NASEPTE 16
16
Timothi In Paul Leh Silas Azui
1Huchi in Darbi khua leh Listra ah leng ahoh a; huai ah nungzui khat amin Timothi a-om hi. Amah gingta Juda numei tapa, apa bel Grik ahi; 2Listra leh Ikoniam khua a unau omte'n amah aphat mahmah uhi. 3Paul in akiang a hoh sam ding in adeih a; huchi in huai a Juda omte ziak in zek asumsak a, apa Grik ahi chih lah athei vek ngal ua. 4Kho teng a apai kawm un Jerusalem a sawltak leh Upa omte vaihawm zui ding in unaute kiang ah thupiak zuih ding ape zel uhi. 5Huchi in ginna ah saptuam pawlte akipta ua, niteng in akhang deuhdeuh uhi.
Masidonia Sapna
6Huan Kha Siangthou in Asia gam a thugen akham ziak in Phrigia leh Galatia gam a tawnsuakta uhi. 7Misia gam ahong tun nung un, Bithinia gam lut atum ua; himahleh Jesu Kha in aphal kei hi. 8Huchi in Misia gam tawn in Troas ah ahohsukta uhi. 9Zan in Paul in mengmu bang in Masidonia gam a mi khat dingh a, “Masidonia gam ah hong galkai inla, hong huh in,” chi a thumthum in amu hi. 10Huan huai mengmuhna aneih khit in akiang ua tanchinhoih gen ding in Pathian in hon sam ahi, chih kichiantak a thei in, Masidonia gam ah hoh ka tum pah uhi.
Philippi A Lidia Pianthakna
11Huan Troas a kipan long in ka pawt ua, tangtak in Samothrasi ah ka pai ua, azing in Neapoli ah ka pai nawn uh; 12huai a kipan in Phillippi ah ka pai ua, huai khua tuh Masidonia gam a khua khat Rome a mipemte khua ahi a, huai uk a kho poimohpen ahi. Huai khua ah ni tamsim ka tamta uhi. 13Huan Sabbath ni in kulh kongpi polam lui gei ah, thumna mun hi a ka gintakna uah ka hoh ua; huan ka tu ua, numei hong paikhawmte kiang ah thu ka gen uhi. 14Huan amin Lidia, puan sandup zuak, Thiatira khomi, Pathian bia numei khat in ka thu uh aza a; huan Paul thugen zui ding in Toupa'n alungtang ahonsak hi. 15Amah leh a-inkuanpihte'n baptisma atan khit un, “Toupa a ginom a na hon seh uleh ka inn ah hong tung un,” chi in ahon ngen a, ahon khou hi.
Philippi Suangkul Sung Ah
16Huan thumna mun a ka hoh lai un, sikha nungak kuahiam dawi aisan siam zawl in ahon kituahpih a, ama'n a-aisan ziak in apute sum tampi amuhsak zel hi. 17Huai mi in Paul leh kou ahon zui a, “Hiai mite, hotdamna lampi nou hon hilhte, tungnungpen Pathian sikha ahi uh,” chi in akikou hi. 18Huchibang in ni tampi ahih hi. Huchi in Paul alungkimta kei a, akihei a dawi kiang ah, “Jesu Khrist min in asung a kipan pawt thu ka hon pia,” achi hi. Huchi in ahong pawtkhe pah hi.
19Huan apute'n asummuhna uh amang chih atheihtak un, Paul leh Silas aman ua, heutute ma ah dawr mun ah akailut uhi. 20Huchi in vaihawmte kiang ah api ua, “Hiai mite Judate ahi uh, ka khua uh ahihbuai mahmah uhi. 21Rome mite a dia kipahpih huai lou leh zuih siangloute chindan agengen uh,” achi uhi. 22Huchi in mipite sawltakte sual ding in ahong dingkhia ua, vaihawmte'n apuan uh asahkeksak ua, chiang a sat ding in thu apia uhi. 23Huan tamveipi asat khit un suangkul ah akhum ua, avengpa kiang ah bittak a ven ding, achi bikbek uhi. 24Huchi tel a thu apiak ziak un ama'n tanna sungnung ah akhum a, akhe uh singkol abunsak hi.
25Himahleh zan lai in, Pathian kiang ah Paul leh Silas athum ua, la asa ua, hentate'n angaikhia uhi. 26Thakhat in zin nakpitak in ahong ling a, huchi in suangkul suangphumte tan in alingsak a, kongkhak tengteng akihong pah a, saltang chih kolbutte akiphel vekta hi. 27Huan asuangkul vengpa ihmu ahong halh a, suangkul kongkhakte kihong in amu a, hentate taimang uh asa a, anamsau adokkhia a, kithah atum hi. 28Himahleh aw ngaihtak in Paul akikou a, “Bangmah kichih ke'n, ka vek un hiai ah ka om lai uh,” achi hi.
29Huan suangkul vengpa'n khawnvakte azong a, asung a tawmlut in, ling kawm in Paul leh Silas ma ah abokkhup hi. 30Amaute apikhia a, “Pute aw, hotdam a ka omna ding in bang ahia ka hih ding?” achi hi.
31Huan amau, “Toupa Jesu ging inla, huchi in hotdam in na om ding, nang leh na inkuanpihte toh,” achi uhi. 32Amah leh a-inn a om teng kiang ah Toupa thu agen uhi. 33Huai zan lai mah in apikhia a, asatna golhte uh asilsiangsak a; amah leh a-inkuanpihte tengteng in baptisma atang uhi. 34A-inn ah apitou a nek ding alui a, Pathian agintak ziak un, amah leh a-inkuanpihte, akipak mahmah uhi. 35Khua ahong vak in vaihawmte'n, mimante sawl in, “Huai mite khah in,” achi uhi.
36Suangkul vengpa'n, Paul kiang ah athu uh ahilh a, “Vaihawmte'n nou khah ding in mi ahon sawl uh; huaiziak in tu'n hong pawt unla, khamuangtak in paita un,” achi hi.
37Himahleh Paul in akiang uah, “Rome khomi ka hi ngal ua, ka siamna uleh siamlouhna uh thei lou in vantang mitmuh in na hon sat ua, suangkul ah na hon khum ua; tua aguk a hon khah maw na hon sawm uh? Hilou! Amau mahmah hong uhenla, hong pikhia uhen,” achi hi.
38Huchi in mimante'n huai thute vaihawmte kiang ah ahilh uhi. Rome mi ahi uh chih azak un alauta mahmah uhi. 39Va hoh in thupha ava tawi ua, huan apikhia ua, khua pawtsan ding in angen uhi. 40Huan suangkul a kipan apawt ua, Lidia inn ah alut uhi. Unaute amuh un, akhamuan ua, apawtta uhi.
Currently Selected:
NASEPTE 16: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
NASEPTE 16
16
Timothi In Paul Leh Silas Azui
1Huchi in Darbi khua leh Listra ah leng ahoh a; huai ah nungzui khat amin Timothi a-om hi. Amah gingta Juda numei tapa, apa bel Grik ahi; 2Listra leh Ikoniam khua a unau omte'n amah aphat mahmah uhi. 3Paul in akiang a hoh sam ding in adeih a; huchi in huai a Juda omte ziak in zek asumsak a, apa Grik ahi chih lah athei vek ngal ua. 4Kho teng a apai kawm un Jerusalem a sawltak leh Upa omte vaihawm zui ding in unaute kiang ah thupiak zuih ding ape zel uhi. 5Huchi in ginna ah saptuam pawlte akipta ua, niteng in akhang deuhdeuh uhi.
Masidonia Sapna
6Huan Kha Siangthou in Asia gam a thugen akham ziak in Phrigia leh Galatia gam a tawnsuakta uhi. 7Misia gam ahong tun nung un, Bithinia gam lut atum ua; himahleh Jesu Kha in aphal kei hi. 8Huchi in Misia gam tawn in Troas ah ahohsukta uhi. 9Zan in Paul in mengmu bang in Masidonia gam a mi khat dingh a, “Masidonia gam ah hong galkai inla, hong huh in,” chi a thumthum in amu hi. 10Huan huai mengmuhna aneih khit in akiang ua tanchinhoih gen ding in Pathian in hon sam ahi, chih kichiantak a thei in, Masidonia gam ah hoh ka tum pah uhi.
Philippi A Lidia Pianthakna
11Huan Troas a kipan long in ka pawt ua, tangtak in Samothrasi ah ka pai ua, azing in Neapoli ah ka pai nawn uh; 12huai a kipan in Phillippi ah ka pai ua, huai khua tuh Masidonia gam a khua khat Rome a mipemte khua ahi a, huai uk a kho poimohpen ahi. Huai khua ah ni tamsim ka tamta uhi. 13Huan Sabbath ni in kulh kongpi polam lui gei ah, thumna mun hi a ka gintakna uah ka hoh ua; huan ka tu ua, numei hong paikhawmte kiang ah thu ka gen uhi. 14Huan amin Lidia, puan sandup zuak, Thiatira khomi, Pathian bia numei khat in ka thu uh aza a; huan Paul thugen zui ding in Toupa'n alungtang ahonsak hi. 15Amah leh a-inkuanpihte'n baptisma atan khit un, “Toupa a ginom a na hon seh uleh ka inn ah hong tung un,” chi in ahon ngen a, ahon khou hi.
Philippi Suangkul Sung Ah
16Huan thumna mun a ka hoh lai un, sikha nungak kuahiam dawi aisan siam zawl in ahon kituahpih a, ama'n a-aisan ziak in apute sum tampi amuhsak zel hi. 17Huai mi in Paul leh kou ahon zui a, “Hiai mite, hotdamna lampi nou hon hilhte, tungnungpen Pathian sikha ahi uh,” chi in akikou hi. 18Huchibang in ni tampi ahih hi. Huchi in Paul alungkimta kei a, akihei a dawi kiang ah, “Jesu Khrist min in asung a kipan pawt thu ka hon pia,” achi hi. Huchi in ahong pawtkhe pah hi.
19Huan apute'n asummuhna uh amang chih atheihtak un, Paul leh Silas aman ua, heutute ma ah dawr mun ah akailut uhi. 20Huchi in vaihawmte kiang ah api ua, “Hiai mite Judate ahi uh, ka khua uh ahihbuai mahmah uhi. 21Rome mite a dia kipahpih huai lou leh zuih siangloute chindan agengen uh,” achi uhi. 22Huchi in mipite sawltakte sual ding in ahong dingkhia ua, vaihawmte'n apuan uh asahkeksak ua, chiang a sat ding in thu apia uhi. 23Huan tamveipi asat khit un suangkul ah akhum ua, avengpa kiang ah bittak a ven ding, achi bikbek uhi. 24Huchi tel a thu apiak ziak un ama'n tanna sungnung ah akhum a, akhe uh singkol abunsak hi.
25Himahleh zan lai in, Pathian kiang ah Paul leh Silas athum ua, la asa ua, hentate'n angaikhia uhi. 26Thakhat in zin nakpitak in ahong ling a, huchi in suangkul suangphumte tan in alingsak a, kongkhak tengteng akihong pah a, saltang chih kolbutte akiphel vekta hi. 27Huan asuangkul vengpa ihmu ahong halh a, suangkul kongkhakte kihong in amu a, hentate taimang uh asa a, anamsau adokkhia a, kithah atum hi. 28Himahleh aw ngaihtak in Paul akikou a, “Bangmah kichih ke'n, ka vek un hiai ah ka om lai uh,” achi hi.
29Huan suangkul vengpa'n khawnvakte azong a, asung a tawmlut in, ling kawm in Paul leh Silas ma ah abokkhup hi. 30Amaute apikhia a, “Pute aw, hotdam a ka omna ding in bang ahia ka hih ding?” achi hi.
31Huan amau, “Toupa Jesu ging inla, huchi in hotdam in na om ding, nang leh na inkuanpihte toh,” achi uhi. 32Amah leh a-inn a om teng kiang ah Toupa thu agen uhi. 33Huai zan lai mah in apikhia a, asatna golhte uh asilsiangsak a; amah leh a-inkuanpihte tengteng in baptisma atang uhi. 34A-inn ah apitou a nek ding alui a, Pathian agintak ziak un, amah leh a-inkuanpihte, akipak mahmah uhi. 35Khua ahong vak in vaihawmte'n, mimante sawl in, “Huai mite khah in,” achi uhi.
36Suangkul vengpa'n, Paul kiang ah athu uh ahilh a, “Vaihawmte'n nou khah ding in mi ahon sawl uh; huaiziak in tu'n hong pawt unla, khamuangtak in paita un,” achi hi.
37Himahleh Paul in akiang uah, “Rome khomi ka hi ngal ua, ka siamna uleh siamlouhna uh thei lou in vantang mitmuh in na hon sat ua, suangkul ah na hon khum ua; tua aguk a hon khah maw na hon sawm uh? Hilou! Amau mahmah hong uhenla, hong pikhia uhen,” achi hi.
38Huchi in mimante'n huai thute vaihawmte kiang ah ahilh uhi. Rome mi ahi uh chih azak un alauta mahmah uhi. 39Va hoh in thupha ava tawi ua, huan apikhia ua, khua pawtsan ding in angen uhi. 40Huan suangkul a kipan apawt ua, Lidia inn ah alut uhi. Unaute amuh un, akhamuan ua, apawtta uhi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.