NASEPTE 26
26
Agrippa Ma A Paul Thugen
1Huai zoh in Agrippa in Paul kiang ah, “Na siamna thu na gen thei,” achi hi. Huan Paul in akhut avan a, asiamna thu agen hi.
2“Kumpipa Agrippa, Judate'n ahon hekna tengteng uah ka siamna thu gen ding a tuni a na ma a ka din theih hampha ka kisa hi. 3Judate tawndan leh pupa ngeinate theisiam leh pil mahmah na hih ziak in ka kipak tuanse hi. Huaiziak in thuakzoutak in ka thugen hon ngaihkhiaksak ding in ka hon ngen hi.
4“Ka tuailai hun a kipan ka chipihte lak leh Jerusalem a ka omdan Judate tengteng in athei uhi. 5Atung a kipan a ka tanchin theite ahi ua, huchi a ka sabiakdan ua ngentelpen a khosa Pharisai ka hihdan a-ut ualeh ahon genpih thei uhi. 6Pathian in ka pipute uh kiang a thu achiam lametna ziak in tu in hiai ah vai hawmsak in ka dingh hi. 7Huai thuchiam lametna ziak in ka nam uh sawm-le-nih in, sun leh zan in Pathian nna phatuamngaitak a sem in muh alamen uhi. Kumpipa aw, huai lametna tungthu ah Judate'n ahon hek uhi. 8Pathian in misite akaithou ding chih bangchidan a thil hi thei lou a ngaihtuah na hi ua?
9“Kei mahmah in Nazaret Jesu min kalh a hihtheih teng hih thil hoih hi in ka na ngaihtuah hi. 10Huai bang Jerusalem ah leng ka hih zel hi; siampu liante kiang a thu mu in, misiangthoute lak a mi tampi suangkul ah ka khum zel hi; ahihlup lai un lemsa lam ah leng ka na pang zel hi. 11Huan sinagog teng ah ka sawi gige a, Jesu thu gensiatsak ka tum teitei hi. Huan atung uah ka gilou mahmah a, gamdang khuate tanpha in leng ka sawi zel hi.
Paul in Apianthak Thu Agen
(Nas 9.1-19; 26.12-18)
12“Huchibang a hih ding in siampu liante thu mu in leh asawlna lai uh tawi in Damaskas ah ka hoh hi. 13Kumpipa aw, huchi a ka pai lai in sun laitak in, nisa vak sang a vakphazaw van a kipan in keimah leh ka paipihte kim ah hong vak ka mu hi. 14Ka vek un lei ah ka puk ua, Hebru pau in, ‘Saul, Saul, nang bang achia hon sawi? Sutna chiangzum tot nang dia na ahi,’ hon chi in ka za hi. 15Ke'n, ‘Toupa, kua na hia?’ ka chi hi. Toupa'n, ‘Na sawi, Jesu ka hi,’ achi hi. 16Himahleh thou inla dingh in; hiai na thil muhte leh na kiang a ka hon lah lai dingte sem ding leh theihpih dia sikha a nang hon bawl ding in na kiang ah ka hong kilak ahi. 17Mi tengteng leh ka hon sawlna mite, Zentelte khut a kipan ka hon humhing ding; 18amit uh hihvak ding in akiang uah ka hon sawl ahi, huchi in mial a pan vak lam anga ding ua, Setan thuneihna Pathian lam angatsan ding uhi, khelhna ngaihdamna amuhna ding uleh ahon gintak ziak ua sehtuam siangthoute lak a goutan aneihna ding un,” achi hi.
Paul In Anasep Thugen
19“Huaiziak in kumpipa Agrippa aw, van a kilakna ka sel kei hi. 20Atung in Damaskas a mite kiang ah, huan Jerusalem ah, Judia leh gam chih a mite kiang leh Zentelte kiang ah leng athilhih uh kisik a, Pathian lam angatna ding un ka hilh zaw hi. 21Hiaite ziak in Judate'n tempul ah ahon man ua, hon hihlup atum uhi. 22Himahleh Pathian kiang a kipan a panpihna ka muh ziak in tuni tan in mineute leh miliante kiang a thu theisak in ka om lai hi; zawlneite leh Mosi in hong tung ding achih thu kia uh lou ngal thudang gen lou in. 23Huchi a, Khrist in gim athuak ding a, misi lak a kipan athohnawn ziak a mi tengteng kiang leh Zentelte kiang a vak musakpa masapen ahi ding achih thu uh,” achi hi.
24Huchibang a asiamna thu agen lai in, Festas in, aw ngaihtak in, “Paul, hai na hi; na theih tamna in nang hon haisak ahi,” achi hi.
25Himahleh Paul in, Festas hoihpen, “Hai kei veng e; thu diktak leh thu piltak ka gen zaw ahi. 26Hiai thute kumpipa'n athei, akiang ah leng hangsantak in ka gen ahi; hiai thil bangmah akiang ah iim ahi kei chih diktak in ka thei hi. Hiai thu inkil kawm peuh a aguk a hih ahi kei hi. 27Kumpipa Agrippa, zawlneite na gingta hia? Na gingta chih ka thei,” achi hi.
28Agrippa in Paul kiang ah, “Sawt louchik sung in Khristian na hon suaksak zou dek,” achi hi.
29Paul in, “Sawt in tom taleh, nang kia ka chi kei, tuni a ka thu za tengteng leng keimah bang a om ding in Pathian kiang ah ka ngen ahi, hiai kolbutte chih louh ngal,” achita hi.
30Huan thu agen zoh in kumpipa adingtou a, gam-ukpa, Barnis leh akiang ua tute leng adingh chiat uhi. 31Apaituam ua akihou ua, “Hiai mi'n sihna leh kolbutna khop hial thil bangmah ahih kei,” achi uhi. 32Agrippa in Festas kiang ah, “Hiai mi'n Kaisar kiang a tut ding na ngen lou hileh pawt mai ding hiven,” achi hi.
Currently Selected:
NASEPTE 26: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
NASEPTE 26
26
Agrippa Ma A Paul Thugen
1Huai zoh in Agrippa in Paul kiang ah, “Na siamna thu na gen thei,” achi hi. Huan Paul in akhut avan a, asiamna thu agen hi.
2“Kumpipa Agrippa, Judate'n ahon hekna tengteng uah ka siamna thu gen ding a tuni a na ma a ka din theih hampha ka kisa hi. 3Judate tawndan leh pupa ngeinate theisiam leh pil mahmah na hih ziak in ka kipak tuanse hi. Huaiziak in thuakzoutak in ka thugen hon ngaihkhiaksak ding in ka hon ngen hi.
4“Ka tuailai hun a kipan ka chipihte lak leh Jerusalem a ka omdan Judate tengteng in athei uhi. 5Atung a kipan a ka tanchin theite ahi ua, huchi a ka sabiakdan ua ngentelpen a khosa Pharisai ka hihdan a-ut ualeh ahon genpih thei uhi. 6Pathian in ka pipute uh kiang a thu achiam lametna ziak in tu in hiai ah vai hawmsak in ka dingh hi. 7Huai thuchiam lametna ziak in ka nam uh sawm-le-nih in, sun leh zan in Pathian nna phatuamngaitak a sem in muh alamen uhi. Kumpipa aw, huai lametna tungthu ah Judate'n ahon hek uhi. 8Pathian in misite akaithou ding chih bangchidan a thil hi thei lou a ngaihtuah na hi ua?
9“Kei mahmah in Nazaret Jesu min kalh a hihtheih teng hih thil hoih hi in ka na ngaihtuah hi. 10Huai bang Jerusalem ah leng ka hih zel hi; siampu liante kiang a thu mu in, misiangthoute lak a mi tampi suangkul ah ka khum zel hi; ahihlup lai un lemsa lam ah leng ka na pang zel hi. 11Huan sinagog teng ah ka sawi gige a, Jesu thu gensiatsak ka tum teitei hi. Huan atung uah ka gilou mahmah a, gamdang khuate tanpha in leng ka sawi zel hi.
Paul in Apianthak Thu Agen
(Nas 9.1-19; 26.12-18)
12“Huchibang a hih ding in siampu liante thu mu in leh asawlna lai uh tawi in Damaskas ah ka hoh hi. 13Kumpipa aw, huchi a ka pai lai in sun laitak in, nisa vak sang a vakphazaw van a kipan in keimah leh ka paipihte kim ah hong vak ka mu hi. 14Ka vek un lei ah ka puk ua, Hebru pau in, ‘Saul, Saul, nang bang achia hon sawi? Sutna chiangzum tot nang dia na ahi,’ hon chi in ka za hi. 15Ke'n, ‘Toupa, kua na hia?’ ka chi hi. Toupa'n, ‘Na sawi, Jesu ka hi,’ achi hi. 16Himahleh thou inla dingh in; hiai na thil muhte leh na kiang a ka hon lah lai dingte sem ding leh theihpih dia sikha a nang hon bawl ding in na kiang ah ka hong kilak ahi. 17Mi tengteng leh ka hon sawlna mite, Zentelte khut a kipan ka hon humhing ding; 18amit uh hihvak ding in akiang uah ka hon sawl ahi, huchi in mial a pan vak lam anga ding ua, Setan thuneihna Pathian lam angatsan ding uhi, khelhna ngaihdamna amuhna ding uleh ahon gintak ziak ua sehtuam siangthoute lak a goutan aneihna ding un,” achi hi.
Paul In Anasep Thugen
19“Huaiziak in kumpipa Agrippa aw, van a kilakna ka sel kei hi. 20Atung in Damaskas a mite kiang ah, huan Jerusalem ah, Judia leh gam chih a mite kiang leh Zentelte kiang ah leng athilhih uh kisik a, Pathian lam angatna ding un ka hilh zaw hi. 21Hiaite ziak in Judate'n tempul ah ahon man ua, hon hihlup atum uhi. 22Himahleh Pathian kiang a kipan a panpihna ka muh ziak in tuni tan in mineute leh miliante kiang a thu theisak in ka om lai hi; zawlneite leh Mosi in hong tung ding achih thu kia uh lou ngal thudang gen lou in. 23Huchi a, Khrist in gim athuak ding a, misi lak a kipan athohnawn ziak a mi tengteng kiang leh Zentelte kiang a vak musakpa masapen ahi ding achih thu uh,” achi hi.
24Huchibang a asiamna thu agen lai in, Festas in, aw ngaihtak in, “Paul, hai na hi; na theih tamna in nang hon haisak ahi,” achi hi.
25Himahleh Paul in, Festas hoihpen, “Hai kei veng e; thu diktak leh thu piltak ka gen zaw ahi. 26Hiai thute kumpipa'n athei, akiang ah leng hangsantak in ka gen ahi; hiai thil bangmah akiang ah iim ahi kei chih diktak in ka thei hi. Hiai thu inkil kawm peuh a aguk a hih ahi kei hi. 27Kumpipa Agrippa, zawlneite na gingta hia? Na gingta chih ka thei,” achi hi.
28Agrippa in Paul kiang ah, “Sawt louchik sung in Khristian na hon suaksak zou dek,” achi hi.
29Paul in, “Sawt in tom taleh, nang kia ka chi kei, tuni a ka thu za tengteng leng keimah bang a om ding in Pathian kiang ah ka ngen ahi, hiai kolbutte chih louh ngal,” achita hi.
30Huan thu agen zoh in kumpipa adingtou a, gam-ukpa, Barnis leh akiang ua tute leng adingh chiat uhi. 31Apaituam ua akihou ua, “Hiai mi'n sihna leh kolbutna khop hial thil bangmah ahih kei,” achi uhi. 32Agrippa in Festas kiang ah, “Hiai mi'n Kaisar kiang a tut ding na ngen lou hileh pawt mai ding hiven,” achi hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.