ROMETE 8
8
Kha A Hinna
1Huaiziak in tu'n ah zaw Khrist Jesu a omte a ding in siam louh tansakna himhim a-omta kei hi. 2Khrist Jesu a Hinna Khadan in khelhna leh sihna dan a kipan hon suaktasakta ngal a. 3Sa ziak a dan ahat louh a, ahihtheih vual louh, Pathian in, amah Tapa ngei, khelhna sa gilou bang pu in, khelhna thoihna ding a hon sawl in, sa a khelhna om tuh siam louh atangsakta, 4sadan zui lou a Khadan zui zawte eimah a dan in angiat diktatna tangtun a a-omtheihna ding in. 5Sadan a omte'n salam thilte alunggulh nak ua; Khadan a omte'n bel Khalam thilte alunggulh nak uhi. 6Sa thilte deih zaw sihna ahi ngal a, Kha thil deih bel hinna leh khamuanna ahi. 7Sa deihdan zaw Pathian douna ahih ziak in, huai Pathian dan in a-om ngal kei a, om leng a-om thei kei him ahi. 8Huchi in sa a omte'n Pathian akipaksak thei kei uhi.
9Himahleh Pathian Kha noumau a a-om taktakleh sa a om na hi kei ua, Kha a om na hi zaw uhi. Himahleh, kuapeuh Khrist Kha nei lou zaw amah a ahi kei. 10Khrist Kha noumau a a-om ngalleh khelhna ziak in pumpi asi ahi; kha bel dikna ziak in ahing ahi. 11Himahleh misi lak a kipan Jesu kaithounawn pa Kha noumau a a-omleh, misi lak a kipan Khrist Jesu kaithounawn pa'n, noumau a om ama Kha pansan in na pumpi sitheite uh ahihhing sam ding hi.
12Huaiziak in unaute aw, bat i nei; sadan a om ding in sa lak ah bel ahi kei. 13Sadan a na om uleh, na si mahmah ding uh; himahleh pumpi thilhihte Kha a na hihlup zel uleh bel na hing ding uhi. 14Pathian Kha pi a om peuhmahte zaw, Pathian tate ahi ngal ua. 15Lau a om nawn ding in bawi hihna kha tang na hi ngal kei ua; himahleh ta hihna kha na tang ua, “Abba, Pa!” chi in i kikou hi, 16Kha mahmah in, eimah kha toh, Pathian tate i hi chih hon theisak hi. 17Huan tate i hihleh gouluahpihte i hi uhi; Pathian gouluahte, Khrist luahpihte i hi ua; akiang a pahtawi a i om sam theihna ding a amah i thuakpih taktak nakleh.
Thupina Hong Lang Ding
18Tu lel a thuaknate den chiang a i tung a thupina hihlat a om ding toh tehpih tham in ka sep kei hi. 19Thilsiam tengteng in, lamen mahmah in, Pathian tate hong latna angaklah mahmah uhi. 20Thilsiam tengtengte thil thulim lou thuthu a omsak in a-omta uh; a-ut ua om ahi kei ua, lametna a a-omsakpa ziak ahi zaw hi. 21Thilsiam tengteng leng siatna sikha a kipan suahtaksak in a-om ding ua, Pathian tate noplenna thupi ah alut ding uhi. 22Thilsiam tengteng tutan in thum leh nauvei nat thuak in a-om uh chih i thei ngal ua. 23Thilsiamte kia hilou in, eite ngei, Kha gah masa tengte leng, ta hihna kilatna, i pumpi tatna ngak in i lungsim sung uah i mau uhi. 24Hiai lametna a hotdam lah i hi ngal ua. Himahleh muh theihgige lametna zaw lametna ahi kei. Kua'n amuh theihgige alamen a? 25I muh louh pen i lametleh bel i ngak teitei hi.
26Huai bang in, Kha in i hatlouhna ah hon huh zel a; bangchi a thum ding ahia chih i thei ngal kei ua; himahleh Kha in mauna gen vual louh in hon thumsak zel hi. 27Pathian deihlam bang zel a misiangthoute athumsak zel ziak in, lungtang enpa'n Kha deihlam athei hi.
28Pathian a-it mite, Ama'n aseh bang a asapte a ding in, ahoihna ding un thil bangkim asemkhawm chih i thei hi. 29Atheihkholhte ama Tapa batpih a om ding in asepkhol a, a-unau tampite lak a ta masapen ahong hihtheihna ding in. 30Huan asehkholhte asam a; huan asapte siam atangsak lai a; siam atansakte apahtawi lai hi.
Khrist A Pathian Itna
31Huai thu ah bang i genta dia le? Pathian ei lam a apanleh kua'n ahia hon zou thei ding? 32Ama Tapa ngei leng hawi lou a, i vek ua ding a pepa'n thil tengteng athawn in ahon pe tawk kei dia hia? 33Pathian mitelte kua'n ahia hek ding? Siamtangsakpa lah Pathian ahi ngal a. 34Kua'n ahia siam louh tangsak ding? Asi pen Khrist Jesu ahi; ahi, athounawn zawta a, Pathian taklam a om hon gensakpa ahi. 35Khrist itna a kipan kua'n ahia hon khen ding? Gimthuakna in hia, lungngaihna in hia, sawina in hia, taam in hia, vuaktanna in hia, lauhuaina in hia, namsau in hia?
36“Nangmah ziak in nitum in thah in ka om ua;
goh ding belam bang a sim ka hi uh,” chih gelh bang in.
37Khen lou hial ding, huaite tengteng ah, hon itpa ziak in, vual tungtuangte sang a tungtuangzaw i hi uhi. 38Sihna hiam, hinna hiam, angelte hiam, thupinate hiam, thil omlelte leh thil hong om dingte hiam thilhihtheihna leh, 39sanna, thukna leh thilsiam dangte himhim in leng, i Toupa Khrist Jesu a om Pathian itna a kipan hon khen thei kei ding chih diktak in ka theichian hi.
Currently Selected:
ROMETE 8: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
ROMETE 8
8
Kha A Hinna
1Huaiziak in tu'n ah zaw Khrist Jesu a omte a ding in siam louh tansakna himhim a-omta kei hi. 2Khrist Jesu a Hinna Khadan in khelhna leh sihna dan a kipan hon suaktasakta ngal a. 3Sa ziak a dan ahat louh a, ahihtheih vual louh, Pathian in, amah Tapa ngei, khelhna sa gilou bang pu in, khelhna thoihna ding a hon sawl in, sa a khelhna om tuh siam louh atangsakta, 4sadan zui lou a Khadan zui zawte eimah a dan in angiat diktatna tangtun a a-omtheihna ding in. 5Sadan a omte'n salam thilte alunggulh nak ua; Khadan a omte'n bel Khalam thilte alunggulh nak uhi. 6Sa thilte deih zaw sihna ahi ngal a, Kha thil deih bel hinna leh khamuanna ahi. 7Sa deihdan zaw Pathian douna ahih ziak in, huai Pathian dan in a-om ngal kei a, om leng a-om thei kei him ahi. 8Huchi in sa a omte'n Pathian akipaksak thei kei uhi.
9Himahleh Pathian Kha noumau a a-om taktakleh sa a om na hi kei ua, Kha a om na hi zaw uhi. Himahleh, kuapeuh Khrist Kha nei lou zaw amah a ahi kei. 10Khrist Kha noumau a a-om ngalleh khelhna ziak in pumpi asi ahi; kha bel dikna ziak in ahing ahi. 11Himahleh misi lak a kipan Jesu kaithounawn pa Kha noumau a a-omleh, misi lak a kipan Khrist Jesu kaithounawn pa'n, noumau a om ama Kha pansan in na pumpi sitheite uh ahihhing sam ding hi.
12Huaiziak in unaute aw, bat i nei; sadan a om ding in sa lak ah bel ahi kei. 13Sadan a na om uleh, na si mahmah ding uh; himahleh pumpi thilhihte Kha a na hihlup zel uleh bel na hing ding uhi. 14Pathian Kha pi a om peuhmahte zaw, Pathian tate ahi ngal ua. 15Lau a om nawn ding in bawi hihna kha tang na hi ngal kei ua; himahleh ta hihna kha na tang ua, “Abba, Pa!” chi in i kikou hi, 16Kha mahmah in, eimah kha toh, Pathian tate i hi chih hon theisak hi. 17Huan tate i hihleh gouluahpihte i hi uhi; Pathian gouluahte, Khrist luahpihte i hi ua; akiang a pahtawi a i om sam theihna ding a amah i thuakpih taktak nakleh.
Thupina Hong Lang Ding
18Tu lel a thuaknate den chiang a i tung a thupina hihlat a om ding toh tehpih tham in ka sep kei hi. 19Thilsiam tengteng in, lamen mahmah in, Pathian tate hong latna angaklah mahmah uhi. 20Thilsiam tengtengte thil thulim lou thuthu a omsak in a-omta uh; a-ut ua om ahi kei ua, lametna a a-omsakpa ziak ahi zaw hi. 21Thilsiam tengteng leng siatna sikha a kipan suahtaksak in a-om ding ua, Pathian tate noplenna thupi ah alut ding uhi. 22Thilsiam tengteng tutan in thum leh nauvei nat thuak in a-om uh chih i thei ngal ua. 23Thilsiamte kia hilou in, eite ngei, Kha gah masa tengte leng, ta hihna kilatna, i pumpi tatna ngak in i lungsim sung uah i mau uhi. 24Hiai lametna a hotdam lah i hi ngal ua. Himahleh muh theihgige lametna zaw lametna ahi kei. Kua'n amuh theihgige alamen a? 25I muh louh pen i lametleh bel i ngak teitei hi.
26Huai bang in, Kha in i hatlouhna ah hon huh zel a; bangchi a thum ding ahia chih i thei ngal kei ua; himahleh Kha in mauna gen vual louh in hon thumsak zel hi. 27Pathian deihlam bang zel a misiangthoute athumsak zel ziak in, lungtang enpa'n Kha deihlam athei hi.
28Pathian a-it mite, Ama'n aseh bang a asapte a ding in, ahoihna ding un thil bangkim asemkhawm chih i thei hi. 29Atheihkholhte ama Tapa batpih a om ding in asepkhol a, a-unau tampite lak a ta masapen ahong hihtheihna ding in. 30Huan asehkholhte asam a; huan asapte siam atangsak lai a; siam atansakte apahtawi lai hi.
Khrist A Pathian Itna
31Huai thu ah bang i genta dia le? Pathian ei lam a apanleh kua'n ahia hon zou thei ding? 32Ama Tapa ngei leng hawi lou a, i vek ua ding a pepa'n thil tengteng athawn in ahon pe tawk kei dia hia? 33Pathian mitelte kua'n ahia hek ding? Siamtangsakpa lah Pathian ahi ngal a. 34Kua'n ahia siam louh tangsak ding? Asi pen Khrist Jesu ahi; ahi, athounawn zawta a, Pathian taklam a om hon gensakpa ahi. 35Khrist itna a kipan kua'n ahia hon khen ding? Gimthuakna in hia, lungngaihna in hia, sawina in hia, taam in hia, vuaktanna in hia, lauhuaina in hia, namsau in hia?
36“Nangmah ziak in nitum in thah in ka om ua;
goh ding belam bang a sim ka hi uh,” chih gelh bang in.
37Khen lou hial ding, huaite tengteng ah, hon itpa ziak in, vual tungtuangte sang a tungtuangzaw i hi uhi. 38Sihna hiam, hinna hiam, angelte hiam, thupinate hiam, thil omlelte leh thil hong om dingte hiam thilhihtheihna leh, 39sanna, thukna leh thilsiam dangte himhim in leng, i Toupa Khrist Jesu a om Pathian itna a kipan hon khen thei kei ding chih diktak in ka theichian hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.