NASEPTE 25
25
Festas Mai Ah Paul
1Huchi in Festas in gamukna alak nung ni thum zoh in Kaisaria a kipan Jerusalem ah ahohtou hi. 2Siampu liante leh Juda makaite'n akiang ah Paul tungtang thu aselam in ana theisak uhi. 3Jerusalem khua a pitouhsak ding in adeihsakna leng ana ngen ua; lampi a na lamtan a thah ding atum uhi. 4Himahleh Festas in, “Kaisaria a Paul kep ding leh amah leng huai lam a hoh pah ding,” achi hi. 5Huaiziak in “Huai mi'n gitlouhna nei ahihleh na lak ua thunei peuhmah in hon zuisuk in hong hek uhen,” chi in adawng hi.
6Alak ua ni sawm val ataam nung in, Kaisaria ah apaisuk a; azing in thukhenna tutphah a tu in, Paul hon pi ding in thu apia hi. 7Paul ahong tun phet in, Jerusalem khua a kipan Juda hong sukte akim ah adingh ua, suikhiak vual louh ding thubuai tampi giktak tak agen uhi. 8Paul in asiamna thu agen a, “Judate dan hi in tempul thu hitaleh, Kaisar tung ah leng bangmah hihkhelh ka nei kei,” achi hi.
9Himahleh Festas in Judate deihsakna ngah a-ut ziak in Paul kiang ah, “Jerusalem a hohtouh a, huai lai a ka ma a hiai thute lepsak na deih hia?” chi in adong hi.
10Paul in, “Kaisar thukhenna tutphah ma a, vai hawmsak a om ding in ka dingh hi. Judate tung ah thil bangmah ka hihkhial kei chih nangmah in leng na theichian mahmah hi. 11Migilou ka hih a, sihna khop hial khelhna ka hihleh, sih leng ka nial kei; himahleh hiaite hon hekna abul bangmah a-om keileh kuamah in akiang uah hon pekhe thei kei ding. Kaisar kiang ah ka tun ding,” achi hi.
12Huan Festas in avaihawmpihte ahoulimpih kimvel nung in, “Kaisar kiang a thu tut ding na ngen maw? Kaisar kiang ah na pai mahmah ding,” chi in adawng hi.
Agrippa Leh Barnisi Ma Ah Paul
13Ni bangzah hiam nung in kumpipa Agrippa leh Barnis, Kaisaria khua ahong tung ua, Festas chibai abuk uhi. 14Huai a ni tampi ataam ziak un Festas in Paul thubuai kumpipa kiang ah aluikhia a, “Felik in mitang kuahiam anusia hi 15Jerusalem a ka om lai in siampu liante leh Juda upate'n atungtang thu ahon hilh ua, siam louh tansak ahon ngen uhi. 16Ke'n amaute kiang ah, ahekpa uleh amah hekte akimaituah ua, ahekna thu ua asiamna thu genna hunlem aneih ma in, mi kuahiam thah ding a piakkhiak Rome mite dan ahi kei, chi in ka dawng hi. 17Huchi in hiai lai ka hong tun un, sawt hal lou in azing in thukhenna tutphah ah ka tu a, huai mipa hon pi ding in thu ka pia hi. 18Ahekte adin lai un, ka muanmohdan ngohna atung ah gitlouhna thubuai agen kei uhi. 19Asabiak thu ua, Jesu, mi khat sisa, Paul in ahing nawn ahi, chi a agup ziak in atung ah thubuai anei uh ana hi zaw hi. 20Ke'n huai thute ngaihtuahdan ding ka thei kei a, Jerusalem a hoh a, huai lai a huai thu lepsak a-utleh ut louh ka dong hi. 21Himahleh Paul in Kumpipa lep dia sit angen zawta hi. Huaiziak in Kaisar kiang a ka sawl theih masiah veng ding in thu ka pia hi,” achi hi.
22Huan Agrippa in Festas kiang ah, “Hiai mi thu kei mahmah in zak ka ut gige ahi,” achi hi. Ama'n, “Zingchiah athugen na ngaikhe ding,” achi hi.
23Huchi in azing in Agrippa leh Barnis thupitak in ahong ua, thugenna inn ah alut ua, sepaih heutu liante toh, khua a milian deuhte toh; huan Festas thu in Paul apilutsak uhi. 24Huan Festas in, “Kumpipa Agrippa leh hiai lai a om tengtengte aw, hiai mi na muh uh ahi, atungtang thu a Judate tengteng in, hing tak nawn lou ding chi a kikou a, Jerusalem khua leh hiai lai a ka kiang a ahek uh ahi. 25Himahleh sihna ding khop bangmah ahih kei chih ka thei hi. Huan ama'n Kumpipa kiang a tut anget ziak in sawl ka tum ahi; 26Himahleh ka toupa kiang ah atungthu ginatak in bangmah gelh ding ka thei kei hi. Huaiziak in na ma uah ka hon pikhia hi, Kumpipa Agrippa nangmah ma a hon pi tuanse ka hi a, etchet nung a banghiam bek gelh ding ka muhtheihna ding in. 27Hekna kiteltak omloupi a henta kuahiam Kumpipa kiang a sawl thil haihuai hi in ka thei hi,” achi hi.
Currently Selected:
NASEPTE 25: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
NASEPTE 25
25
Festas Mai Ah Paul
1Huchi in Festas in gamukna alak nung ni thum zoh in Kaisaria a kipan Jerusalem ah ahohtou hi. 2Siampu liante leh Juda makaite'n akiang ah Paul tungtang thu aselam in ana theisak uhi. 3Jerusalem khua a pitouhsak ding in adeihsakna leng ana ngen ua; lampi a na lamtan a thah ding atum uhi. 4Himahleh Festas in, “Kaisaria a Paul kep ding leh amah leng huai lam a hoh pah ding,” achi hi. 5Huaiziak in “Huai mi'n gitlouhna nei ahihleh na lak ua thunei peuhmah in hon zuisuk in hong hek uhen,” chi in adawng hi.
6Alak ua ni sawm val ataam nung in, Kaisaria ah apaisuk a; azing in thukhenna tutphah a tu in, Paul hon pi ding in thu apia hi. 7Paul ahong tun phet in, Jerusalem khua a kipan Juda hong sukte akim ah adingh ua, suikhiak vual louh ding thubuai tampi giktak tak agen uhi. 8Paul in asiamna thu agen a, “Judate dan hi in tempul thu hitaleh, Kaisar tung ah leng bangmah hihkhelh ka nei kei,” achi hi.
9Himahleh Festas in Judate deihsakna ngah a-ut ziak in Paul kiang ah, “Jerusalem a hohtouh a, huai lai a ka ma a hiai thute lepsak na deih hia?” chi in adong hi.
10Paul in, “Kaisar thukhenna tutphah ma a, vai hawmsak a om ding in ka dingh hi. Judate tung ah thil bangmah ka hihkhial kei chih nangmah in leng na theichian mahmah hi. 11Migilou ka hih a, sihna khop hial khelhna ka hihleh, sih leng ka nial kei; himahleh hiaite hon hekna abul bangmah a-om keileh kuamah in akiang uah hon pekhe thei kei ding. Kaisar kiang ah ka tun ding,” achi hi.
12Huan Festas in avaihawmpihte ahoulimpih kimvel nung in, “Kaisar kiang a thu tut ding na ngen maw? Kaisar kiang ah na pai mahmah ding,” chi in adawng hi.
Agrippa Leh Barnisi Ma Ah Paul
13Ni bangzah hiam nung in kumpipa Agrippa leh Barnis, Kaisaria khua ahong tung ua, Festas chibai abuk uhi. 14Huai a ni tampi ataam ziak un Festas in Paul thubuai kumpipa kiang ah aluikhia a, “Felik in mitang kuahiam anusia hi 15Jerusalem a ka om lai in siampu liante leh Juda upate'n atungtang thu ahon hilh ua, siam louh tansak ahon ngen uhi. 16Ke'n amaute kiang ah, ahekpa uleh amah hekte akimaituah ua, ahekna thu ua asiamna thu genna hunlem aneih ma in, mi kuahiam thah ding a piakkhiak Rome mite dan ahi kei, chi in ka dawng hi. 17Huchi in hiai lai ka hong tun un, sawt hal lou in azing in thukhenna tutphah ah ka tu a, huai mipa hon pi ding in thu ka pia hi. 18Ahekte adin lai un, ka muanmohdan ngohna atung ah gitlouhna thubuai agen kei uhi. 19Asabiak thu ua, Jesu, mi khat sisa, Paul in ahing nawn ahi, chi a agup ziak in atung ah thubuai anei uh ana hi zaw hi. 20Ke'n huai thute ngaihtuahdan ding ka thei kei a, Jerusalem a hoh a, huai lai a huai thu lepsak a-utleh ut louh ka dong hi. 21Himahleh Paul in Kumpipa lep dia sit angen zawta hi. Huaiziak in Kaisar kiang a ka sawl theih masiah veng ding in thu ka pia hi,” achi hi.
22Huan Agrippa in Festas kiang ah, “Hiai mi thu kei mahmah in zak ka ut gige ahi,” achi hi. Ama'n, “Zingchiah athugen na ngaikhe ding,” achi hi.
23Huchi in azing in Agrippa leh Barnis thupitak in ahong ua, thugenna inn ah alut ua, sepaih heutu liante toh, khua a milian deuhte toh; huan Festas thu in Paul apilutsak uhi. 24Huan Festas in, “Kumpipa Agrippa leh hiai lai a om tengtengte aw, hiai mi na muh uh ahi, atungtang thu a Judate tengteng in, hing tak nawn lou ding chi a kikou a, Jerusalem khua leh hiai lai a ka kiang a ahek uh ahi. 25Himahleh sihna ding khop bangmah ahih kei chih ka thei hi. Huan ama'n Kumpipa kiang a tut anget ziak in sawl ka tum ahi; 26Himahleh ka toupa kiang ah atungthu ginatak in bangmah gelh ding ka thei kei hi. Huaiziak in na ma uah ka hon pikhia hi, Kumpipa Agrippa nangmah ma a hon pi tuanse ka hi a, etchet nung a banghiam bek gelh ding ka muhtheihna ding in. 27Hekna kiteltak omloupi a henta kuahiam Kumpipa kiang a sawl thil haihuai hi in ka thei hi,” achi hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.