NASEPTE 7
7
Stephen Thugen
1Huan siampu lianpen in, “Hiai thute adik ahi na hia?” achi hi.
2Stephen in, “Unaute aw, pate aw, ngai un. I pu Abraham, Haran a a-om ma, Mesopotamia gam a a-om lai a, thupina Pathian akiang a hong kilak in akiang ah, 3‘Na kholam leh na chite lak a kipan pawt inla, gam ka hon etsak ding lam ah pai in,’ ” achi hi. 4Huan amah tuh Kaldaite gam a kipan apaikhia a, Haran ah ava om a; huan apa sih nung in huai a kipan in tua na omna kholam uah Pathian in apemlutsak hi. 5Huan hiai ah zaw mun luah ding, khe ngakna tham bangmah ape kei. Himahleh tapa aneih ma nangawn in ama gou ding leh anung a asuante gouluah ding in gam piak achiam hi. 6Pathian in hichibang in agen, asuante mi kholam ah kum zali ataam ding ua mi'n sikha in abawl ding ua, asawi behlap ding uh. 7Pathian in, “ ‘Sikha a nei dingte nam keima'n ka ngaihtuah ding a, huai khit chiang in ahong pawt ding ua, hiai mun ah ka nna asem ding uh,’ achi behlap hi. 8Pathian in akiang ah tua zeksum thu akhung a; huchi in Abraham in Isak asuang a, ani giat ni in azek asum a, huan Isak in Jakob asuang a; Jakob in suangtubul ding sawm-le-nihte ahon nei hi.
9“Huai suangtubul dingte'n Joseph ahaza ua, Aigupta gam ah azuak ua; himahleh akiang ah Pathian a-om hi. 10Agimthuak tengteng ah ahunkhe zel a, Aigupta gam kumpipa Pharaoh deihsakna angahsak a, mipiltak ahi chih atheisak behlap hi; huchi in ama'n Aigupta gam leh a-inn a mi tengteng tung ah gam-ukpa in abawlta hi. 11Aigupta leh Kanaan gam tengteng ah kial ahong tung a, gimthuakna thupitak ahong tungta hi; i pipute'n lah nek ding himhim amuta kei ua. 12Himahleh Jakob in Aigupta gam ah buh a-om chih azaktak in i pipute asawlkhia a; huai tuh ahoh pat tungna pen uh ahi. 13Huan anihvei hohna uah, a-unaute kiang ah Joseph kitheisakta a, huchi in Joseph chite tuh Pharaoh kiang ah akitheisakta uhi. 14Huan Joseph in apa Jakob leh a-unau tengteng mi sawmsagih leh nga asamsak hi. 15Huchi in Aigupta gam ah Jakob ahohsuk a; huai ah amah leh i pipute asita uhi. 16Shekem ah apotung ua, Abraham in Shekem a Emmor tapate lak a dangka sum a alei han ah avuita uhi.
17“Pathian in Abraham kiang a athuchiam ahong tun ding in Aigupta gam ah mite ahong pung ua, ahong tam deuhdeuh uhi. 18Huan Aigupta gam ah Joseph thei lou kumpi dang khat ahong lal hi. 19Huai mi in i chipihte akhem a, i pipute asawi a, anaungekte uh hing lou ding in apaikhesak hi. 20Huai lai in Mosi ahong piang a, Pathian muh in melhoih mahmah ahi; apa inn ah kha thum akem uhi. 21Akoihkhiak un Pharaoh tanu in ama tapa ding a la in akem hi. 22Huan Aigupta gam a pilna tengteng Mosi ahilh ua, thu ah leh athilhih ah athupi mahmah hi.
23“Huan amah kum sawmli achin kuan in, a-unau, Israel suante aveh hi. 24Huan alak ua mi khat gimthuak lai amu a, apanpih a, ahihgimpa Aigupta mi athat a, aphu alaksakta hi. 25Mosi in ama khut in Pathian in amaute ahondam chih a-unaute'n thei na uhiam asa a, himahleh athei kei uh. 26Huan azing in alak ua mi nih akilai un akiang uh ava naih a, ‘Pute aw, unau nei ve ua; bangziak a dikloutak a kibawl na hi ua?’ chi in lep atum hi. 27Himahleh a-invengpa tung a thugilou bawl zaw pen in Mosi tuh asawnhang a, koute tung a heutu leh vaihawm ding a kua'n hon bawl ahia? 28Zan a Aigupta mi na thah bang a hon thah tum na hi maw? achi hi. 29Huai thu ziak in Mosi ataimangta a, Midian gam ah ataam nilouh a, huai ah tapa nih ava nei hi.
30“Huan kum sawmli nung in Sinai Tang gamdai ah; loubuk ah meikuang lak ah angel khat akiang ah ahong kilak hi. 31Mosi in amuh in, athil muh tuh lamdang asa mahmah a; huan en ding a apai lai in, Toupa aw in: 32‘Kei na pipute Pathian, Abraham' Pathian, Isak' Pathian, Jakob' Pathian, ka hi,’ ana chi hi. Huchi in Mosi aling a a-en ngamta kei hi. 33Huan Toupa'n akiang ah, ‘Na khepek a kipan na khetuam suah in; na dinna Mun Siangthou ahi,’ achi hi. 34Aigupta gam a om ka mite gimdan ka mu gige hi, athum uh leng ka za gige, amau hunkhe ding in ka hong suk hi. Hong in, Aigupta gam ah ka hon sawl ding,” achi hi.
35“Kou tung a heutu leh vaihawm ding a kua'n hon bawl ahia, chi a adeih louh uh, Mosi, loubuk a angel kilak tungtawn in, Pathian in amah mah heutu leh hunkhepa hikhawm ding in asawlta hi. 36Ama'n Aigupta gam ah Tuipi San leh gamdai mun ah, kum sawmli sung in thillamdang leh chiamtehnate amusak phot a, amaute apikheta ahi. 37Israel suante kiang ah, ‘Pathian in keimah bang in, na unaute lak a mi zawlnei khat, athu na ngaihkhiak ding uh ahon bawlsak ding chipa Mosi ahi. 38Hiai mi ahi gamdai a omkhawmte lak a ompa, Sinai Tang a angel in ahoupihpa leh i pipute kiang a ompa; huai mi eite hon piaksawn ding a thuhingte lasawnpa mah ahi.
39“I pipute'n amah thu amang kei ua, ahua ua, Aaron kiang ah, 40‘I makai ding in pathiante hon bawlsak in; Aigupta gam a kipan a hon pikhepa Mosi lah atanchin ka thei nawnta kei uhi,’ chi in alungtang uh Aigupta gam lam ah anga nawnta uhi. 41Huai lai in bawngnou lim abawl ua, amai a kithoihna alan ua amau khutsuak milim tung ah akipak uhi. 42Huchi in Pathian in alehngatsan a, van a aksi abiak theihna ding un amaute akilehngat santa hi. Zawlnei laibu a,
‘Aw nou Israel inkote aw,
gamdai ah kum sawmli sung in gan sisan a kithoih in thillat toh in kei na hon bia ua eita?
43Molok biakna maitam leh na pathian uh, Remphan aksi leh,
na milim bawltawmte uh,
vialpuak in biak ding in na zong ua, huaiziak in Babulon kho khen lam ah sal in ka hon pomang ding,’
chih gelh bang in.
44“I pi-le-pute'n gamdai ah theihpihna biakbuk, Mosi kiang a theihsak a a-om bang leh alim amuhsak bang in ana bawl uhi. 45Huai biakbuk mah i pipute suansawnte'n leng aneisawn zel ua, Pathian in i pipute ma a Zentel adelhkhiakte gam aluah lai un, Joshua makaih in biakbuk alutpih uhi. David hong om tan in huai ah a-om gige a, 46amah Pathian mitmuh a deihsakna tang, Jakob' Pathian a ding in inn bawlsak angen hi. 47Himahleh Solomon in huai inn alamsak zawta hi.
48“Himahleh zawlnei gen bang in khut a bawl innte ah Tungnungpen a-om kei;
49“Toupa'n van ka tutphah ahi a,
lei ka khepek ngakna ahi; inn bangchibang na hon lamsak ding ua?
Ka khawlna mun ding koi mun ahia?
50Hiai thilte keimah khut in ka bawl kei a hia?” chi a, agen bang in.
51“Migenhakte, lungtang leh bil a zeksumlouhte aw, chik lai peuh in Kha Siangthou na dal gige uh; na pipute uh hih bang in na hih nilouh uhi. 52Na pipute un zawlneite lak ah kua ahia asawi louh uh? Mi Diktak hong ding thu genkholte athat ua; huai midiktak mansakte leh thatte noumau na hi uhi. 53Dan angelte piaksawn mu masa a zuiloute aw,” achi hi.
Jesu Muhna leh Stephen Sihna
54Huan huai thu azak un asin uh athakta a, Stephen tung ah aha uh agawita uhi. 55Himahleh amah Kha Siangthou in adim a, van lam a-en a, Pathian thupina leh Pathian taklam a Jesu dingh amu hi. 56“Ngai un, van kihong ka mu a, Pathian taklam a Mihing Tapa dingh leng ka mu,” achi hi. 57Huchi in amau aw ngaihtak in akikou ua, abil uh ahum ua, 58kituaktak in apang ua, khua a kipan adelhkhia ua, suang in adeng ua, atheihpihte'n tangval khat amin Saul khebul ah apuante uh akoihkhawm chiat uhi. 59Amaute'n Stephen suang in adengta ua; ama'n Pathian sam in, “Toupa Jesu, ka kha la in,” achi hi. 60Huan khukdin in aw ngaihtak in akikou a, “Toupa, hiai akhelhna tung uah moh posak ke'n,” achi hi. Huchi in huai agen zoh in, a-ihmuta hi.
Currently Selected:
NASEPTE 7: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
NASEPTE 7
7
Stephen Thugen
1Huan siampu lianpen in, “Hiai thute adik ahi na hia?” achi hi.
2Stephen in, “Unaute aw, pate aw, ngai un. I pu Abraham, Haran a a-om ma, Mesopotamia gam a a-om lai a, thupina Pathian akiang a hong kilak in akiang ah, 3‘Na kholam leh na chite lak a kipan pawt inla, gam ka hon etsak ding lam ah pai in,’ ” achi hi. 4Huan amah tuh Kaldaite gam a kipan apaikhia a, Haran ah ava om a; huan apa sih nung in huai a kipan in tua na omna kholam uah Pathian in apemlutsak hi. 5Huan hiai ah zaw mun luah ding, khe ngakna tham bangmah ape kei. Himahleh tapa aneih ma nangawn in ama gou ding leh anung a asuante gouluah ding in gam piak achiam hi. 6Pathian in hichibang in agen, asuante mi kholam ah kum zali ataam ding ua mi'n sikha in abawl ding ua, asawi behlap ding uh. 7Pathian in, “ ‘Sikha a nei dingte nam keima'n ka ngaihtuah ding a, huai khit chiang in ahong pawt ding ua, hiai mun ah ka nna asem ding uh,’ achi behlap hi. 8Pathian in akiang ah tua zeksum thu akhung a; huchi in Abraham in Isak asuang a, ani giat ni in azek asum a, huan Isak in Jakob asuang a; Jakob in suangtubul ding sawm-le-nihte ahon nei hi.
9“Huai suangtubul dingte'n Joseph ahaza ua, Aigupta gam ah azuak ua; himahleh akiang ah Pathian a-om hi. 10Agimthuak tengteng ah ahunkhe zel a, Aigupta gam kumpipa Pharaoh deihsakna angahsak a, mipiltak ahi chih atheisak behlap hi; huchi in ama'n Aigupta gam leh a-inn a mi tengteng tung ah gam-ukpa in abawlta hi. 11Aigupta leh Kanaan gam tengteng ah kial ahong tung a, gimthuakna thupitak ahong tungta hi; i pipute'n lah nek ding himhim amuta kei ua. 12Himahleh Jakob in Aigupta gam ah buh a-om chih azaktak in i pipute asawlkhia a; huai tuh ahoh pat tungna pen uh ahi. 13Huan anihvei hohna uah, a-unaute kiang ah Joseph kitheisakta a, huchi in Joseph chite tuh Pharaoh kiang ah akitheisakta uhi. 14Huan Joseph in apa Jakob leh a-unau tengteng mi sawmsagih leh nga asamsak hi. 15Huchi in Aigupta gam ah Jakob ahohsuk a; huai ah amah leh i pipute asita uhi. 16Shekem ah apotung ua, Abraham in Shekem a Emmor tapate lak a dangka sum a alei han ah avuita uhi.
17“Pathian in Abraham kiang a athuchiam ahong tun ding in Aigupta gam ah mite ahong pung ua, ahong tam deuhdeuh uhi. 18Huan Aigupta gam ah Joseph thei lou kumpi dang khat ahong lal hi. 19Huai mi in i chipihte akhem a, i pipute asawi a, anaungekte uh hing lou ding in apaikhesak hi. 20Huai lai in Mosi ahong piang a, Pathian muh in melhoih mahmah ahi; apa inn ah kha thum akem uhi. 21Akoihkhiak un Pharaoh tanu in ama tapa ding a la in akem hi. 22Huan Aigupta gam a pilna tengteng Mosi ahilh ua, thu ah leh athilhih ah athupi mahmah hi.
23“Huan amah kum sawmli achin kuan in, a-unau, Israel suante aveh hi. 24Huan alak ua mi khat gimthuak lai amu a, apanpih a, ahihgimpa Aigupta mi athat a, aphu alaksakta hi. 25Mosi in ama khut in Pathian in amaute ahondam chih a-unaute'n thei na uhiam asa a, himahleh athei kei uh. 26Huan azing in alak ua mi nih akilai un akiang uh ava naih a, ‘Pute aw, unau nei ve ua; bangziak a dikloutak a kibawl na hi ua?’ chi in lep atum hi. 27Himahleh a-invengpa tung a thugilou bawl zaw pen in Mosi tuh asawnhang a, koute tung a heutu leh vaihawm ding a kua'n hon bawl ahia? 28Zan a Aigupta mi na thah bang a hon thah tum na hi maw? achi hi. 29Huai thu ziak in Mosi ataimangta a, Midian gam ah ataam nilouh a, huai ah tapa nih ava nei hi.
30“Huan kum sawmli nung in Sinai Tang gamdai ah; loubuk ah meikuang lak ah angel khat akiang ah ahong kilak hi. 31Mosi in amuh in, athil muh tuh lamdang asa mahmah a; huan en ding a apai lai in, Toupa aw in: 32‘Kei na pipute Pathian, Abraham' Pathian, Isak' Pathian, Jakob' Pathian, ka hi,’ ana chi hi. Huchi in Mosi aling a a-en ngamta kei hi. 33Huan Toupa'n akiang ah, ‘Na khepek a kipan na khetuam suah in; na dinna Mun Siangthou ahi,’ achi hi. 34Aigupta gam a om ka mite gimdan ka mu gige hi, athum uh leng ka za gige, amau hunkhe ding in ka hong suk hi. Hong in, Aigupta gam ah ka hon sawl ding,” achi hi.
35“Kou tung a heutu leh vaihawm ding a kua'n hon bawl ahia, chi a adeih louh uh, Mosi, loubuk a angel kilak tungtawn in, Pathian in amah mah heutu leh hunkhepa hikhawm ding in asawlta hi. 36Ama'n Aigupta gam ah Tuipi San leh gamdai mun ah, kum sawmli sung in thillamdang leh chiamtehnate amusak phot a, amaute apikheta ahi. 37Israel suante kiang ah, ‘Pathian in keimah bang in, na unaute lak a mi zawlnei khat, athu na ngaihkhiak ding uh ahon bawlsak ding chipa Mosi ahi. 38Hiai mi ahi gamdai a omkhawmte lak a ompa, Sinai Tang a angel in ahoupihpa leh i pipute kiang a ompa; huai mi eite hon piaksawn ding a thuhingte lasawnpa mah ahi.
39“I pipute'n amah thu amang kei ua, ahua ua, Aaron kiang ah, 40‘I makai ding in pathiante hon bawlsak in; Aigupta gam a kipan a hon pikhepa Mosi lah atanchin ka thei nawnta kei uhi,’ chi in alungtang uh Aigupta gam lam ah anga nawnta uhi. 41Huai lai in bawngnou lim abawl ua, amai a kithoihna alan ua amau khutsuak milim tung ah akipak uhi. 42Huchi in Pathian in alehngatsan a, van a aksi abiak theihna ding un amaute akilehngat santa hi. Zawlnei laibu a,
‘Aw nou Israel inkote aw,
gamdai ah kum sawmli sung in gan sisan a kithoih in thillat toh in kei na hon bia ua eita?
43Molok biakna maitam leh na pathian uh, Remphan aksi leh,
na milim bawltawmte uh,
vialpuak in biak ding in na zong ua, huaiziak in Babulon kho khen lam ah sal in ka hon pomang ding,’
chih gelh bang in.
44“I pi-le-pute'n gamdai ah theihpihna biakbuk, Mosi kiang a theihsak a a-om bang leh alim amuhsak bang in ana bawl uhi. 45Huai biakbuk mah i pipute suansawnte'n leng aneisawn zel ua, Pathian in i pipute ma a Zentel adelhkhiakte gam aluah lai un, Joshua makaih in biakbuk alutpih uhi. David hong om tan in huai ah a-om gige a, 46amah Pathian mitmuh a deihsakna tang, Jakob' Pathian a ding in inn bawlsak angen hi. 47Himahleh Solomon in huai inn alamsak zawta hi.
48“Himahleh zawlnei gen bang in khut a bawl innte ah Tungnungpen a-om kei;
49“Toupa'n van ka tutphah ahi a,
lei ka khepek ngakna ahi; inn bangchibang na hon lamsak ding ua?
Ka khawlna mun ding koi mun ahia?
50Hiai thilte keimah khut in ka bawl kei a hia?” chi a, agen bang in.
51“Migenhakte, lungtang leh bil a zeksumlouhte aw, chik lai peuh in Kha Siangthou na dal gige uh; na pipute uh hih bang in na hih nilouh uhi. 52Na pipute un zawlneite lak ah kua ahia asawi louh uh? Mi Diktak hong ding thu genkholte athat ua; huai midiktak mansakte leh thatte noumau na hi uhi. 53Dan angelte piaksawn mu masa a zuiloute aw,” achi hi.
Jesu Muhna leh Stephen Sihna
54Huan huai thu azak un asin uh athakta a, Stephen tung ah aha uh agawita uhi. 55Himahleh amah Kha Siangthou in adim a, van lam a-en a, Pathian thupina leh Pathian taklam a Jesu dingh amu hi. 56“Ngai un, van kihong ka mu a, Pathian taklam a Mihing Tapa dingh leng ka mu,” achi hi. 57Huchi in amau aw ngaihtak in akikou ua, abil uh ahum ua, 58kituaktak in apang ua, khua a kipan adelhkhia ua, suang in adeng ua, atheihpihte'n tangval khat amin Saul khebul ah apuante uh akoihkhawm chiat uhi. 59Amaute'n Stephen suang in adengta ua; ama'n Pathian sam in, “Toupa Jesu, ka kha la in,” achi hi. 60Huan khukdin in aw ngaihtak in akikou a, “Toupa, hiai akhelhna tung uah moh posak ke'n,” achi hi. Huchi in huai agen zoh in, a-ihmuta hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.