ROMETE 7
7
Dan Sihsanna Khrist A Hinna Ahi
1Ahihleh unaute aw, dan in mi adamsung teng atung ah vai ahawm nak chih na thei kei ua hia? Dan thei mite kiang ah ka gen ahi. 2Pasal nei lai numei apasal damsung teng apasal ah dan a hen in a-om ngal a; himahleh asih in bel pasal lam ah dan a kipan khahkhiak in a-om hi. 3Huchi a apasal damsung a midang akitenpihleh angkawm chih ahi ding a; apasal asih in bel huai dan a kipan khahkhiak in a-om a, huchi in midang nei taleh leng angkawm ahi kei hi. 4Huchi ahih mah bang in ka unaute aw, Pathian lam a i gahtheihna ding in midang, misi lak a kipan kaihthoh ngeingei na kitenpih theihna ding un, Khrist pumpi pansan in dan lam ah sihsak in na omta uhi. 5Sa a i om lai un dan ziak a khelhna utna hong suakte'n, i sahiangte ah sihna khop a gah ding in asem nak hi. 6Tu in bel hon henpa lak ah si khin in, dan a kipan khah in i omta, laigelh lui bang hilou a, Kha a hinna thak a nna i septheihna ding in.
Dan Leh Khelhna
7Bang i genta dia le? Dan khelhna ahi a hia le? Hilou hial! Himahleh, dan tawn a theih hi keileh khelhna thei lou ding hi ing a; dan in, “Eng ke'n,” chi keileh, en chih thei lou ding ka hi. 8Himahleh khelhna in, thupiak ziak in, lemtan lai mu in ka sung ah enna chiteng a-omsak hi. Dan pang lou in khelhna kichi asisa ahi ngal a. 9Tuma lam in kei dan lou in ka na hing a; himahleh thupiak ahong omtak in khelhna ahong halh a, kei ka sita hi. 10Huan hinna thuchiam nei thupiak kei a ding in sihna ahong hi chih ka na theita hi. 11Khelhna in thupiak ziak in, lemtanna la in ahon khem a, huai tungtawn mah in ahon hihlumta hi. 12Huchi ahih ziak in dan asiangthou a, thupiak leng asiangthou in, adik a, ahoih ahi.
Mi Omdan Thuah Nih
13Ahihleh thil hoih kichi kei a ding in sihna ahong hi a hia? Hilou hial! Khelhna tuh kei a ding in sihna ahong hi zawta hi. Huchi in khelhna, khelhna ahi chih alattheihna ding in thil hoih zang in ahon that a; thupiak ziak a khelhna, khelhna pen thupitak ahong hihtheihna ding in. 14Dan ahihleh khalam thil ahi chih i thei ngal ua, kei bel sami, khelhna a khotsa ka hi. 15Keimah thilhih mah leng ka theisiam thei kei; ka thilhih zel pen lah ka hih ut lam ahi ngal kei a, ka thil huat lamtak ka hih zaw nak ngal a. 16Ka hih ut louh lam ka hih zel in tuh, dan hoih ahi chih pompih ka suak hi. 17Tu in, huai thilhih pen keimah ahi nawnta kei a, keimah a om khelhna in ahih ahi zaw hi. 18Keimah ah, huai bel, ka taksa ah, thil hoih hih ding lunggulhna zaw keimah ah a-om, himahleh huai thil hoih bangchi sepsuah ding ahia chih ka thei zou kei. 19Thil hoih hih ka ut pen hih lou in, khelhna hih ka ut louh pen, ka hih zaw kha nak ngal a. 20Tu in ka hih ut louh lam pen ka hihleh, ahihpa kei ka hi nawnta kei a, ka sung a teng huai khelhna pen ahi zaw hi.
21Huchi in thil hoih hih ka ut laitak in kei ah gitlouhna ahong om nak chih hiai dan ka mukhia hi. 22Ka lungsim taktak in Pathian dan tung ah ka kipahpih ngal nak a; 23himahleh ka sahiangte ah dan tuam a-om chih ka thei, huai in ka lungsim dan adou a, ka sahiangte a khelhna dan om kiang ah sal in ahon pi hi. 24Genthei hi na lawmlawm ing e! Hiai sihna pumpi a pan kua'n ahia hon suahtaksak ding? 25Jesu Khrist i Toupa ziak in Pathian kiang ah kipahthu ka gen hi. Huchi in keimah tak in zaw ka lungsim in Pathian dan ka sem a, ka taksa in bel gitlouhna dan asem hi.
Currently Selected:
ROMETE 7: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
ROMETE 7
7
Dan Sihsanna Khrist A Hinna Ahi
1Ahihleh unaute aw, dan in mi adamsung teng atung ah vai ahawm nak chih na thei kei ua hia? Dan thei mite kiang ah ka gen ahi. 2Pasal nei lai numei apasal damsung teng apasal ah dan a hen in a-om ngal a; himahleh asih in bel pasal lam ah dan a kipan khahkhiak in a-om hi. 3Huchi a apasal damsung a midang akitenpihleh angkawm chih ahi ding a; apasal asih in bel huai dan a kipan khahkhiak in a-om a, huchi in midang nei taleh leng angkawm ahi kei hi. 4Huchi ahih mah bang in ka unaute aw, Pathian lam a i gahtheihna ding in midang, misi lak a kipan kaihthoh ngeingei na kitenpih theihna ding un, Khrist pumpi pansan in dan lam ah sihsak in na omta uhi. 5Sa a i om lai un dan ziak a khelhna utna hong suakte'n, i sahiangte ah sihna khop a gah ding in asem nak hi. 6Tu in bel hon henpa lak ah si khin in, dan a kipan khah in i omta, laigelh lui bang hilou a, Kha a hinna thak a nna i septheihna ding in.
Dan Leh Khelhna
7Bang i genta dia le? Dan khelhna ahi a hia le? Hilou hial! Himahleh, dan tawn a theih hi keileh khelhna thei lou ding hi ing a; dan in, “Eng ke'n,” chi keileh, en chih thei lou ding ka hi. 8Himahleh khelhna in, thupiak ziak in, lemtan lai mu in ka sung ah enna chiteng a-omsak hi. Dan pang lou in khelhna kichi asisa ahi ngal a. 9Tuma lam in kei dan lou in ka na hing a; himahleh thupiak ahong omtak in khelhna ahong halh a, kei ka sita hi. 10Huan hinna thuchiam nei thupiak kei a ding in sihna ahong hi chih ka na theita hi. 11Khelhna in thupiak ziak in, lemtanna la in ahon khem a, huai tungtawn mah in ahon hihlumta hi. 12Huchi ahih ziak in dan asiangthou a, thupiak leng asiangthou in, adik a, ahoih ahi.
Mi Omdan Thuah Nih
13Ahihleh thil hoih kichi kei a ding in sihna ahong hi a hia? Hilou hial! Khelhna tuh kei a ding in sihna ahong hi zawta hi. Huchi in khelhna, khelhna ahi chih alattheihna ding in thil hoih zang in ahon that a; thupiak ziak a khelhna, khelhna pen thupitak ahong hihtheihna ding in. 14Dan ahihleh khalam thil ahi chih i thei ngal ua, kei bel sami, khelhna a khotsa ka hi. 15Keimah thilhih mah leng ka theisiam thei kei; ka thilhih zel pen lah ka hih ut lam ahi ngal kei a, ka thil huat lamtak ka hih zaw nak ngal a. 16Ka hih ut louh lam ka hih zel in tuh, dan hoih ahi chih pompih ka suak hi. 17Tu in, huai thilhih pen keimah ahi nawnta kei a, keimah a om khelhna in ahih ahi zaw hi. 18Keimah ah, huai bel, ka taksa ah, thil hoih hih ding lunggulhna zaw keimah ah a-om, himahleh huai thil hoih bangchi sepsuah ding ahia chih ka thei zou kei. 19Thil hoih hih ka ut pen hih lou in, khelhna hih ka ut louh pen, ka hih zaw kha nak ngal a. 20Tu in ka hih ut louh lam pen ka hihleh, ahihpa kei ka hi nawnta kei a, ka sung a teng huai khelhna pen ahi zaw hi.
21Huchi in thil hoih hih ka ut laitak in kei ah gitlouhna ahong om nak chih hiai dan ka mukhia hi. 22Ka lungsim taktak in Pathian dan tung ah ka kipahpih ngal nak a; 23himahleh ka sahiangte ah dan tuam a-om chih ka thei, huai in ka lungsim dan adou a, ka sahiangte a khelhna dan om kiang ah sal in ahon pi hi. 24Genthei hi na lawmlawm ing e! Hiai sihna pumpi a pan kua'n ahia hon suahtaksak ding? 25Jesu Khrist i Toupa ziak in Pathian kiang ah kipahthu ka gen hi. Huchi in keimah tak in zaw ka lungsim in Pathian dan ka sem a, ka taksa in bel gitlouhna dan asem hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.