NASEPTE 8
8
Saptuamte Sawina Leh Dalhzakna
1Saul in leng asih hoih asa hi. Huai ni in Jerusalem a saptuam omte tung ah nakpitak in sawina atung a; sawltakte kia lou ngal Judia leh Samaria bial teng ah adalhzak vekta uhi. 2Huan Pathian limsak kuate hiam in Stephen avui ua, nakpitak in asuun uhi.
3Saul in bel saptuam pawlte asawi a, inn teng a lut in, numei pasal akaikhia a, suangkul ah akhum hi.
Samaria Ah Philip
4Huan adalhzakte kho teng ah apaita ua, thu agen zel uhi. 5Samaria ah Philip ahohsuk a, akiang uah Khrist thu atangkoupih hi. 6Huan athillamdang hihte azak ua, amuh un, mipite'n lungsim mun khat in, Philip thugente alimsakta uhi. 7Dawi nin paimi tampi amatte uh sung a kipan in aw ngaihtak a kikou a pawt leh mizaw leh khebai tampi hihdam a a-om ziak un. 8Huchi in huai khopi ah nakpitak a kipahna a-om hi.
Simon Mitkhialdawi
9Huan mi khat amin Simon a-om a; ama'n mithupi ka hi, chi in tuma lam in huai khua ah mitkhialdawi in Samaria khomite lamdang satak in abawl nilouh hi. 10Mi tengteng, aneupen a pan alianpen tan in, “Hiai mi Pathian thilhihtheihna thupi achih uh ahi,” chi in athu alimsak chiat uhi. 11Amitkhialdawi in sawtpi lamdang satak a abawl nak ziak in athu alimsak uhi. 12Himahleh Philip in Pathian lalgam tanchinhoih leh Jesu Khrist min agen pen agintak tak un, numei leh pasalte'n baptisma atangta uhi. 13Huan Simon nangawn in leng agingta a, baptisma atan zoh in Philip kiang ah a-om gige a, chiamtehna leh thillamdang thupite amu a, lamdang asa thei mahmah hi.
Samaria Gam A Peter Leh Johan Zinna
14Huan sawltak Jerusalem a omte'n Samaria mite'n Pathian thu agingtata uh chih azak un, akiang uah Peter leh Johan asawl uhi. 15Huai mite ava tunsuk uleh Kha Siangthou atantheihna ding un athumsak uhi. 16Huai ma in alak uah kuamah tung ah atung nai kei a; Toupa Jesu min in baptisma atang phet uhi. 17Huan sawltakte'n atung uah akhut uh akoih ua, Kha Siangthou atangta uhi.
18Huan sawltakte khut ngakna ziak a Kha Siangthou piak ahi chih Simon in amuh in; dangka piak asawm hi. 19“Hichibang thuneihna hon pe sam un, kuapeuh tung a leng khut ka koihna in Kha Siangthou atan samna ding in,” achi hi.
20Himahleh Peter in akiang ah, “Na dangka nang toh mangkhawm hen, Pathian thilpiak dangka sum a lei na tup ziak in. 21Hiai thu ah nang zaw na pang kei, tan leng na nei kei hi; Pathian ngaih in na lungtang adik kei hi. 22Huaiziak in hiai na gitlouhna tawpsan inla, Toupa kiang ah thum in, huchi in na lungtang a na ngaihtuah ahon ngaidam khamoh ding hiam. 23Thil khakna sinkha ah leh gitlouh gaklopna ah na om chih ka thei hi,” achi hi.
24Huan Simon in, “Na thil gen uh bangmah ka tung a hong tunlouhna ding in noumau in Toupa kiang ah hon thumsak un,” chi in adawng hi.
25Huchi in amau Toupa thu atheihsak ua, agen zoh nung un, Jerusalem a kik nawn in, Samari mite tenna khua tampi ah tanchinhoih agen zel uhi.
Philip Leh Ethiopia Michilgeh
26Huan Toupa angel khat in Philip ahoupih a, “Thou inla, simlam a Jerusalem a kipan Gaza kho sunsuk lampi huai gamdai ah hoh in,” achi hi. 27Huchi in athou a, apaita hi; huan ngai in, Ethiopia gam a mi khat, Ethiopia kumpinu Kandas gou tengteng kempa, michilgeh thuneitak, Jerusalem ah Pathian be ding in ahohtou hi. 28Apaikik lam kangtalai a tu in zawlnei Isai laibu asim hi. 29Huchi in Kha in Philip kiang ah, “Huai kangtalai va naih inla, va kithuahpih in,” achi hi. 30Michilgeh kiang ah Philip ava tai a, zawlnei Isai laibu asim aza a, “Na laibu sim na theisiam hia?” achi hi.
31Ama'n, “Kuamah hon hilhchet louh in bangchi in ka theisiam dia?” chi in akiang a kaltou a tutpih ding in Philip achialta hi. 32Laisiangthou asim lai tuh hiai ahi:
“Goh ding belam bang in amah api ua;
belamnou amulmetpa ma a adaih dide bang in ama'n leng akam aka kei;
33avuallelh lai in atung ah thugen aphal kei ua;
asuante tanchin kua'n ahon gen ding ua?
Khovel a kipan in ahinna alaksak ngal ua,” chi in.
34Michilgeh in Philip ahoupih a akiang ah, “Zawlnei in hiai thu kua thu ahia agen, amah thu hia, midang thu? Ka hon dong hi,” achi hi. 35Huan Philip in adawng a, Laisiangthou thu abul a pan in, akiang ah Jesu thu ahilhta hi. 36Huan lampi a apai kawm un koi mun hiam tui omna khat atung ua; huan michilgeh in, “En dih, hiai ah tui a-om, baptisma ka tan ding bang in hon dal ahia?” achi hi. 37Philip in, “Na lungtang tengteng a na gintakleh na hi thei,” achi hi. Ama'n, “Jesu Khrist, Pathian Tapa ahi chih ka gingta,” chi in adawng hi.
38Huchi in kangtalai akhawlsak ua, anih un, Philip leh michilgeh, tui ah ahohkhawmsuk ua; huchi in ama'n abaptista hi. 39Huan tui a pan apaitouh un Toupa Kha in Philip alamangta a; huan michilgeh in amah amu nawnta kei, nuamsatak in apai zel hi. 40Himahleh Azotas ah Philip muh in a-om nawn hi; huan apaisuak kawm in Kaisaria atun masiah kho teng ah tanchinhoih agen zel hi.
Currently Selected:
NASEPTE 8: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
NASEPTE 8
8
Saptuamte Sawina Leh Dalhzakna
1Saul in leng asih hoih asa hi. Huai ni in Jerusalem a saptuam omte tung ah nakpitak in sawina atung a; sawltakte kia lou ngal Judia leh Samaria bial teng ah adalhzak vekta uhi. 2Huan Pathian limsak kuate hiam in Stephen avui ua, nakpitak in asuun uhi.
3Saul in bel saptuam pawlte asawi a, inn teng a lut in, numei pasal akaikhia a, suangkul ah akhum hi.
Samaria Ah Philip
4Huan adalhzakte kho teng ah apaita ua, thu agen zel uhi. 5Samaria ah Philip ahohsuk a, akiang uah Khrist thu atangkoupih hi. 6Huan athillamdang hihte azak ua, amuh un, mipite'n lungsim mun khat in, Philip thugente alimsakta uhi. 7Dawi nin paimi tampi amatte uh sung a kipan in aw ngaihtak a kikou a pawt leh mizaw leh khebai tampi hihdam a a-om ziak un. 8Huchi in huai khopi ah nakpitak a kipahna a-om hi.
Simon Mitkhialdawi
9Huan mi khat amin Simon a-om a; ama'n mithupi ka hi, chi in tuma lam in huai khua ah mitkhialdawi in Samaria khomite lamdang satak in abawl nilouh hi. 10Mi tengteng, aneupen a pan alianpen tan in, “Hiai mi Pathian thilhihtheihna thupi achih uh ahi,” chi in athu alimsak chiat uhi. 11Amitkhialdawi in sawtpi lamdang satak a abawl nak ziak in athu alimsak uhi. 12Himahleh Philip in Pathian lalgam tanchinhoih leh Jesu Khrist min agen pen agintak tak un, numei leh pasalte'n baptisma atangta uhi. 13Huan Simon nangawn in leng agingta a, baptisma atan zoh in Philip kiang ah a-om gige a, chiamtehna leh thillamdang thupite amu a, lamdang asa thei mahmah hi.
Samaria Gam A Peter Leh Johan Zinna
14Huan sawltak Jerusalem a omte'n Samaria mite'n Pathian thu agingtata uh chih azak un, akiang uah Peter leh Johan asawl uhi. 15Huai mite ava tunsuk uleh Kha Siangthou atantheihna ding un athumsak uhi. 16Huai ma in alak uah kuamah tung ah atung nai kei a; Toupa Jesu min in baptisma atang phet uhi. 17Huan sawltakte'n atung uah akhut uh akoih ua, Kha Siangthou atangta uhi.
18Huan sawltakte khut ngakna ziak a Kha Siangthou piak ahi chih Simon in amuh in; dangka piak asawm hi. 19“Hichibang thuneihna hon pe sam un, kuapeuh tung a leng khut ka koihna in Kha Siangthou atan samna ding in,” achi hi.
20Himahleh Peter in akiang ah, “Na dangka nang toh mangkhawm hen, Pathian thilpiak dangka sum a lei na tup ziak in. 21Hiai thu ah nang zaw na pang kei, tan leng na nei kei hi; Pathian ngaih in na lungtang adik kei hi. 22Huaiziak in hiai na gitlouhna tawpsan inla, Toupa kiang ah thum in, huchi in na lungtang a na ngaihtuah ahon ngaidam khamoh ding hiam. 23Thil khakna sinkha ah leh gitlouh gaklopna ah na om chih ka thei hi,” achi hi.
24Huan Simon in, “Na thil gen uh bangmah ka tung a hong tunlouhna ding in noumau in Toupa kiang ah hon thumsak un,” chi in adawng hi.
25Huchi in amau Toupa thu atheihsak ua, agen zoh nung un, Jerusalem a kik nawn in, Samari mite tenna khua tampi ah tanchinhoih agen zel uhi.
Philip Leh Ethiopia Michilgeh
26Huan Toupa angel khat in Philip ahoupih a, “Thou inla, simlam a Jerusalem a kipan Gaza kho sunsuk lampi huai gamdai ah hoh in,” achi hi. 27Huchi in athou a, apaita hi; huan ngai in, Ethiopia gam a mi khat, Ethiopia kumpinu Kandas gou tengteng kempa, michilgeh thuneitak, Jerusalem ah Pathian be ding in ahohtou hi. 28Apaikik lam kangtalai a tu in zawlnei Isai laibu asim hi. 29Huchi in Kha in Philip kiang ah, “Huai kangtalai va naih inla, va kithuahpih in,” achi hi. 30Michilgeh kiang ah Philip ava tai a, zawlnei Isai laibu asim aza a, “Na laibu sim na theisiam hia?” achi hi.
31Ama'n, “Kuamah hon hilhchet louh in bangchi in ka theisiam dia?” chi in akiang a kaltou a tutpih ding in Philip achialta hi. 32Laisiangthou asim lai tuh hiai ahi:
“Goh ding belam bang in amah api ua;
belamnou amulmetpa ma a adaih dide bang in ama'n leng akam aka kei;
33avuallelh lai in atung ah thugen aphal kei ua;
asuante tanchin kua'n ahon gen ding ua?
Khovel a kipan in ahinna alaksak ngal ua,” chi in.
34Michilgeh in Philip ahoupih a akiang ah, “Zawlnei in hiai thu kua thu ahia agen, amah thu hia, midang thu? Ka hon dong hi,” achi hi. 35Huan Philip in adawng a, Laisiangthou thu abul a pan in, akiang ah Jesu thu ahilhta hi. 36Huan lampi a apai kawm un koi mun hiam tui omna khat atung ua; huan michilgeh in, “En dih, hiai ah tui a-om, baptisma ka tan ding bang in hon dal ahia?” achi hi. 37Philip in, “Na lungtang tengteng a na gintakleh na hi thei,” achi hi. Ama'n, “Jesu Khrist, Pathian Tapa ahi chih ka gingta,” chi in adawng hi.
38Huchi in kangtalai akhawlsak ua, anih un, Philip leh michilgeh, tui ah ahohkhawmsuk ua; huchi in ama'n abaptista hi. 39Huan tui a pan apaitouh un Toupa Kha in Philip alamangta a; huan michilgeh in amah amu nawnta kei, nuamsatak in apai zel hi. 40Himahleh Azotas ah Philip muh in a-om nawn hi; huan apaisuak kawm in Kaisaria atun masiah kho teng ah tanchinhoih agen zel hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.