NASEPTE 27
27
Rome Zuan A Paul Zinna
1Itali gam a long a pai ding thu ahihpuktak un, Paul leh henta dang kuate hiam Augusta pawl a sepaih zaheutu, amin Julias akemsak uhi. 2Huan Adramittium kho long, Asia gam tuipi piau a kho omte tawn ding ah ka tuang ua, tuipi ah ka paita uhi. Ka kiang uah Masidonia gam a mi Aristarkhas, Thessalonika khomi a-om hi. 3Azing in Sidon khua ka tawn uhi. Julias in Paul alimbawl ngial a, kihihhalh ding in alawmte kiang ah apawtsak hi. 4Huai a kipan in tuipi ah ka pai nawn ua, huih in ahi lou lam a hon mut ziak in Kupra tuikulh zul huih hatlouhna lam ah ka tai uhi. 5Silisia gam leh Pamphilia gamzul tuipi ka khen nung un, Lisia gam a Mira khua ka tung uhi. 6Huai ah sepaih zaheutupa'n Aleksandria kho long Itali gam tawn ding amu a; huai ah hon tuangsak hi.
7Ni tampi, awlawl in ka pai ua, Knidas kho zawn haksapi in ka tung teitei ua, huih in hon sawnkik ziak in Salmoni zuan in Krit tuikulh zul huih hatlouhna lam ah ka tai uhi. 8Haksatak in tui geigei ah ka pai ua, Longkhawlna Kilawm achih mun uh ka tungta ua; huai kiang ah Lasea khua a-om hi.
Paul In Long Siat Ding Agenkhol
9Huan ni tampi abei tak ziak in leh long a pai alauhuai ziak in, An Ngawl ni akhengta ngal a, Paul in amau athuhilh a, akiang uah, 10“Pute aw, tua long a tuangte siatna leh manthatna thupitak i tung ua tung ding ahi chih ka thei a, avante leh long tung ah kia ka chi kei a, eimah tung ah leng ka chi ahi,” achi hi. 11Himahleh sepaih zaheutu in Paul thugen sang in longpu leh long neipa thu agingta zaw hi. 12Phalbi douna ding in longkhawlna aginat louh ziak in atamzaw in huai a kipan a tuipi a paikhiak a, bangchi hiam bek a Phoenik khua tun teitei a, huai lai a phalbi dou asawmpih ua; Phoenik ahihleh Krit tuikulh a longkhawlna khat ahi a, simtum leh maltum lam doh ahi.
Tui Tung Ah Huihpi
13Sim huih awlawl a ahong nuntak in adeihlam uh mu akisa ua, sikkip akhaikhia ua, Krit tuikulh zulzul ah apai uhi. 14Himahleh sawt lou nung in huih hattak, Euroklidon kichi, gam lam a kipan in ahong nung hi. 15Long ahon mutkhata a, huihlam angat theih louhtak in ka khahta ua, hon mutleng hon mutlengta hi. 16Kauda tuikulh neuchik petmah pansan in huih hatlouhna lam ah ka tai ua, haksatak in long neu ka bitsak thei ham uhi. 17Akaihkhiak nung un panpihna khaute khawng azang ua, long nuailam ah vial kawm in akhih uhi. Puanzakna bangkim apuksak ua, huchi lou in zaw Sirtis piaunel kip lou a lenlut alau ua, huchi in huih mutdan dungzui in apai uhi. 18Tuikihot in hon sep ek ziak in, azing in tui lak ah long a vante apaikheta uhi. 19Huan ani thum ni in, amau khut in long vante apaikhe nawnta uhi. 20Huan ni tampi nisa leh aksi leng akimu kei a, huihpi hat petmah in hon nuai a, hin himhim ka lamen nawn kei uhi.
21Huan an ne lou a sawttak a-om nung un, alak uah Paul adingh a, “Pute aw, Krit tuikulh a kiphel lou dia, ka thu ngaikhia hi le uchin hiai siatna leh manthatna tuah louh ding hi zen a. 22Himahleh tu'n ah leng khamuangtak a om ding in ka hon hanthawn lai hi. Na lak uah kuamah in hinna na mangsak kei ding uh, long zaw amangthang ding. 23Amah Pathian a ka hih a, a-nna leng ka sep, amah angel tuzan in ka kiang ah ahong dingh a, ka kiang ah, 24‘Paul, lau ke'n, Kaisar ma ah na dingh ding. Ngai in, long a na kiang a zin tengteng leng Pathian in ahon pia hi,’ ahon chi hi. 25Huaiziak in Pute aw, khamuangtak in om un, Pathian ka gingta hi, hon hilh bang in a-om ding hi. 26Himahleh bang tuikulh hiam ah zaw ahon lenkhe ding,” achi hi.
Long Siatna
27Zan sawm-le-li achin zan in Adria tuipi ah huih in alanglang ah ahon mutleng leng lai hi. Zankim lai in, long mite'n koi gam hiam tung dek in akithei uhi. 28Huchi in tui thukdan ateh ua, laam sawmnih hi in athei ua, huan sawt louchik in ateh nawn ua, laam sawm-le-nga hi in athei uhi. 29Huan longmei lam ah sikkip li akhia ua, huchi lou in zaw suang se mun ah hon lenkhe zenzen kha ding chih alau ua; huan khovak kal angaklahtak in a-om uhi. 30Huan long mite'n long malam a sikkipte khiak ding bawl a kineih in tuipi ah long neu akhia ua, long taisan atum uhi. 31Hiai lai in Paul in, sepaih zaheutu leh sepaihte kiang ah, “Hiaite long a a-om gige kei uleh abit kei ding uh,” achi hi. 32Huchi in sepaihte'n long neu khaute a-attat ua, akhahta uhi.
33Khovak kuan in, Paul in an ne ding in mi tengteng asawl a, “Tuni bangmah ne lou a na om ua, an na ngawlna uh ani sawm-le-li ni ahita. 34Huaiziak in an ne ding in ka hon sawl chiat ahi; na damna ding uh; na lak uah kuamah asamzang khat leng amangthang kei ding,” achi hi. 35Huai thu agen khit in tanghou ala a, Pathian kiang ah kipahthu agen khit in, mi tengteng ma ah abalkham a, ane panta hi. 36Amau leng khamuangtak in a-om ua, an ane samta uhi. 37Long a mite ka vek un zanih sawmsagih-le-guk ka hi uhi. 38An anek kham khit un, tuipi ah buh apai ua, long ahihzang deuh uhi. 39Huan ni asuah in, koi lai gam ahia chih athei kei ua; himahleh, koi lai longkhawlna hiam piautak nei khat amu ua, huai tung ah ahihtheih uleh long taikhiaksak atum uhi. 40Huan sikkip khihnate a-attat ua, tuipi ah anusia ua; huchih lai mah in kaihheina khihnate aphel ua, huih mut ding in malam puanzak akaitou ua; piautak azuanta uhi. 41Himahleh tuikihot khauh nih kituahna mun ah ka lutkha zenzen ua, long in lei hetkha in, huan, long mailam atang bikbekta a, hihtat zoh louh in a-omta a, tuikihot ahat ziak in longmei lam akekgawpta hi. 42Huan hentate, tui liau galkai khattou a om kha ding ua, ataimang kha ding uh chih alauh man un sepaihte'n amaute hihlup mai asawm uhi. 43Himahleh sepaih zaheutu in Paul humhing a-ut a, athiltup uh akham a; tuileuh siam peuhmah tuipi a tawmkhiak a gam na kai masa ding leh, 44midang akhen singpek tung leh akhen long van tung a kitholh galkai ding in thu apia hi. Huchi in avek un gam ah bittak in agalkai vek uhi.
Currently Selected:
NASEPTE 27: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
NASEPTE 27
27
Rome Zuan A Paul Zinna
1Itali gam a long a pai ding thu ahihpuktak un, Paul leh henta dang kuate hiam Augusta pawl a sepaih zaheutu, amin Julias akemsak uhi. 2Huan Adramittium kho long, Asia gam tuipi piau a kho omte tawn ding ah ka tuang ua, tuipi ah ka paita uhi. Ka kiang uah Masidonia gam a mi Aristarkhas, Thessalonika khomi a-om hi. 3Azing in Sidon khua ka tawn uhi. Julias in Paul alimbawl ngial a, kihihhalh ding in alawmte kiang ah apawtsak hi. 4Huai a kipan in tuipi ah ka pai nawn ua, huih in ahi lou lam a hon mut ziak in Kupra tuikulh zul huih hatlouhna lam ah ka tai uhi. 5Silisia gam leh Pamphilia gamzul tuipi ka khen nung un, Lisia gam a Mira khua ka tung uhi. 6Huai ah sepaih zaheutupa'n Aleksandria kho long Itali gam tawn ding amu a; huai ah hon tuangsak hi.
7Ni tampi, awlawl in ka pai ua, Knidas kho zawn haksapi in ka tung teitei ua, huih in hon sawnkik ziak in Salmoni zuan in Krit tuikulh zul huih hatlouhna lam ah ka tai uhi. 8Haksatak in tui geigei ah ka pai ua, Longkhawlna Kilawm achih mun uh ka tungta ua; huai kiang ah Lasea khua a-om hi.
Paul In Long Siat Ding Agenkhol
9Huan ni tampi abei tak ziak in leh long a pai alauhuai ziak in, An Ngawl ni akhengta ngal a, Paul in amau athuhilh a, akiang uah, 10“Pute aw, tua long a tuangte siatna leh manthatna thupitak i tung ua tung ding ahi chih ka thei a, avante leh long tung ah kia ka chi kei a, eimah tung ah leng ka chi ahi,” achi hi. 11Himahleh sepaih zaheutu in Paul thugen sang in longpu leh long neipa thu agingta zaw hi. 12Phalbi douna ding in longkhawlna aginat louh ziak in atamzaw in huai a kipan a tuipi a paikhiak a, bangchi hiam bek a Phoenik khua tun teitei a, huai lai a phalbi dou asawmpih ua; Phoenik ahihleh Krit tuikulh a longkhawlna khat ahi a, simtum leh maltum lam doh ahi.
Tui Tung Ah Huihpi
13Sim huih awlawl a ahong nuntak in adeihlam uh mu akisa ua, sikkip akhaikhia ua, Krit tuikulh zulzul ah apai uhi. 14Himahleh sawt lou nung in huih hattak, Euroklidon kichi, gam lam a kipan in ahong nung hi. 15Long ahon mutkhata a, huihlam angat theih louhtak in ka khahta ua, hon mutleng hon mutlengta hi. 16Kauda tuikulh neuchik petmah pansan in huih hatlouhna lam ah ka tai ua, haksatak in long neu ka bitsak thei ham uhi. 17Akaihkhiak nung un panpihna khaute khawng azang ua, long nuailam ah vial kawm in akhih uhi. Puanzakna bangkim apuksak ua, huchi lou in zaw Sirtis piaunel kip lou a lenlut alau ua, huchi in huih mutdan dungzui in apai uhi. 18Tuikihot in hon sep ek ziak in, azing in tui lak ah long a vante apaikheta uhi. 19Huan ani thum ni in, amau khut in long vante apaikhe nawnta uhi. 20Huan ni tampi nisa leh aksi leng akimu kei a, huihpi hat petmah in hon nuai a, hin himhim ka lamen nawn kei uhi.
21Huan an ne lou a sawttak a-om nung un, alak uah Paul adingh a, “Pute aw, Krit tuikulh a kiphel lou dia, ka thu ngaikhia hi le uchin hiai siatna leh manthatna tuah louh ding hi zen a. 22Himahleh tu'n ah leng khamuangtak a om ding in ka hon hanthawn lai hi. Na lak uah kuamah in hinna na mangsak kei ding uh, long zaw amangthang ding. 23Amah Pathian a ka hih a, a-nna leng ka sep, amah angel tuzan in ka kiang ah ahong dingh a, ka kiang ah, 24‘Paul, lau ke'n, Kaisar ma ah na dingh ding. Ngai in, long a na kiang a zin tengteng leng Pathian in ahon pia hi,’ ahon chi hi. 25Huaiziak in Pute aw, khamuangtak in om un, Pathian ka gingta hi, hon hilh bang in a-om ding hi. 26Himahleh bang tuikulh hiam ah zaw ahon lenkhe ding,” achi hi.
Long Siatna
27Zan sawm-le-li achin zan in Adria tuipi ah huih in alanglang ah ahon mutleng leng lai hi. Zankim lai in, long mite'n koi gam hiam tung dek in akithei uhi. 28Huchi in tui thukdan ateh ua, laam sawmnih hi in athei ua, huan sawt louchik in ateh nawn ua, laam sawm-le-nga hi in athei uhi. 29Huan longmei lam ah sikkip li akhia ua, huchi lou in zaw suang se mun ah hon lenkhe zenzen kha ding chih alau ua; huan khovak kal angaklahtak in a-om uhi. 30Huan long mite'n long malam a sikkipte khiak ding bawl a kineih in tuipi ah long neu akhia ua, long taisan atum uhi. 31Hiai lai in Paul in, sepaih zaheutu leh sepaihte kiang ah, “Hiaite long a a-om gige kei uleh abit kei ding uh,” achi hi. 32Huchi in sepaihte'n long neu khaute a-attat ua, akhahta uhi.
33Khovak kuan in, Paul in an ne ding in mi tengteng asawl a, “Tuni bangmah ne lou a na om ua, an na ngawlna uh ani sawm-le-li ni ahita. 34Huaiziak in an ne ding in ka hon sawl chiat ahi; na damna ding uh; na lak uah kuamah asamzang khat leng amangthang kei ding,” achi hi. 35Huai thu agen khit in tanghou ala a, Pathian kiang ah kipahthu agen khit in, mi tengteng ma ah abalkham a, ane panta hi. 36Amau leng khamuangtak in a-om ua, an ane samta uhi. 37Long a mite ka vek un zanih sawmsagih-le-guk ka hi uhi. 38An anek kham khit un, tuipi ah buh apai ua, long ahihzang deuh uhi. 39Huan ni asuah in, koi lai gam ahia chih athei kei ua; himahleh, koi lai longkhawlna hiam piautak nei khat amu ua, huai tung ah ahihtheih uleh long taikhiaksak atum uhi. 40Huan sikkip khihnate a-attat ua, tuipi ah anusia ua; huchih lai mah in kaihheina khihnate aphel ua, huih mut ding in malam puanzak akaitou ua; piautak azuanta uhi. 41Himahleh tuikihot khauh nih kituahna mun ah ka lutkha zenzen ua, long in lei hetkha in, huan, long mailam atang bikbekta a, hihtat zoh louh in a-omta a, tuikihot ahat ziak in longmei lam akekgawpta hi. 42Huan hentate, tui liau galkai khattou a om kha ding ua, ataimang kha ding uh chih alauh man un sepaihte'n amaute hihlup mai asawm uhi. 43Himahleh sepaih zaheutu in Paul humhing a-ut a, athiltup uh akham a; tuileuh siam peuhmah tuipi a tawmkhiak a gam na kai masa ding leh, 44midang akhen singpek tung leh akhen long van tung a kitholh galkai ding in thu apia hi. Huchi in avek un gam ah bittak in agalkai vek uhi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.