MATTHAI 5
5
Jesu Tangtung Thugente
(Lk. 5.1—7.29)
1Huchi in mipite a muh in tang ah a paitou a, a tu a, a nungzuite a kiang ah a hongpai uhi; 2Huan thu a gen a, amau thu a hilh hi:
Kipahna Dik
(Lk. 6.20-23)
3“Lungsim a gentheite a hampha
uh van gam amau a ahi ngal a.
4“Lungkhamte a hampha uh;
khamuan a om ding ahi ngal ua.
5“Thunuailutte a hampha uh;
leigou luah ding ahi ngal ua.
6“Diktatna lunggulh a gilkial a dangtakte a hampha uh,
tai ding ahi ngal ua.
7“Zahngaitheite a hampha uh; zahngaihna mu ding ahi ngal ua.
8“Lungsim a siangthoute a hampha uh; Pathian mu ding ahi ngal ua.
9“Lemna bawlte a hampha uh;
Pathian’ tate chih ding ahi ngal ua.
10“Diktakna ziak a sawina
thuakte a hampha uh,
van gam amau a ahi ngal a.
11“Min keimah ziak a hontai ua, a honsawi ua, zuau a gilou chiteng a a honhek hun chiang un, na hampha uhi. 12Kipak unla, nakpitak in nuam un; van ah na kipahman uh a thupi ngal a: Tuamah bang in na ma ua zawlnei omte leng a na sawi zel uhi.
Chi Leh Vak Etsakna
(Mk. 9.50; Lk. 14.34-35)
13“Lei chi na hi uh: himahleh chi peng leh, bang in ahia a hih al nawn ding? Paihkhiak a mihingte chilgawp loungal ding in, bangmah din a phatuam kei hi.
14“Khovel vak na hi uh. Tang tung a khopi om selguk theih ahi kei hi. 15Min khawnvak de in lawh nuai ah a koih ngeikei ua, a koihna ah a koih zaw uhi. Huchi in insung a om tengteng a tanvak hi. 16Huchi mah bang in, na vak uh mi mitmuh ding in vak hen, huchi in na thil hoih hihte uh a mu ding ua, na Pa uh van a om a pahtawi thei ding uhi.
Dan Leh Zawlneite Thu
17“Dan hiam, zawlneite thu hihmang ding a hongpai ka hih um kei un; hihmang ding a hongpai ka hi kei, hih tangtung ding a hongpai ka hi zaw hi. 18Chihtaktak in k’on hilh ahi, lei leh van a man masiah danthu a sutvom neuchik hiam, thaivom neuchik hiam, khat leng a mang keihial ding, avek a a tunkim masiah uh. 19Huchi in kuapeuh hiai thupiak neupente lak a khat bohsia a, huai zui dia mite thuhilh peuhmah, van gam ah mi neupen a kichi ding; himahleh kuapeuh zui a thuhilh behlapte, van gam ah milian a kichi ding hi. 20Na diktatna un laigelhmite leh Pharisaite diktatna a khup kenzaw van gam ah na lut kei hial ding uh chih k’on hilh ahi.
Hehna Leh Thangpaihna
(Lk. 12.57-59)
21“Nidanglai a mite kiang ah, ‘Tual na that ding ahi kei’ kichi leh, ‘kuapeuh tualthat vaihawmna adin lauhthawn huaitak in a om ding uh,’ ki chi na zata uhi; 22Ken zaw, kuapeuh a unau tung a heh vaihawmna adin lauhthawn huaitak in a om ding. Kuapeuh a unau selphou vaihawmmite hawmsak a om lauthawn huaitak in a om ding; kuapeuh, ‘Nang mihai’ chi Gehenna mei a paih lauhthawn huaitak in a om ding uh” chih k’on hilh ahi. 23Huaiziak in, maitam a na thilpiak na lat lai a na unau in na tung ah lung hihlouhna a nei chih na theihkhiak leh, 24Huai maitam ma ah na thilpiak nusia inla, pai inla, na unau kilempih in, huaizoh in na thilpiak lan in. 25Na langpa toh vaihawmna inn zuan a lampi a na paikhawmlai un kilempih in, huchilou in zaw na langpa’n thukhenmi khut ah a honpe dia, thukhenmi’n mimanpa kiang ah a honpe dia; suangkulh ah a honkhum ding hi. 26Chihtaktak in k’on hilh ahi, paihsa san khat nangawn na piakkim masiah huai a kipan in na pawtkhe kei hial ding hi.
Angkawm Thu A Sinsakna
27“Nidanglai mite’n ‘Ang na kawm ding ahi kei’ a chih uh na zata uhi. 28Himahleh ken zaw kuapeuh etlahna lungsim toh numei en in, a lungsim in angkawm ahi chih k’on hilh ahi. 29Na mit taklam in a hon hihpuk leh, khelkhia inla paimang in, na sapumpi Gehenna a paisang in na sapum a hiang khat manthat nang ading in a hoihzaw hi. 30Na khut taklam in a hon hihpuk leh, tankhia inla paimai in; na sapumpi a Gehenna a paisang in, na sapum a hiang khat manthat nang ading in a hoihzaw hi.
Kimak Thu A Thuhilhna
(Matt. 19.9; Mk. 10.11-12; Lk. 16.18)
31“Kuapeuh zi ma in kimakna lai a kiang ah pia heh, leng a kichi. 32Ken zaw kuapeuh kingaihna ziak hilou a, zi ma in amah angkawm sak ahi, kuapeuh maksa neinawn angkawm ahi chih k’on hilh ahi.
Kichiam Thu A Thuhilhna
33“Nidanglai in mite kiang ah, Zuau in kichiam kenla, Toupa kiang ah na kichiamnate tangtun zaw in, a kichi chih leng na zata uhi. 34Ken zaw, k’on hilh ahi, chiam himhim kichiam kei un; van lou in kichiam kei un, huai Pathian mangtutphah ahi ngal a; lei lou in kichiam sam kei un, huai a khengakna ahi. 35Jerusalem lou in kichiam sam kei un, huai Kumpipa thupitak khopi ahi. 36Na lu lou in na kichiam ding ahi sam kei, samzang khat lel leng na hihngou in, na hih vawm thei ngalkei uhi. 37Na thugen uh, ‘ahi, hi,’ ‘hilou, hilou,’ hi vanglak hen;” a kan a valzaw gitlouhna a suak ahi.
Phulakna Thu A Thuhilhna
(Lk. 6.29-30)
38“Mit sik in mit, ha sik in ha, a kichi chih na zata uhi. 39Ken zaw k’on hilh ahi. Migilou nang kei un; na taklam biang bengte, a lehlam leng doh zaw un. 40Kuapeuh in na lak ah thusia bawl in, na puanak lak a tup leh, na puanza leng lasak ngal in. 41Huan mel khat pai dia hon phut kiang ah mel nih pai in. 42A hon ngen kiang ah pia inla, na lak a leitawi nuam kiheisan ken.
Melmate Itna
(Lk. 6.27-28,32-36)
43“Na vengte it inla, na melmate hua in, a kichi chih na zata uhi. 44Ken zaw k’on hilh ahi, na melmate it unla, a honsawite thumsak un. 45Na Pa uh van a omtate na hih theihna ding un. Aman migiloute leh mi hoihte tung ah a ni a suaksak a, mi diktatte leh diktatloute tung ah leng vuah a zusak hi. 46Nou hon itte kia na it un, kipahman bang ahia na muh ding uh? Siahkhonmite’n leng huchibang in a hihsam kei ua hia? 47Huan na unaute kia uh chibai na buk un bang na hihtam tuan ua ahia? Jentelte’n leng hichibang in a hih sam kei ua hia? 48Huchi in na Pa uh van a om a hoihkim sipsip bang in na hoihkim sipsip ding uh ahi.
Currently Selected:
MATTHAI 5: PAITBSI
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
MATTHAI 5
5
Jesu Tangtung Thugente
(Lk. 5.1—7.29)
1Huchi in mipite a muh in tang ah a paitou a, a tu a, a nungzuite a kiang ah a hongpai uhi; 2Huan thu a gen a, amau thu a hilh hi:
Kipahna Dik
(Lk. 6.20-23)
3“Lungsim a gentheite a hampha
uh van gam amau a ahi ngal a.
4“Lungkhamte a hampha uh;
khamuan a om ding ahi ngal ua.
5“Thunuailutte a hampha uh;
leigou luah ding ahi ngal ua.
6“Diktatna lunggulh a gilkial a dangtakte a hampha uh,
tai ding ahi ngal ua.
7“Zahngaitheite a hampha uh; zahngaihna mu ding ahi ngal ua.
8“Lungsim a siangthoute a hampha uh; Pathian mu ding ahi ngal ua.
9“Lemna bawlte a hampha uh;
Pathian’ tate chih ding ahi ngal ua.
10“Diktakna ziak a sawina
thuakte a hampha uh,
van gam amau a ahi ngal a.
11“Min keimah ziak a hontai ua, a honsawi ua, zuau a gilou chiteng a a honhek hun chiang un, na hampha uhi. 12Kipak unla, nakpitak in nuam un; van ah na kipahman uh a thupi ngal a: Tuamah bang in na ma ua zawlnei omte leng a na sawi zel uhi.
Chi Leh Vak Etsakna
(Mk. 9.50; Lk. 14.34-35)
13“Lei chi na hi uh: himahleh chi peng leh, bang in ahia a hih al nawn ding? Paihkhiak a mihingte chilgawp loungal ding in, bangmah din a phatuam kei hi.
14“Khovel vak na hi uh. Tang tung a khopi om selguk theih ahi kei hi. 15Min khawnvak de in lawh nuai ah a koih ngeikei ua, a koihna ah a koih zaw uhi. Huchi in insung a om tengteng a tanvak hi. 16Huchi mah bang in, na vak uh mi mitmuh ding in vak hen, huchi in na thil hoih hihte uh a mu ding ua, na Pa uh van a om a pahtawi thei ding uhi.
Dan Leh Zawlneite Thu
17“Dan hiam, zawlneite thu hihmang ding a hongpai ka hih um kei un; hihmang ding a hongpai ka hi kei, hih tangtung ding a hongpai ka hi zaw hi. 18Chihtaktak in k’on hilh ahi, lei leh van a man masiah danthu a sutvom neuchik hiam, thaivom neuchik hiam, khat leng a mang keihial ding, avek a a tunkim masiah uh. 19Huchi in kuapeuh hiai thupiak neupente lak a khat bohsia a, huai zui dia mite thuhilh peuhmah, van gam ah mi neupen a kichi ding; himahleh kuapeuh zui a thuhilh behlapte, van gam ah milian a kichi ding hi. 20Na diktatna un laigelhmite leh Pharisaite diktatna a khup kenzaw van gam ah na lut kei hial ding uh chih k’on hilh ahi.
Hehna Leh Thangpaihna
(Lk. 12.57-59)
21“Nidanglai a mite kiang ah, ‘Tual na that ding ahi kei’ kichi leh, ‘kuapeuh tualthat vaihawmna adin lauhthawn huaitak in a om ding uh,’ ki chi na zata uhi; 22Ken zaw, kuapeuh a unau tung a heh vaihawmna adin lauhthawn huaitak in a om ding. Kuapeuh a unau selphou vaihawmmite hawmsak a om lauthawn huaitak in a om ding; kuapeuh, ‘Nang mihai’ chi Gehenna mei a paih lauhthawn huaitak in a om ding uh” chih k’on hilh ahi. 23Huaiziak in, maitam a na thilpiak na lat lai a na unau in na tung ah lung hihlouhna a nei chih na theihkhiak leh, 24Huai maitam ma ah na thilpiak nusia inla, pai inla, na unau kilempih in, huaizoh in na thilpiak lan in. 25Na langpa toh vaihawmna inn zuan a lampi a na paikhawmlai un kilempih in, huchilou in zaw na langpa’n thukhenmi khut ah a honpe dia, thukhenmi’n mimanpa kiang ah a honpe dia; suangkulh ah a honkhum ding hi. 26Chihtaktak in k’on hilh ahi, paihsa san khat nangawn na piakkim masiah huai a kipan in na pawtkhe kei hial ding hi.
Angkawm Thu A Sinsakna
27“Nidanglai mite’n ‘Ang na kawm ding ahi kei’ a chih uh na zata uhi. 28Himahleh ken zaw kuapeuh etlahna lungsim toh numei en in, a lungsim in angkawm ahi chih k’on hilh ahi. 29Na mit taklam in a hon hihpuk leh, khelkhia inla paimang in, na sapumpi Gehenna a paisang in na sapum a hiang khat manthat nang ading in a hoihzaw hi. 30Na khut taklam in a hon hihpuk leh, tankhia inla paimai in; na sapumpi a Gehenna a paisang in, na sapum a hiang khat manthat nang ading in a hoihzaw hi.
Kimak Thu A Thuhilhna
(Matt. 19.9; Mk. 10.11-12; Lk. 16.18)
31“Kuapeuh zi ma in kimakna lai a kiang ah pia heh, leng a kichi. 32Ken zaw kuapeuh kingaihna ziak hilou a, zi ma in amah angkawm sak ahi, kuapeuh maksa neinawn angkawm ahi chih k’on hilh ahi.
Kichiam Thu A Thuhilhna
33“Nidanglai in mite kiang ah, Zuau in kichiam kenla, Toupa kiang ah na kichiamnate tangtun zaw in, a kichi chih leng na zata uhi. 34Ken zaw, k’on hilh ahi, chiam himhim kichiam kei un; van lou in kichiam kei un, huai Pathian mangtutphah ahi ngal a; lei lou in kichiam sam kei un, huai a khengakna ahi. 35Jerusalem lou in kichiam sam kei un, huai Kumpipa thupitak khopi ahi. 36Na lu lou in na kichiam ding ahi sam kei, samzang khat lel leng na hihngou in, na hih vawm thei ngalkei uhi. 37Na thugen uh, ‘ahi, hi,’ ‘hilou, hilou,’ hi vanglak hen;” a kan a valzaw gitlouhna a suak ahi.
Phulakna Thu A Thuhilhna
(Lk. 6.29-30)
38“Mit sik in mit, ha sik in ha, a kichi chih na zata uhi. 39Ken zaw k’on hilh ahi. Migilou nang kei un; na taklam biang bengte, a lehlam leng doh zaw un. 40Kuapeuh in na lak ah thusia bawl in, na puanak lak a tup leh, na puanza leng lasak ngal in. 41Huan mel khat pai dia hon phut kiang ah mel nih pai in. 42A hon ngen kiang ah pia inla, na lak a leitawi nuam kiheisan ken.
Melmate Itna
(Lk. 6.27-28,32-36)
43“Na vengte it inla, na melmate hua in, a kichi chih na zata uhi. 44Ken zaw k’on hilh ahi, na melmate it unla, a honsawite thumsak un. 45Na Pa uh van a omtate na hih theihna ding un. Aman migiloute leh mi hoihte tung ah a ni a suaksak a, mi diktatte leh diktatloute tung ah leng vuah a zusak hi. 46Nou hon itte kia na it un, kipahman bang ahia na muh ding uh? Siahkhonmite’n leng huchibang in a hihsam kei ua hia? 47Huan na unaute kia uh chibai na buk un bang na hihtam tuan ua ahia? Jentelte’n leng hichibang in a hih sam kei ua hia? 48Huchi in na Pa uh van a om a hoihkim sipsip bang in na hoihkim sipsip ding uh ahi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.