ROMETE 9
9
Paul Leh Judate
1Khrist ah thutak tak ka gen ahi, ka zuau kei, Kha Siangthou ah ka sia-le-pha theihna in leng hon theihpih hi. 2Ka lungtang ah haksatna thupitak leh lungngaihna dai thei lou ka pai hi. 3Ka unaute salam a ka chipihte sik in, kei pen Khrist a kipan hihtuam khop hial in hamsethuak in om leng ka chi hi. 4Amau Israel mi ahi ngal ua; ta hihna, thupina leh thukhun tengteng, dan piakna leh Pathian nasepna a thuchiam tengteng amau a ahi. 5Pipute leng amau a ahi ua, salam thu ah Khrist leng amau a kipan a hong pawt ahi a; amah thil tengteng tung a om, tangtawn a phat tuak Pathian ahi. Amen.
Pathian Athuchiam A Muanhuai
6Himahleh Pathian thu bangmah lou bang a omta ahi kei hi. Israel suante Israel mi ahi vek kei uh; 7Abraham suante ahih ziak un avek un atate leng ahi kei uhi, “Isak ah na suante akiminloh ding,” chih ahi zaw hi. 8Huai sa tate Pathian tate chihna ahi kei ua, thuchiam tate Abraham suan a seh ahi uh chihna ahi zaw uhi. 9Thuchiam pen hiai ahi, “Tu hun bang in ka hong dia, Sarah in tapa anei ding,” 10Huai phet ahi kei Rebekah in leng i pu Isak lak a nau apai lai in, 11naupangte apian ma uh, sia-le-pha atheih ma un, thilhih ziak hilou in, asampa deihna ziak zaw in, tel lam thu ah Pathian thiltup akiptheihna ding in akiang ah; 12“A-upazaw in anaupangzaw nna asem ding,” Pathian in achi hi. 13“Jakob ka it a, Esau zaw ka hua,” chih gelh bang in.
Pathian Thuneihna Kim Neitu
14Bang i genta ding ua le? Pathian ah diktatlouhna a-om a hia? 15Om lou hial! Ama'n, “Ka hehpih peuhmah ka hehpih dia, zah ka ngaihna tung peuhmah ah zah ka ngai ding,” chi in Mosi kiang ah agenta hi. 16Huaiziak in adeihpa ziak ahi kei a, ataipa ziak leng ahi sam kei a, ahehpihpa Pathian ziak ahi zaw hi. 17Laisiangthou in Pharaoh kiang ah, “Hiai ziak tak in ahi ka hon tunding, nang a ka thilhihtheihna ka taklat theihna ding leh leitung tengteng a ka min athantheihna ding in,” achi hi. 18Huchi in Pathian in zahngaihna asuah ut peuhmah tung ah azahngai a, a-ut peuhmah alungkhauhsak hi.
Pathian Bang Teng Tung A Thunei
19Nou ka kiang ah, bangziak a ama'n moh a hon dem lai ahia? Kua in adeihlam kalh ahia? hon chi ding na hih tuak uhi. 20Ahi a, mihing aw, nang Pathian nial vialpa kua na hia le? Thilsiam in asiampa kiang ah, “Bang achia hichibang a hon siam,” achi dia hia? 21Tungman tang khat a pan bel khat kilawmtak, manphatak a zat ding leh manpha lou deuh a zat ding bawl ding in belvelpa'n tungman tung ah thu anei kei a hia? 22Pathian in ahehna leh athilhihtheihna latsak a-ut a, ahehna thuak ding a hihsiat a om ding a abawlkholhte tung a ahehpihna hauhdan alatsak a athuakzoh teiteileh bang apoi a? 23Huchi a athupina hauhsaknate, azahngaihna thupina tang ding a abawlkholhte tung a asunbuakleh alatsak theihna ding in, 24huaite tuh eite i hi ua, Judate lak a kipan kia hilou in, Zentelte lak a kipan a leng sapte ahi. 25Hosea laibu ah:
“Ka mite hi ngei lou, ka mite,
ka chi dia; it ngei louhnu leng itnu, ka chita ding hi.
26Huan hichi ahong hi ding a,
akiang ua, ka mite na hi kei uh achihna mun ngei ah
Pathian hing tate chih in a-omta ding uh,
chih gelh bang in.”
27Isai in leng Israel mite thu kikoupih in, “Israel mite zaw tuipi piaunel zah in tam mah le uh, akhosuaksunte kia hotdam in a-om ding uh. 28Toupa'n kintak a hihzou vek in leitung ah agawt ding thu atangtun dek ngal a,” achi hi.
29Isai in, “Sepaihte' Toupa'n chisuah ding hon na hawisak lou hileh Sodom khua bang in i na omta ding ua, Gomorrah khua bang a bawl in i na omta ding uh,” chi a agenkholh bang in.
Tu Hun A Israel Dinmun
30Bang i genta dia le? Zentel, diktatna delhloute'n, ginna ziak adiktatna tuh ana phata uhi. 31Israel, diktatna dan delhte'n, diktatna pen aphazouta kei uh. 32Bangziak in ahia? Ginna in adelh kei ua, thilhih a muh theih bang a adelh ziak uh ahi. Pukna suang ah apukta uhi. 33Laisiangthou in:
“Ngai in, Zion ah kisuihna suang leh pukna suangpi ka koih a,
kuapeuh amah gingta tuh azahlak kei ding,” chih gelh bang in.
Currently Selected:
ROMETE 9: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
ROMETE 9
9
Paul Leh Judate
1Khrist ah thutak tak ka gen ahi, ka zuau kei, Kha Siangthou ah ka sia-le-pha theihna in leng hon theihpih hi. 2Ka lungtang ah haksatna thupitak leh lungngaihna dai thei lou ka pai hi. 3Ka unaute salam a ka chipihte sik in, kei pen Khrist a kipan hihtuam khop hial in hamsethuak in om leng ka chi hi. 4Amau Israel mi ahi ngal ua; ta hihna, thupina leh thukhun tengteng, dan piakna leh Pathian nasepna a thuchiam tengteng amau a ahi. 5Pipute leng amau a ahi ua, salam thu ah Khrist leng amau a kipan a hong pawt ahi a; amah thil tengteng tung a om, tangtawn a phat tuak Pathian ahi. Amen.
Pathian Athuchiam A Muanhuai
6Himahleh Pathian thu bangmah lou bang a omta ahi kei hi. Israel suante Israel mi ahi vek kei uh; 7Abraham suante ahih ziak un avek un atate leng ahi kei uhi, “Isak ah na suante akiminloh ding,” chih ahi zaw hi. 8Huai sa tate Pathian tate chihna ahi kei ua, thuchiam tate Abraham suan a seh ahi uh chihna ahi zaw uhi. 9Thuchiam pen hiai ahi, “Tu hun bang in ka hong dia, Sarah in tapa anei ding,” 10Huai phet ahi kei Rebekah in leng i pu Isak lak a nau apai lai in, 11naupangte apian ma uh, sia-le-pha atheih ma un, thilhih ziak hilou in, asampa deihna ziak zaw in, tel lam thu ah Pathian thiltup akiptheihna ding in akiang ah; 12“A-upazaw in anaupangzaw nna asem ding,” Pathian in achi hi. 13“Jakob ka it a, Esau zaw ka hua,” chih gelh bang in.
Pathian Thuneihna Kim Neitu
14Bang i genta ding ua le? Pathian ah diktatlouhna a-om a hia? 15Om lou hial! Ama'n, “Ka hehpih peuhmah ka hehpih dia, zah ka ngaihna tung peuhmah ah zah ka ngai ding,” chi in Mosi kiang ah agenta hi. 16Huaiziak in adeihpa ziak ahi kei a, ataipa ziak leng ahi sam kei a, ahehpihpa Pathian ziak ahi zaw hi. 17Laisiangthou in Pharaoh kiang ah, “Hiai ziak tak in ahi ka hon tunding, nang a ka thilhihtheihna ka taklat theihna ding leh leitung tengteng a ka min athantheihna ding in,” achi hi. 18Huchi in Pathian in zahngaihna asuah ut peuhmah tung ah azahngai a, a-ut peuhmah alungkhauhsak hi.
Pathian Bang Teng Tung A Thunei
19Nou ka kiang ah, bangziak a ama'n moh a hon dem lai ahia? Kua in adeihlam kalh ahia? hon chi ding na hih tuak uhi. 20Ahi a, mihing aw, nang Pathian nial vialpa kua na hia le? Thilsiam in asiampa kiang ah, “Bang achia hichibang a hon siam,” achi dia hia? 21Tungman tang khat a pan bel khat kilawmtak, manphatak a zat ding leh manpha lou deuh a zat ding bawl ding in belvelpa'n tungman tung ah thu anei kei a hia? 22Pathian in ahehna leh athilhihtheihna latsak a-ut a, ahehna thuak ding a hihsiat a om ding a abawlkholhte tung a ahehpihna hauhdan alatsak a athuakzoh teiteileh bang apoi a? 23Huchi a athupina hauhsaknate, azahngaihna thupina tang ding a abawlkholhte tung a asunbuakleh alatsak theihna ding in, 24huaite tuh eite i hi ua, Judate lak a kipan kia hilou in, Zentelte lak a kipan a leng sapte ahi. 25Hosea laibu ah:
“Ka mite hi ngei lou, ka mite,
ka chi dia; it ngei louhnu leng itnu, ka chita ding hi.
26Huan hichi ahong hi ding a,
akiang ua, ka mite na hi kei uh achihna mun ngei ah
Pathian hing tate chih in a-omta ding uh,
chih gelh bang in.”
27Isai in leng Israel mite thu kikoupih in, “Israel mite zaw tuipi piaunel zah in tam mah le uh, akhosuaksunte kia hotdam in a-om ding uh. 28Toupa'n kintak a hihzou vek in leitung ah agawt ding thu atangtun dek ngal a,” achi hi.
29Isai in, “Sepaihte' Toupa'n chisuah ding hon na hawisak lou hileh Sodom khua bang in i na omta ding ua, Gomorrah khua bang a bawl in i na omta ding uh,” chi a agenkholh bang in.
Tu Hun A Israel Dinmun
30Bang i genta dia le? Zentel, diktatna delhloute'n, ginna ziak adiktatna tuh ana phata uhi. 31Israel, diktatna dan delhte'n, diktatna pen aphazouta kei uh. 32Bangziak in ahia? Ginna in adelh kei ua, thilhih a muh theih bang a adelh ziak uh ahi. Pukna suang ah apukta uhi. 33Laisiangthou in:
“Ngai in, Zion ah kisuihna suang leh pukna suangpi ka koih a,
kuapeuh amah gingta tuh azahlak kei ding,” chih gelh bang in.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.