hyu kebin ka temi hontse nme hyu. A-le nmha lope a-hunpvüo a-khonni ryüjü, tsügü le kethonthen yhunkehü gü ki gü, a-mhundyü nyu binlo. 14Kekvu, kerühvu, lo raja kekvu pe a-tsüshü, senye, tsipwen lo khwenkechacha aphu a-lothyü nrün genyu. A-kekvu le kethonthen binti, lo a-raja le a-keni thyüla loho.
Tsemin Ki Kehyudan Kon Zoshü
15Ale temin gü hyu shüo nshvu, lo akevü sala. 16Ale tsü nyu sokebin nyu nme ki güo a-no tsü aphu pe aka zolo tse hi. Tsügenyu a-le a-kon zoshü. 17A-le zo, “Nyukhu keda pezi hile kazünyu chwiryü nrün raja pezidan. 18Lo kekvutsin Sunggigü temidan le raja kekvu hyulo-o kethonthen senbinti.”
19Tsüselo ale nyukhu pezigü, kechadan hontse kemvu, nyukhu kenrin, a-tsen lazo pe kethyü, lo tegi pe a-hü kethyü lope a-le tenlo kela dan nkaren lo tsüdan kedü kela rüla shasin lonyü so. 20Lo a-pe gen a-tse tseryüdan, lo kenkhin ki chwikeryü tse, lo a-tse kenshen borenkela gü rüla shanyü lola. A-le a-yhütyü lo kemakin ketekho jozo kehü mün le bin. Tsügü le kecha aphu nyeki kenrin thyü kvu.
21Ale nribin nsen, a-tse tsügü le Sunggigü temidan zen terithyüo anyugun so kvula. 22Tsüselo kethonthen yhunkehü gü le ryüo kekvutsin Sunggigü temidan jünzo-o jokera penshü. Sunggigü temidan no raja kekvu lolo kegwa gwünkho le ryüla.
23Hihontse a-kon zo pe ahi: “Nyukhu pezigü le kazünyu raja pezigü lo a-le raja kecha aphu nyeki kecha thyüti. A-le kazü apentha borenla lo tsüso kedü lati. 24A-tse tseryü dan tsüle kazü tsügü sogon nrün raja tseryü dan. Tsüsika raja kecha nme le soryüti; a-le kerika dan nyeki kechathyü lo raja kenshen so kvulati. 25A-le kekvutsin Sunggigü ntsun-o jozo lo Sunggigü temidan nshwenti. A-le Sunggigü temidan ketsenyü jvu lo anyugun nga jondan kelula titse ndoti, tson-o Sunggigü temidan le chenshen-o ponha a-kekvu hensin binti. 26Tsüsika tsangge a-jün kera-o, a-kekvu sentin lati, lo a-bokemhe shü lati. 27Kazü nyu rajadan kekvu lo keda aphu pe kekvutsin Sunggigü temidan tsü lati. Anyugun raja kekvu le ndila loho lo kazünyu kekvu kesen nyu aphu anyugun lothyüo anyugun jo zen ti.”
28Higü hile tha rüla khikeshü kenkhin gü. A kerüshvulao amhun-e jvuri la, lo ale tha aphu pe anyun ki shülo la.
Currently Selected:
DANIEL 7: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
DANIEL 7
7
DANIEL LE A-TSEMIN KEHYU RÜLA KEZO
(7:1—12:13)
Daniel Le Tehenthyü Pezi Kehyu
1Belshazzar le Babilon raja thyükelo chen kerigü ka, khejenyu ale amin nme nmin lo tsemi nme hyu. Ale mingü thulo, lo higü hile tsügü: 2tsüje amin ki kehyu:
Tsangkenbu le lizin hizin aphu nyu gun ryüo züdagü whünbin. 3Nyukhu pezi le züda gü nyu chwiryü, nme-e nme nfümvu. 4Kerigü le shünyho, ai logi sekin hontse pvü. Ale nribin ntsin, a-sekindan tsü le nrhenla. Nyukhu gü penso-o no temi hontse solo. Tsüselo temi nyun khipe a-tsüla.
5Nyukhu shahvu gü le thyügwen hontse lo phahvu nti lo rhun-o sobin. Nikhonru kenshen nka pen bin, lo tha khwen nme le tsügü ka zoshü, “Gülo, tson-o thyü nle tyükenyü kho tsü tyülo.” 6Lo ale nribin nsen nyukhu kecha nme le chwiryü. Tsü le meren hontse, ai a-seren gen tegü sekin hontse pezi, lo a-pe pezi le bin. Lo tsüle kekvu le kebin hontse hyu.
7Ale tsü nribin nsen, nyukhu pezi gü le chwiryü. Tsüle kvusa, kenrin lo shwikenshvu. Tegi hü keda pe a-le tenkelo dan nkaren, lo tsüdan so kedüla. A-le nyukhu kechadan hontse mvuo, a-tse tseryü le bin. 8Ale a-tsedan tsü nrirü kebin ka a-tse keshen nme le tsüdan nyu chwiryü. Tsügü le himhundyü binkela kenshendan bosela. Tse tsügü le temi yhütyü lo mün pvüo kemakin lo ketekho sabin.
Tsemin Nyu Kethonthen Yhun Kehü Gü Kehyu
9Ale nrikebin ka kedakhendan pe shüshü. Kethonthen yhun kehügü le kedakhen dan nme gen dunlo. A phinya le khütsa hontse chon, lo a-pehü le thyühü kenshün hontse. A-kedakhen le mah kenyü gen bin-o benchvü tse bin, 10lo mah züri le tsünyu tsun chwiryü bin. Temi yeye le a-lothyü, lo shin shin le a-mhundyü nyu sobin. Jokera binzenlo, lo lesü dan helo.
11Ale nribin nsen nyukhu tse keshen gü le kemakin-o jozo kebin nyülo bin zun. Ale nrikebin ka nyukhu pezi gü boshvu la, lo a-min lope mah kenyü bin nyu shwen shüo rola. 12Nyukhu kechadan kekvu sen tinla, ai anyugun no jon keshanyu yhun binlo kegwa khishü.
13Khejegwen tsemin higü hyu kebin ka temi hontse nme hyu. A-le nmha lope a-hunpvüo a-khonni ryüjü, tsügü le kethonthen yhunkehü gü ki gü, a-mhundyü nyu binlo. 14Kekvu, kerühvu, lo raja kekvu pe a-tsüshü, senye, tsipwen lo khwenkechacha aphu a-lothyü nrün genyu. A-kekvu le kethonthen binti, lo a-raja le a-keni thyüla loho.
Tsemin Ki Kehyudan Kon Zoshü
15Ale temin gü hyu shüo nshvu, lo akevü sala. 16Ale tsü nyu sokebin nyu nme ki güo a-no tsü aphu pe aka zolo tse hi. Tsügenyu a-le a-kon zoshü. 17A-le zo, “Nyukhu keda pezi hile kazünyu chwiryü nrün raja pezidan. 18Lo kekvutsin Sunggigü temidan le raja kekvu hyulo-o kethonthen senbinti.”
19Tsüselo ale nyukhu pezigü, kechadan hontse kemvu, nyukhu kenrin, a-tsen lazo pe kethyü, lo tegi pe a-hü kethyü lope a-le tenlo kela dan nkaren lo tsüdan kedü kela rüla shasin lonyü so. 20Lo a-pe gen a-tse tseryüdan, lo kenkhin ki chwikeryü tse, lo a-tse kenshen borenkela gü rüla shanyü lola. A-le a-yhütyü lo kemakin ketekho jozo kehü mün le bin. Tsügü le kecha aphu nyeki kenrin thyü kvu.
21Ale nribin nsen, a-tse tsügü le Sunggigü temidan zen terithyüo anyugun so kvula. 22Tsüselo kethonthen yhunkehü gü le ryüo kekvutsin Sunggigü temidan jünzo-o jokera penshü. Sunggigü temidan no raja kekvu lolo kegwa gwünkho le ryüla.
23Hihontse a-kon zo pe ahi: “Nyukhu pezigü le kazünyu raja pezigü lo a-le raja kecha aphu nyeki kecha thyüti. A-le kazü apentha borenla lo tsüso kedü lati. 24A-tse tseryü dan tsüle kazü tsügü sogon nrün raja tseryü dan. Tsüsika raja kecha nme le soryüti; a-le kerika dan nyeki kechathyü lo raja kenshen so kvulati. 25A-le kekvutsin Sunggigü ntsun-o jozo lo Sunggigü temidan nshwenti. A-le Sunggigü temidan ketsenyü jvu lo anyugun nga jondan kelula titse ndoti, tson-o Sunggigü temidan le chenshen-o ponha a-kekvu hensin binti. 26Tsüsika tsangge a-jün kera-o, a-kekvu sentin lati, lo a-bokemhe shü lati. 27Kazü nyu rajadan kekvu lo keda aphu pe kekvutsin Sunggigü temidan tsü lati. Anyugun raja kekvu le ndila loho lo kazünyu kekvu kesen nyu aphu anyugun lothyüo anyugun jo zen ti.”
28Higü hile tha rüla khikeshü kenkhin gü. A kerüshvulao amhun-e jvuri la, lo ale tha aphu pe anyun ki shülo la.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.