DANIEL 6
6
Daniel le Shünyho Kü Nyu Kebin
1Darius le ahng tsio nki kejü pe a-raja kazü so keda thyü titse rhilo. 2Tsü nyeki a-le Daniel lo kecha mihvu kejü pe ahngdan tsontsin lo raja tho nri nrün genyu kejülo. 3Thon mvutse Daniel le kedanyu lo ahng nyu nyeki a-tho gwa nrün hyu lola. A-le gwarüchyesa kethyü genyu raja gü le a-khipe a-rajaphen apentha keshwi gü thyü shüla. 4Tsüselo keda nyu lo ahngdan le Daniel le tha thyü zükeshü peha tenlo nyüo ndo, ai hyu lomvu, kechamvule Daniel le tenyenlo kekünyu lo thame thyüzü nmvue njükemvu thyüla mvu. 5Anyugun le khinyunyu ka, “Ngun le Daniel nkhin nrün le a-nyünyu genyu a-me tson kecha thame hyulo mvula sele.”
6Tsügenyu anyugun le raja teno titse güo a-ka zo, “Raja Darius, raja gü no yhun kethon gü thyülo! 7Agun nraja hensin tha ketsen kehü- kedanyu, ahng dan, ahng keshennyu, lo keda kechadan aphu raja gü no ahza nme thuo zo nko shü mvulo shvu letse kejorhünlo sele. Jon shenryü jaka hi temi nme-e raja gü ka a-me tero kecha nmvue temi nme-e ka thame hinya lotse ahza khishülo. Lihigüe ahza higü gwenrhokela gü shwen pe shünyho le sükebin kü nyu shü lati. 8Tsügenyu raja gü no ahza tsügü gen azan thulao nishülo, tsonlo tsüle nko loti. Medesnyu lo Persianyu tejvü ka tsü le kelu loho.” 9Tsügenyu raja Darius le ahza tsü gen a-zan thula. 10Daniel le ahza tsügü gen raja zan thula sele tse nyü kelo ka a-le kaki gun la. A-ka he tesogü ki Jerusalem kentsun kipon kafüphe le bin. A-le a-zin thyü kehü hontse kafüphe khinsheo khenyüme gwenshen gen Sunggigü ka kehi thyü.
11Daniel shwikerüchün nyu le a-le Sunggigü ka kehi thyü kebin hyukelo ka, 12anyugun aphu kengü gü raja gü ka Daniel nkhin sola. Anyugun le zo, “Rajagü, nle jon shenryü jaka hi lihigüe n nyeki tero nmvue temi nme ka tha lihie hilo pe shünyho le sükebin kü nyu shwen shü la titse nzan thu laso.”
Raja gü le kenishü, “Ele, Medesnyu lo Persianyu tejvu kenko kelulo nrün kendi jo khishüle.”
13Tsüselo anyugun le rajagü ka zoshü, “Juda temi donyu nme, Daniel tsüle rajagü rühvu mvu lo nle khishwi keshü ahza zen mvula sele. Tson-o a-le khenyü me gwenshen gen kehi thyü zin bin nle.”
14Raha gü le tsü nyükelo ka, a-le a-nyun gwamvu lo Daniel kenishüla nrün genyu a-hen thyüo tson peha füso. Yhüko chela kemvuthen a-le ndo. 15Tsüsika temi tsüdan le raja gü ka niryüo a-ka zoshü, “Raja gü le Medesnyu lo Persianyu tejvu nyu raja gü le khishwi shü kela ahza gü tsü kelulo kemvui letse kethyü nle shabin.”
16Tsügenyu raja gü le meno Daniel tenlo-o shwen pe teme le sükebin kü nyu shüla lotse ahza shüla. A-le Daniel kazo, “Nle ketsin thyüo a-lothyü kehü n Sunggigü no nkenishwi keshügü thyüta.” 17Tso nme pe tekhün kü khinla, lo nme-e no Daniel kenishwi mvu nrün genyu raja gü le a-npvü a-mohor lo a-hensin kedadan mohor pe tsogen vüla. 18Tsüselo rajagü le a-rajabin nyu raniryüo thame tyümvu, lo shekerhün tho thame pe a-mhundyü shü mvu, lo khünsin jüe mvula.
19Tsangbenlo ntsin raja güle nyhunsa tse teme kü ki güo 20A-le tsü tikelo ka, a-nyun gwamvusao Daniel ko, “Rhünkehü Sunggigü gogü Daniel! Nle ketsin nyu a-lothyü kehü Sunggigü le shünyho dan ka nkenilo mon?”
21Daniel le kenishü, “Raja gü no yhun kethon gü thyülo! 22Sunggigü le shünyho dan no a nthyünnyümvu nrün genyu a-lilonyu nishüo anyugun mün khinla le. A-le tsü thyüshü, kechamvule ale thyüzüla mvu lo nkenyükemvu thyümvu tse kethyü shakebin genyu, raja gü.”
23Raja gü le a-sherhün ritsinlao teme kü nyu Daniel khishwila lotse ahza hoshüla. Tsügenyu anyugun le a-khishwishü, lo a-gen kejünkeja thame thyümvu kethyü hyulo; a-le Sunggigü tenyen kehü genyu. 24Tsüselo raja gü le Daniel kenkhinnyu aphu tenlola lotse ahza hoshü, tson-o anyugun, anyugun nunyu lo anyugun nyenyu sin-o shünyho le sükebin kü nyu shwen shüla. Anyugun le kazü tilo kemvu kanyu shünyhodan le anyugun tenlo-o anyugun ru aphu nkaren la.
25Tsüselo Darius le lesü thupe kazünyu senye, tsipwen lo khwen kechacha aphu nyu shü:
“Kegwagü thyülo! 26Ale a raja kazü nyu kebin aphu no Daniel Sunggigü nshvu lo rühvu lotse johoshü bin nyo.
“A-le rhünkehü Sunggigü,
lo a-le kethonthen kekvu senti.
A-rajaphen le thame ka-e nkela loho,
lo a-kekvu le a-keni thyüla loho.
27A-le kenishü lo kenishwishü hü;
a-le tha keda lo ndunkethyü thyü
hü tsangge lo kazü nyue.
A-le shünyho no Daniel ten mvuo
kenishü.”
28Daniel le Darius keda gwünkho lo Persianyu Sairus keda gwünkho ka gwakenyelo.
Currently Selected:
DANIEL 6: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
DANIEL 6
6
Daniel le Shünyho Kü Nyu Kebin
1Darius le ahng tsio nki kejü pe a-raja kazü so keda thyü titse rhilo. 2Tsü nyeki a-le Daniel lo kecha mihvu kejü pe ahngdan tsontsin lo raja tho nri nrün genyu kejülo. 3Thon mvutse Daniel le kedanyu lo ahng nyu nyeki a-tho gwa nrün hyu lola. A-le gwarüchyesa kethyü genyu raja gü le a-khipe a-rajaphen apentha keshwi gü thyü shüla. 4Tsüselo keda nyu lo ahngdan le Daniel le tha thyü zükeshü peha tenlo nyüo ndo, ai hyu lomvu, kechamvule Daniel le tenyenlo kekünyu lo thame thyüzü nmvue njükemvu thyüla mvu. 5Anyugun le khinyunyu ka, “Ngun le Daniel nkhin nrün le a-nyünyu genyu a-me tson kecha thame hyulo mvula sele.”
6Tsügenyu anyugun le raja teno titse güo a-ka zo, “Raja Darius, raja gü no yhun kethon gü thyülo! 7Agun nraja hensin tha ketsen kehü- kedanyu, ahng dan, ahng keshennyu, lo keda kechadan aphu raja gü no ahza nme thuo zo nko shü mvulo shvu letse kejorhünlo sele. Jon shenryü jaka hi temi nme-e raja gü ka a-me tero kecha nmvue temi nme-e ka thame hinya lotse ahza khishülo. Lihigüe ahza higü gwenrhokela gü shwen pe shünyho le sükebin kü nyu shü lati. 8Tsügenyu raja gü no ahza tsügü gen azan thulao nishülo, tsonlo tsüle nko loti. Medesnyu lo Persianyu tejvü ka tsü le kelu loho.” 9Tsügenyu raja Darius le ahza tsü gen a-zan thula. 10Daniel le ahza tsügü gen raja zan thula sele tse nyü kelo ka a-le kaki gun la. A-ka he tesogü ki Jerusalem kentsun kipon kafüphe le bin. A-le a-zin thyü kehü hontse kafüphe khinsheo khenyüme gwenshen gen Sunggigü ka kehi thyü.
11Daniel shwikerüchün nyu le a-le Sunggigü ka kehi thyü kebin hyukelo ka, 12anyugun aphu kengü gü raja gü ka Daniel nkhin sola. Anyugun le zo, “Rajagü, nle jon shenryü jaka hi lihigüe n nyeki tero nmvue temi nme ka tha lihie hilo pe shünyho le sükebin kü nyu shwen shü la titse nzan thu laso.”
Raja gü le kenishü, “Ele, Medesnyu lo Persianyu tejvu kenko kelulo nrün kendi jo khishüle.”
13Tsüselo anyugun le rajagü ka zoshü, “Juda temi donyu nme, Daniel tsüle rajagü rühvu mvu lo nle khishwi keshü ahza zen mvula sele. Tson-o a-le khenyü me gwenshen gen kehi thyü zin bin nle.”
14Raha gü le tsü nyükelo ka, a-le a-nyun gwamvu lo Daniel kenishüla nrün genyu a-hen thyüo tson peha füso. Yhüko chela kemvuthen a-le ndo. 15Tsüsika temi tsüdan le raja gü ka niryüo a-ka zoshü, “Raja gü le Medesnyu lo Persianyu tejvu nyu raja gü le khishwi shü kela ahza gü tsü kelulo kemvui letse kethyü nle shabin.”
16Tsügenyu raja gü le meno Daniel tenlo-o shwen pe teme le sükebin kü nyu shüla lotse ahza shüla. A-le Daniel kazo, “Nle ketsin thyüo a-lothyü kehü n Sunggigü no nkenishwi keshügü thyüta.” 17Tso nme pe tekhün kü khinla, lo nme-e no Daniel kenishwi mvu nrün genyu raja gü le a-npvü a-mohor lo a-hensin kedadan mohor pe tsogen vüla. 18Tsüselo rajagü le a-rajabin nyu raniryüo thame tyümvu, lo shekerhün tho thame pe a-mhundyü shü mvu, lo khünsin jüe mvula.
19Tsangbenlo ntsin raja güle nyhunsa tse teme kü ki güo 20A-le tsü tikelo ka, a-nyun gwamvusao Daniel ko, “Rhünkehü Sunggigü gogü Daniel! Nle ketsin nyu a-lothyü kehü Sunggigü le shünyho dan ka nkenilo mon?”
21Daniel le kenishü, “Raja gü no yhun kethon gü thyülo! 22Sunggigü le shünyho dan no a nthyünnyümvu nrün genyu a-lilonyu nishüo anyugun mün khinla le. A-le tsü thyüshü, kechamvule ale thyüzüla mvu lo nkenyükemvu thyümvu tse kethyü shakebin genyu, raja gü.”
23Raja gü le a-sherhün ritsinlao teme kü nyu Daniel khishwila lotse ahza hoshüla. Tsügenyu anyugun le a-khishwishü, lo a-gen kejünkeja thame thyümvu kethyü hyulo; a-le Sunggigü tenyen kehü genyu. 24Tsüselo raja gü le Daniel kenkhinnyu aphu tenlola lotse ahza hoshü, tson-o anyugun, anyugun nunyu lo anyugun nyenyu sin-o shünyho le sükebin kü nyu shwen shüla. Anyugun le kazü tilo kemvu kanyu shünyhodan le anyugun tenlo-o anyugun ru aphu nkaren la.
25Tsüselo Darius le lesü thupe kazünyu senye, tsipwen lo khwen kechacha aphu nyu shü:
“Kegwagü thyülo! 26Ale a raja kazü nyu kebin aphu no Daniel Sunggigü nshvu lo rühvu lotse johoshü bin nyo.
“A-le rhünkehü Sunggigü,
lo a-le kethonthen kekvu senti.
A-rajaphen le thame ka-e nkela loho,
lo a-kekvu le a-keni thyüla loho.
27A-le kenishü lo kenishwishü hü;
a-le tha keda lo ndunkethyü thyü
hü tsangge lo kazü nyue.
A-le shünyho no Daniel ten mvuo
kenishü.”
28Daniel le Darius keda gwünkho lo Persianyu Sairus keda gwünkho ka gwakenyelo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.