NASEPTE 17
17
Thessalonika Khua Ah Paul
1Amphipolis khua leh Appolonia khua tawn in, Thessalonika khua atungta ua, huai ah Judate sinagog a-om hi. 2Paul, adan ngeina bang in, akiang uah alut a, Sabbath ni thumvei Laisiangthou a kipan in teltak in asutpih hi. 3Khrist in gimthuak ding him ahihdan leh misi lak a kipan a thounawn ding ahihdan hilhchian in, ahihlang zel hi. “Hiai Jesu, athu ka hon hilh, amah Khrist ahi,” chi in agen behlap hi. 4Huchi in alak ua khenkhat in agingta ua, Pathian limsak Grik mipi tampitak leh numei makai tampi toh Paul leh Silas akithuahpihta uhi.
5Himahleh gingta lou Judate'n ahaza ua; dawr mun a migilou thadah kuate hiam akiang uah atonpih ua, mipi samkhawm in kho pumpi atokbuai ua, Jason inn aluh ua, vantang kiang a pikhiak atum uhi. 6Amau amuh louhtak un Jason leh unau dang kuate hiam kho heutute kiang ah akailut ua, akikou ua, “Khovel tokbuai a lumlette hiai ah ahong uh, 7Jason in ana zintun a; hiai mite'n Kaisar vaihawmna kalh in kumpipa dang khat, amin Jesu a-om,” achi uhi. 8Huan mipi leh kho heutute'n huai thu azak un abuaita uhi. 9Jason leh midangte tatkhiakna ding banghiam ala ua, amau tuh akhahta uhi.
Beriah Khua Ah Paul
10Huan unaute'n azanzan in Beriah ah Paul leh Silas apaisak pah ua; huai lai ava tun un Judate sinagog ah alut uhi. 11Huai mite Thessalonika khote sang in ana hoihzaw ua, huchi in lungsim kipaktak in thu apom ua, athugen uh adik leh diklouh theihna ding in niteng in Laisiangthou azong zel uhi. 12Huchi in huaite mi tampi in agingtata ua; Grik numei zahtakhuai leh pasalte leng tampi mahmah in agingtata uhi. 13Himahleh Thessalonika a Judate'n, Paul in Beriah ah Pathian thu agen chih azaktak un, huai ah leng ava hoh ua, mipite hanthawn in, ahihbuai nawn uhi. 14Huchi in unaute'n tuipi tan a pai ding in Paul asawlkhia ua, Silas leh Timothi bel huai ah a-om tadih uhi. 15Paul pitute'n Athen khua tan in api ua; Silas leh Timothi kintak a akiang a hong pai ding thupiak toh apaikikta uhi.
Athen Khua Ah Paul
16Huan Paul in Athen a amau ana ngak lai in, huai khua milimte a dim in amu a, alungtang in na asa mahmah hi. 17Huchi in sinagog ah Judate leh Pathian limsakte ahoulimpih zel a, dawr mun ah leng huai a na om peuhmahte toh niteng in akihoulim zel uhi. 18Huan Epikuria mi leh Stoik mi lak a mipil kuate hiam in leng amah ahong kiselpih uhi. “Hiai mi kamtam in bang ahia gen atup?” achi ua, akhen in, “Jesu thu leh thohnawnna thu agen ziak in gamdang pathiante thugenpa ahih tuak e,” achi uhi. 19Amah alen ua, Areopagus ah api ua, akiang ah, “Hiai sinsakna thak na gengen na hon theisak thei diam? 20Thillamdang banghiam ka bil uah na hon tun ahi; huchi in hiai thil omdan theih ka ut uh,” achi uhi. 21Athen khomi tengteng, huai amikhualte toh, aman peuh ualeh thu thak photphot gen hiam, angaikhe ding in ahunte uh azang zel uhi.
Areopagus A Paul Thugen
22Huchi in Areopagus laitak ah Paul adingh a, “Nou Athen a mite aw, bangkim ah sabiak limsakmi na hi uh chih ka thei hi. 23Ka vak kawm a, na biaknate uh ka et lai in, maitam khat, atung a, ‘Theih louh pathian' a ding,’ chi a kigelh ka mu ahi. Huchi in thei lou a na biak uh, huai thu ka hon hilh ahi zaw hi,” achi hi. 24Pathian, khovel leh asung a thil tengteng siampa, lei leh van Toupa ahih ziak in khut a lam inn peuh ah a-om kei hi. 25Thil tasam bang in mihing khut a nna sepsak in leng a-om kei, amah mah bangkim kiang a hinna, hatna leh thil tengteng pepa ahi zaw hi. 26Huan leitung maikaih teng a om ding in bul mun khat vek in nam chih asiam a, amau a ding in hunbi asehsak a, tenna ding gamgi akhunsak hi. 27Ama'n hon gamlat kei mahleh mi tengteng in Pathian azon ua, amai amai ua, amuh teiteina ding ua alemgel ahi. 28Noumau laphuahsiam kuate hiam in leng, “Eite leng asuante i hi uh, chi a agen bang un. Amah vang in i hing in i tang in, i om uhi.” 29Huchi in “Pathian suante i hih nung, Pathian zaw dangka-eng hiam, dangka hiam, suang hiam, mihing khutsiam leh suktuah sekte bang ahi chih i gingta ding uh ahi kei. 30Huchi in Pathian in i theih louh hun lai khawng akitheihmohbawl a; himahleh, tu'n ah zaw gam chih a mi tengteng kisik ding thu apeta, 31Pathian in amiseh zang a dikna a khovel vai ahawm ni ding achiam ziak in; amiseh tungthu amah misi lak a kipan a kaithou in, mi tengteng kiang ah atheisakta hi,” achi hi. 32Huan misi thohnawnna thu azaktak un, akhen in anuihsan ua; akhen in, “Hiai thu na kiang ah ka ngaikhe nawn ding uh,” achi uhi. 33Huchi in Paul tuh alak ua kipan apawtta hi. 34Himahleh mi kuate hiam amah lam ah apang tinten ua, agingtata ua, huaite lak a khenkhat Areopagus mi Dionisias leh numei khat amin Damaris leh akiang ua midangte toh ahi uhi.
Currently Selected:
NASEPTE 17: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
NASEPTE 17
17
Thessalonika Khua Ah Paul
1Amphipolis khua leh Appolonia khua tawn in, Thessalonika khua atungta ua, huai ah Judate sinagog a-om hi. 2Paul, adan ngeina bang in, akiang uah alut a, Sabbath ni thumvei Laisiangthou a kipan in teltak in asutpih hi. 3Khrist in gimthuak ding him ahihdan leh misi lak a kipan a thounawn ding ahihdan hilhchian in, ahihlang zel hi. “Hiai Jesu, athu ka hon hilh, amah Khrist ahi,” chi in agen behlap hi. 4Huchi in alak ua khenkhat in agingta ua, Pathian limsak Grik mipi tampitak leh numei makai tampi toh Paul leh Silas akithuahpihta uhi.
5Himahleh gingta lou Judate'n ahaza ua; dawr mun a migilou thadah kuate hiam akiang uah atonpih ua, mipi samkhawm in kho pumpi atokbuai ua, Jason inn aluh ua, vantang kiang a pikhiak atum uhi. 6Amau amuh louhtak un Jason leh unau dang kuate hiam kho heutute kiang ah akailut ua, akikou ua, “Khovel tokbuai a lumlette hiai ah ahong uh, 7Jason in ana zintun a; hiai mite'n Kaisar vaihawmna kalh in kumpipa dang khat, amin Jesu a-om,” achi uhi. 8Huan mipi leh kho heutute'n huai thu azak un abuaita uhi. 9Jason leh midangte tatkhiakna ding banghiam ala ua, amau tuh akhahta uhi.
Beriah Khua Ah Paul
10Huan unaute'n azanzan in Beriah ah Paul leh Silas apaisak pah ua; huai lai ava tun un Judate sinagog ah alut uhi. 11Huai mite Thessalonika khote sang in ana hoihzaw ua, huchi in lungsim kipaktak in thu apom ua, athugen uh adik leh diklouh theihna ding in niteng in Laisiangthou azong zel uhi. 12Huchi in huaite mi tampi in agingtata ua; Grik numei zahtakhuai leh pasalte leng tampi mahmah in agingtata uhi. 13Himahleh Thessalonika a Judate'n, Paul in Beriah ah Pathian thu agen chih azaktak un, huai ah leng ava hoh ua, mipite hanthawn in, ahihbuai nawn uhi. 14Huchi in unaute'n tuipi tan a pai ding in Paul asawlkhia ua, Silas leh Timothi bel huai ah a-om tadih uhi. 15Paul pitute'n Athen khua tan in api ua; Silas leh Timothi kintak a akiang a hong pai ding thupiak toh apaikikta uhi.
Athen Khua Ah Paul
16Huan Paul in Athen a amau ana ngak lai in, huai khua milimte a dim in amu a, alungtang in na asa mahmah hi. 17Huchi in sinagog ah Judate leh Pathian limsakte ahoulimpih zel a, dawr mun ah leng huai a na om peuhmahte toh niteng in akihoulim zel uhi. 18Huan Epikuria mi leh Stoik mi lak a mipil kuate hiam in leng amah ahong kiselpih uhi. “Hiai mi kamtam in bang ahia gen atup?” achi ua, akhen in, “Jesu thu leh thohnawnna thu agen ziak in gamdang pathiante thugenpa ahih tuak e,” achi uhi. 19Amah alen ua, Areopagus ah api ua, akiang ah, “Hiai sinsakna thak na gengen na hon theisak thei diam? 20Thillamdang banghiam ka bil uah na hon tun ahi; huchi in hiai thil omdan theih ka ut uh,” achi uhi. 21Athen khomi tengteng, huai amikhualte toh, aman peuh ualeh thu thak photphot gen hiam, angaikhe ding in ahunte uh azang zel uhi.
Areopagus A Paul Thugen
22Huchi in Areopagus laitak ah Paul adingh a, “Nou Athen a mite aw, bangkim ah sabiak limsakmi na hi uh chih ka thei hi. 23Ka vak kawm a, na biaknate uh ka et lai in, maitam khat, atung a, ‘Theih louh pathian' a ding,’ chi a kigelh ka mu ahi. Huchi in thei lou a na biak uh, huai thu ka hon hilh ahi zaw hi,” achi hi. 24Pathian, khovel leh asung a thil tengteng siampa, lei leh van Toupa ahih ziak in khut a lam inn peuh ah a-om kei hi. 25Thil tasam bang in mihing khut a nna sepsak in leng a-om kei, amah mah bangkim kiang a hinna, hatna leh thil tengteng pepa ahi zaw hi. 26Huan leitung maikaih teng a om ding in bul mun khat vek in nam chih asiam a, amau a ding in hunbi asehsak a, tenna ding gamgi akhunsak hi. 27Ama'n hon gamlat kei mahleh mi tengteng in Pathian azon ua, amai amai ua, amuh teiteina ding ua alemgel ahi. 28Noumau laphuahsiam kuate hiam in leng, “Eite leng asuante i hi uh, chi a agen bang un. Amah vang in i hing in i tang in, i om uhi.” 29Huchi in “Pathian suante i hih nung, Pathian zaw dangka-eng hiam, dangka hiam, suang hiam, mihing khutsiam leh suktuah sekte bang ahi chih i gingta ding uh ahi kei. 30Huchi in Pathian in i theih louh hun lai khawng akitheihmohbawl a; himahleh, tu'n ah zaw gam chih a mi tengteng kisik ding thu apeta, 31Pathian in amiseh zang a dikna a khovel vai ahawm ni ding achiam ziak in; amiseh tungthu amah misi lak a kipan a kaithou in, mi tengteng kiang ah atheisakta hi,” achi hi. 32Huan misi thohnawnna thu azaktak un, akhen in anuihsan ua; akhen in, “Hiai thu na kiang ah ka ngaikhe nawn ding uh,” achi uhi. 33Huchi in Paul tuh alak ua kipan apawtta hi. 34Himahleh mi kuate hiam amah lam ah apang tinten ua, agingtata ua, huaite lak a khenkhat Areopagus mi Dionisias leh numei khat amin Damaris leh akiang ua midangte toh ahi uhi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.