NASEPTE 9
9
Saul Pianthakna
1Saul in Toupa nungzuite vau leh thah atup thu agen lailai man in siampu lianpen kiang ah ava hoh hi. 2Damaskas a sinagog tengteng amite kiang a piak ding in lai angen a, hiai Lampi zui mi kuapeuh amuhleh, numei leh pasal leng, hen a Jerusalem a hon pitheihna ding in.
3Huan apai lai in, Damaskas atun kuan in, thakhat in van a kipan vak akim ah ahong vak puap hi. 4Huan lei ah apuk a, akiang ah, “Saul, Saul, bang achia nang hon sawi na hia?” chi in aw aza hi.
5Huan ama'n, “Toupa, kua na hia?” achi hi. Toupa'n akiang ah, “Na sawi Jesu ka hi; kilhna sikzum na tot nang ding in ahaksa hi,” achi hi. 6Huan ling leh lamdang sa kawm in, “Toupa bang sem ding a hon deih na hiam?” achi hi. Toupa'n akiang ah, “Thou inla, khopi ah lut in, huchi in na hih ding hilh in na om ding hi,” achi hi.
7Atonpihte gen ding thei lou in adingh ua, aw zaw aza ua, himahleh kuamah amu kei uh. 8Huan lei a kipan in Saul athou a; ahong hak a kuamah amutheita kei hi; huchi in akhut in akai ua, Damaskas ah apilut uhi. 9Huan ni thum kho mu lou in a-om a, bangmah ne in adawn kei hi.
Damaskas Khua Ah Saul
10Huan Damaskas ah amin Ananias nungzui khat a-om hi. Toupa'n mengmu bang in akiang ah, “Ananias,” achi hi.
11Huan ama'n, “En in, Toupa, hiai ah ka om,” achi hi. Toupa'n akiang ah, “Thou inla, Kongzing Tang achih uah hoh inla, Judas inn ah, Tarsas khomi, amin Saul kichi kankhia in. Ngai in, athum laitak ahi. 12Ama'n mengmuhna in mi khat amin Ananias akiang ava lut a, amit hihvakna ding a atung akhut nga in amuta hi,” achi hi.
13Ananias in, “Toupa huai mi Jerusalem a na misiangthoute tung a atatsiat thu mi tampi kam ah ka za hi. 14Huan hiai ah na min lou peuhmah hen ding in siampu liante a kipan thuneihna toh hong pai ahi,” chi in adawng hi.
15Himahleh Toupa'n akiang ah, “Hoh mai in; Zentelte, kumpipate leh Israel suante kiang a ka min polut ding a ka belseh ahi. 16Ka min ziak in gimna bangchi a thupi ahia athuak ding akiang ah ka theisak ding,” achi hi.
17Huan Ananias ava hoh a, inn ah alut a, huan atung ah akhut anga a, “Unau Saul, na mitvakna ding leh Kha Siangthou dim a na omtheihna ding in, Toupa, na hong paina lampi a na kiang a kilak Jesu'n hon sawl ahi,” achi hi. 18Huan thakhat in amit a kipan lip bang aketa a, amit avak nawnta a; athou a, huan baptisma atangta hi. 19Huan an ane a, ahalhta hi. Huan Damaskas a nungzui omte kiang ah ni bangzah hiam ataam hi.
Paul In Damaskas Ah Thu Agen
20Huan Sinagog ah, “Jesu, Pathian Tapa” ahihdan thu atangkoupih zui ngal hi. 21Huan athu zate tengteng in lamdang asa ua, “Hiai mipa Jerusalem a hiai minloute sawi zelpa ahi kei a hia? Huai mite siampu liante kiang a hensa a piak sawm a hong hohpa hilou hia?” achi uhi. 22Saul bel ahong hattuam a, huai mi Khrist ahi taktak chih ahilhchian a, Damaskas a Juda omte gen ding bei in akoih hilhial hi. 23Huan ni sawttak nung in Saul that ding in Judate akihou uhi. 24Himahleh ama'n athiltup uh ana thei hi. Huan amah thah tum in kulh kong teng ah sun leh zan in atang uhi. 25Himahleh anungzuite'n zan in api ua, kulh tohlet ah bawm in akhaikheta uhi.
Jerusalem Leh Tarsas Khua Ah Saul
26Huan Jerusalem a Saul atuntak in nungzuite kithuahpih atum a; amau bel avek un amah akihta ua, nungzui ahih sam agingta kei uhi. 27Barnabas in amah api a, sawltakte kiang ah apaipih a, lampi a Toupa amuh a, ahoupihdan bang, Damaskas a Jesu min a hangtak a thu ahilhdan khawng leng akiang uah agenta hi. 28Huchi in Jerusalem ah Saul tuh akiang uah lut zel pawt zel in a-omta a, Toupa min in hangsantak in thu agen zel hi. 29Huan Grik pau zang Judate kiang ah thu agen a, asel a; amau bel amah hihlup atum uhi. 30Huan unaute'n huai atheihtak un, Kaisaria ah apisuk ua, Tarsas ah asawlmangta uhi.
31Huchi in saptuamte Judia, Galili leh Samaria gam kimvel ah akip deuhdeuh ua, muangtak in a-omta ua; huan Toupa laudan siam kawm in, Kha Siangthou khamuan in a-om ua, ahong pung deuhdeuh uhi.
Lidda Khua A Peter In Ahihdamna
32Huan Peter in kho kim atot vialvial kawm in, Lidda a Mi Siangthou omte kiang ah leng ahohsuk hi. 33Huai ah mi khat amin Ainias, azawt ziak a kum giat lupna a lumden amu hi. 34Huan Peter in akiang ah, “Ainias aw, Jesu Khrist in ahon hihdam, thou inla, na awngphah zial in,” achi hi. Huchi in athou pahta hi. 35Huan Lidda khua leh Sharon phai a omte tengteng in Ainias amu ua, Toupa lam anga duam uhi.
Dorka
36Huan Joppa ah amin Tabitha nungzui khat a-om a, Tabitha minkhiakna tuh Dorkas ahi, huai numei in thil hihhoih leh thilpiak ahau mahmah hi. 37Huai lai in, achi ana a, asi hi; huchi in asilsiang ua, indan tungnung ah asial uhi. 38Huan Lidda khua tuh Joppa kho kiang ahih ziak in, nungzuite'n Peter huai ah a-om chih aza ua, “Sawt hal lou in ka kiang uah hong pai in,” chi a va thum ding in akiang ah mi nih asawl uhi. 39Huan Peter athou a akiang uah apaita hi. Huan atuntak in indan tungnung ah api ua; meithai tengteng dingh in, akiang ua Dorkas a-om lai a apuanak bawlte, apuan bawlte lak kawm in akap chiat uhi. 40Himahleh Peter in avek un apawtsak a, akhukdin a, athumta hi; huan luanglam anga a, “Tabitha, thou in,” achi hi. Huchi in amit ahong hak a, Peter amuhtak in atutou hi. 41Huan Peter in akhut apia a, akaithou hi, misiangthoute leh meithaite asam a, hingdam in apeta hi. 42Huan huai Joppa kho tengteng in athei vek ua; mi tampi in Toupa agingta uhi. 43Huan Joppa ah savunbawlpa Simon inn ah ni tampitak Peter ataam nilouh hi.
Currently Selected:
NASEPTE 9: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
NASEPTE 9
9
Saul Pianthakna
1Saul in Toupa nungzuite vau leh thah atup thu agen lailai man in siampu lianpen kiang ah ava hoh hi. 2Damaskas a sinagog tengteng amite kiang a piak ding in lai angen a, hiai Lampi zui mi kuapeuh amuhleh, numei leh pasal leng, hen a Jerusalem a hon pitheihna ding in.
3Huan apai lai in, Damaskas atun kuan in, thakhat in van a kipan vak akim ah ahong vak puap hi. 4Huan lei ah apuk a, akiang ah, “Saul, Saul, bang achia nang hon sawi na hia?” chi in aw aza hi.
5Huan ama'n, “Toupa, kua na hia?” achi hi. Toupa'n akiang ah, “Na sawi Jesu ka hi; kilhna sikzum na tot nang ding in ahaksa hi,” achi hi. 6Huan ling leh lamdang sa kawm in, “Toupa bang sem ding a hon deih na hiam?” achi hi. Toupa'n akiang ah, “Thou inla, khopi ah lut in, huchi in na hih ding hilh in na om ding hi,” achi hi.
7Atonpihte gen ding thei lou in adingh ua, aw zaw aza ua, himahleh kuamah amu kei uh. 8Huan lei a kipan in Saul athou a; ahong hak a kuamah amutheita kei hi; huchi in akhut in akai ua, Damaskas ah apilut uhi. 9Huan ni thum kho mu lou in a-om a, bangmah ne in adawn kei hi.
Damaskas Khua Ah Saul
10Huan Damaskas ah amin Ananias nungzui khat a-om hi. Toupa'n mengmu bang in akiang ah, “Ananias,” achi hi.
11Huan ama'n, “En in, Toupa, hiai ah ka om,” achi hi. Toupa'n akiang ah, “Thou inla, Kongzing Tang achih uah hoh inla, Judas inn ah, Tarsas khomi, amin Saul kichi kankhia in. Ngai in, athum laitak ahi. 12Ama'n mengmuhna in mi khat amin Ananias akiang ava lut a, amit hihvakna ding a atung akhut nga in amuta hi,” achi hi.
13Ananias in, “Toupa huai mi Jerusalem a na misiangthoute tung a atatsiat thu mi tampi kam ah ka za hi. 14Huan hiai ah na min lou peuhmah hen ding in siampu liante a kipan thuneihna toh hong pai ahi,” chi in adawng hi.
15Himahleh Toupa'n akiang ah, “Hoh mai in; Zentelte, kumpipate leh Israel suante kiang a ka min polut ding a ka belseh ahi. 16Ka min ziak in gimna bangchi a thupi ahia athuak ding akiang ah ka theisak ding,” achi hi.
17Huan Ananias ava hoh a, inn ah alut a, huan atung ah akhut anga a, “Unau Saul, na mitvakna ding leh Kha Siangthou dim a na omtheihna ding in, Toupa, na hong paina lampi a na kiang a kilak Jesu'n hon sawl ahi,” achi hi. 18Huan thakhat in amit a kipan lip bang aketa a, amit avak nawnta a; athou a, huan baptisma atangta hi. 19Huan an ane a, ahalhta hi. Huan Damaskas a nungzui omte kiang ah ni bangzah hiam ataam hi.
Paul In Damaskas Ah Thu Agen
20Huan Sinagog ah, “Jesu, Pathian Tapa” ahihdan thu atangkoupih zui ngal hi. 21Huan athu zate tengteng in lamdang asa ua, “Hiai mipa Jerusalem a hiai minloute sawi zelpa ahi kei a hia? Huai mite siampu liante kiang a hensa a piak sawm a hong hohpa hilou hia?” achi uhi. 22Saul bel ahong hattuam a, huai mi Khrist ahi taktak chih ahilhchian a, Damaskas a Juda omte gen ding bei in akoih hilhial hi. 23Huan ni sawttak nung in Saul that ding in Judate akihou uhi. 24Himahleh ama'n athiltup uh ana thei hi. Huan amah thah tum in kulh kong teng ah sun leh zan in atang uhi. 25Himahleh anungzuite'n zan in api ua, kulh tohlet ah bawm in akhaikheta uhi.
Jerusalem Leh Tarsas Khua Ah Saul
26Huan Jerusalem a Saul atuntak in nungzuite kithuahpih atum a; amau bel avek un amah akihta ua, nungzui ahih sam agingta kei uhi. 27Barnabas in amah api a, sawltakte kiang ah apaipih a, lampi a Toupa amuh a, ahoupihdan bang, Damaskas a Jesu min a hangtak a thu ahilhdan khawng leng akiang uah agenta hi. 28Huchi in Jerusalem ah Saul tuh akiang uah lut zel pawt zel in a-omta a, Toupa min in hangsantak in thu agen zel hi. 29Huan Grik pau zang Judate kiang ah thu agen a, asel a; amau bel amah hihlup atum uhi. 30Huan unaute'n huai atheihtak un, Kaisaria ah apisuk ua, Tarsas ah asawlmangta uhi.
31Huchi in saptuamte Judia, Galili leh Samaria gam kimvel ah akip deuhdeuh ua, muangtak in a-omta ua; huan Toupa laudan siam kawm in, Kha Siangthou khamuan in a-om ua, ahong pung deuhdeuh uhi.
Lidda Khua A Peter In Ahihdamna
32Huan Peter in kho kim atot vialvial kawm in, Lidda a Mi Siangthou omte kiang ah leng ahohsuk hi. 33Huai ah mi khat amin Ainias, azawt ziak a kum giat lupna a lumden amu hi. 34Huan Peter in akiang ah, “Ainias aw, Jesu Khrist in ahon hihdam, thou inla, na awngphah zial in,” achi hi. Huchi in athou pahta hi. 35Huan Lidda khua leh Sharon phai a omte tengteng in Ainias amu ua, Toupa lam anga duam uhi.
Dorka
36Huan Joppa ah amin Tabitha nungzui khat a-om a, Tabitha minkhiakna tuh Dorkas ahi, huai numei in thil hihhoih leh thilpiak ahau mahmah hi. 37Huai lai in, achi ana a, asi hi; huchi in asilsiang ua, indan tungnung ah asial uhi. 38Huan Lidda khua tuh Joppa kho kiang ahih ziak in, nungzuite'n Peter huai ah a-om chih aza ua, “Sawt hal lou in ka kiang uah hong pai in,” chi a va thum ding in akiang ah mi nih asawl uhi. 39Huan Peter athou a akiang uah apaita hi. Huan atuntak in indan tungnung ah api ua; meithai tengteng dingh in, akiang ua Dorkas a-om lai a apuanak bawlte, apuan bawlte lak kawm in akap chiat uhi. 40Himahleh Peter in avek un apawtsak a, akhukdin a, athumta hi; huan luanglam anga a, “Tabitha, thou in,” achi hi. Huchi in amit ahong hak a, Peter amuhtak in atutou hi. 41Huan Peter in akhut apia a, akaithou hi, misiangthoute leh meithaite asam a, hingdam in apeta hi. 42Huan huai Joppa kho tengteng in athei vek ua; mi tampi in Toupa agingta uhi. 43Huan Joppa ah savunbawlpa Simon inn ah ni tampitak Peter ataam nilouh hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.