NASEPTE 15
15
Zentel Gingtute Leh Mosi Dan
1Mi kuate hiam Judia gam a kipan in ahong suk ua unaute kiang ah, “Mosi Dan bang a zek na sum kei uleh hotdam na hi thei kei ding uh,” chi in ahong gen uhi. 2Huchi in Paul leh Barnabas in amaute kalh in nakpitak a kisel a akilan ziak un, huai thubuai tungtang a Jerusalem a sawltakliante leh upate va mu ding in Paul leh Barnabas, leh alak ua kuate hiam asep uhi.
3Huchi in saptuamte'n ava kha ua, amau Zentelte hong kikhekdan thu gen zel in, Phoinisia gam leh Samaria gam atawnsuakta uh; huchi in unaute tengteng akipaksak mahmah uhi. 4Jerusalem atuntouh un saptuam pawlte, sawltakte, upate'n ana kipahpih ua; Pathian in amau zang a athilhihte apuangkhe zelzel uhi. 5Himahleh Pharisai pawl a mi gingta kuate hiam akisa ua, “Zentelte zeksum ding leh Mosi Dan azuih chiat ding uh ahi,” achi uhi.
Jerusalem A Saptuam Khawmpi
6Huan sawltakliante leh upate, huai thu ngaihtuah ding in akikhawm uhi. 7Nakpi a akisel nung un Peter adingtou a, akiang uah, “Mite leh unaute aw, Zentelte'n keimah kam a tanchinhoih thu za a gingta ding a, Pathian in nidanglai a na lak ua kipan ahon sehdan na thei uhi. 8Lungsim theipa Pathian in eite hon piak bang mah in Kha Siangthou akiang ua pe sam in atung uah akipak chih atheisak hi. 9Huan eite leh amau khentuam nei lou in ginna in alungsim uh ahihsiangthou hi. 10Huchi in i pipute leh eite'n i zuih zoh louhsa hakkol, tu'n ah nungzuite tung a ngak tum a bangziak a Pathian kalh na hi ua? 11Amau gintak bang mah in eite'n leng Toupa Jesu hehpihna ziak a hotdam ding hi in i kigingta ngal ua,” achi hi.
12Barnabas leh Paul in, amaute zang a Pathian in Zentelte lak a chiamtehna leh thillamdang ahih thu agen lai un mipite'n ngaikhia in adai sipsip uhi. 13Huchi a mipite adaih sipsip zoh un Jakob in adawng a, “Unaute aw, ka thu ngaikhia un, chi in agen sam hi. 14Simeon in, Pathian in amah min pu ding leh alak ua kipan mite lakhe ding in Zentelte aveh tungthu agenta hi. 15Huai thu leh zawlneite thu, gelh a omsa toh akituak hi. 16Huai khit chiang in ka kik nawn ding a, David biakbuk chimsia ka bawl nawn ding a, asiatna lai ka puah ding a, ka tungding nawn ding. 17Midang akhosuaksunte leh ka min pu Zentelte ka min kikoppihte'n, Toupa azonna ding un huai thilte tengteng ahihta hi,” chi in. 18“Khovel siamchil a kipan hiai thu theisakpa Toupa'n achi,” chih gelh ahi.
19“Huaiziak in Zentelte lak a Pathian lam ngate hihgim kei ni chih ka thusawm ahi. 20Milim biakna in abuahsak thilsiang lou, kingaihna nin, sa heklup leh sisan nek atawpsanna ding un akiang uah laigelh zaw lehang, ka chi pen hi. 21Mosi Dan lah nidanglai a kipan kho teng ah athu tangkoupih ahih ban ah sinagog peuh ah Sabbath niteng in athu sim ahi,” achi hi.
Jerusalem Khawmpi Thutanna
22Huan sawltakte, upate, saptuam tengteng toh, apawl ua mitel, Paul leh Barnabas kiang ah Antiok a hohsak hoih asa ua; atelte uh min Judas, Barnabas achih uh leh Silas ahi ua, huai mite unaute lak a heutu deuhte ahi uhi. 23Hichibang in agelh ua, akhut uah akhak uh:
“Sawltakte leh unaute lak a upate'n Antiok khua, Siria gam leh Silisia gam a Zentel unaute chibai abuk uhi. 24Ka pawl lak ua mi kuate hiam in noute kiang a thu gen in, zeksum ding leh Mosi Dan zui ding in ahon hihbuai ua, na lungsim uh ahon mangbangsak uh chih ka za ua, amaute hiai thu gen ding in ka sawl kei uhi. 25Huaiziak in thukhat sat a ka kikhop un, ka deihtak uh Barnabas leh Paul, 26Toupa Jesu Khrist min ziak a sih khawk saloute toh, mitelte na kiang ua hon sawl hoih ka sa uhi. 27Huchi in Judas leh Silas ka hon sawl uhi, amau leng hiai thu mah kam in ahon hilh ding uhi. 28Hiai thu poimohte ka gelhte uh chih louh ngal Kha Siangthou leh koute'n puakgik tuan na tung uah bangmah nga kei le ung hoih ka sa uhi. 29Milim biakna sa nek, sa sisan nek leh kingaih tawpsan le uchin ka chi uhi; hiaite na tawp uleh nou a ding in ahoih ding hi. Damtak in om un,” chi in.
Zentel Gingtute Kiang A Laikhak
30Huchi in asawl un akuan ua, Antiok khua atungsuk ua; mipi asamkhawm ua, lai apia uhi. 31Huan asim khit un lungmuanna thu ziak in akipak mahmahta uhi. 32Judas leh Silas in, zawlnei leng ahi ua, thu tampi in unaute akhamuan ua, ahihkip uhi. 33Huan huai a sawt khop a-om nung un amau sawltakte kiang apai nawn ding in, unaute'n khamuangtak in apawtsak nawnta uhi. 34Bang teng hileh Silas in bel akiang ua om takdih hoih asa hi. 35Paul leh Barnabas bel midang tampite toh Antiok ah Toupa thuhilh leh gen in a-om nilouh uhi.
Paul Leh Barnabas Kikhenna
36Huan ni bangzah hiam nung in Paul in Barnabas kiang ah, “Kho teng a Toupa thu i genna peuh a unau omte va veh nawn in, a-omdan uh va en lehang,” achi hi. 37Barnabas in Johan, Marka achih uh, akiang ua tonpih atum hi. 38Himahleh Paul in bel, ama'n Pamphilia gam a amaute kiksan a, nasepna a akiang ua ahoh louh ziak in tonpih hoih asa kei hi. 39Huchi in nakpi in akiselta ua, huan akikhen ua Barnabas in Marka atonpih a, Kupra tuikulh lam ah long in apaita hi. 40Paul in Silas atel a, unaute'n Toupa hehpihna akepsak nung un apaikheta uhi. 41Huan saptuam pawlte hihkip zel in Siria leh Silisia gam atawnsuak uhi.
Currently Selected:
NASEPTE 15: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
NASEPTE 15
15
Zentel Gingtute Leh Mosi Dan
1Mi kuate hiam Judia gam a kipan in ahong suk ua unaute kiang ah, “Mosi Dan bang a zek na sum kei uleh hotdam na hi thei kei ding uh,” chi in ahong gen uhi. 2Huchi in Paul leh Barnabas in amaute kalh in nakpitak a kisel a akilan ziak un, huai thubuai tungtang a Jerusalem a sawltakliante leh upate va mu ding in Paul leh Barnabas, leh alak ua kuate hiam asep uhi.
3Huchi in saptuamte'n ava kha ua, amau Zentelte hong kikhekdan thu gen zel in, Phoinisia gam leh Samaria gam atawnsuakta uh; huchi in unaute tengteng akipaksak mahmah uhi. 4Jerusalem atuntouh un saptuam pawlte, sawltakte, upate'n ana kipahpih ua; Pathian in amau zang a athilhihte apuangkhe zelzel uhi. 5Himahleh Pharisai pawl a mi gingta kuate hiam akisa ua, “Zentelte zeksum ding leh Mosi Dan azuih chiat ding uh ahi,” achi uhi.
Jerusalem A Saptuam Khawmpi
6Huan sawltakliante leh upate, huai thu ngaihtuah ding in akikhawm uhi. 7Nakpi a akisel nung un Peter adingtou a, akiang uah, “Mite leh unaute aw, Zentelte'n keimah kam a tanchinhoih thu za a gingta ding a, Pathian in nidanglai a na lak ua kipan ahon sehdan na thei uhi. 8Lungsim theipa Pathian in eite hon piak bang mah in Kha Siangthou akiang ua pe sam in atung uah akipak chih atheisak hi. 9Huan eite leh amau khentuam nei lou in ginna in alungsim uh ahihsiangthou hi. 10Huchi in i pipute leh eite'n i zuih zoh louhsa hakkol, tu'n ah nungzuite tung a ngak tum a bangziak a Pathian kalh na hi ua? 11Amau gintak bang mah in eite'n leng Toupa Jesu hehpihna ziak a hotdam ding hi in i kigingta ngal ua,” achi hi.
12Barnabas leh Paul in, amaute zang a Pathian in Zentelte lak a chiamtehna leh thillamdang ahih thu agen lai un mipite'n ngaikhia in adai sipsip uhi. 13Huchi a mipite adaih sipsip zoh un Jakob in adawng a, “Unaute aw, ka thu ngaikhia un, chi in agen sam hi. 14Simeon in, Pathian in amah min pu ding leh alak ua kipan mite lakhe ding in Zentelte aveh tungthu agenta hi. 15Huai thu leh zawlneite thu, gelh a omsa toh akituak hi. 16Huai khit chiang in ka kik nawn ding a, David biakbuk chimsia ka bawl nawn ding a, asiatna lai ka puah ding a, ka tungding nawn ding. 17Midang akhosuaksunte leh ka min pu Zentelte ka min kikoppihte'n, Toupa azonna ding un huai thilte tengteng ahihta hi,” chi in. 18“Khovel siamchil a kipan hiai thu theisakpa Toupa'n achi,” chih gelh ahi.
19“Huaiziak in Zentelte lak a Pathian lam ngate hihgim kei ni chih ka thusawm ahi. 20Milim biakna in abuahsak thilsiang lou, kingaihna nin, sa heklup leh sisan nek atawpsanna ding un akiang uah laigelh zaw lehang, ka chi pen hi. 21Mosi Dan lah nidanglai a kipan kho teng ah athu tangkoupih ahih ban ah sinagog peuh ah Sabbath niteng in athu sim ahi,” achi hi.
Jerusalem Khawmpi Thutanna
22Huan sawltakte, upate, saptuam tengteng toh, apawl ua mitel, Paul leh Barnabas kiang ah Antiok a hohsak hoih asa ua; atelte uh min Judas, Barnabas achih uh leh Silas ahi ua, huai mite unaute lak a heutu deuhte ahi uhi. 23Hichibang in agelh ua, akhut uah akhak uh:
“Sawltakte leh unaute lak a upate'n Antiok khua, Siria gam leh Silisia gam a Zentel unaute chibai abuk uhi. 24Ka pawl lak ua mi kuate hiam in noute kiang a thu gen in, zeksum ding leh Mosi Dan zui ding in ahon hihbuai ua, na lungsim uh ahon mangbangsak uh chih ka za ua, amaute hiai thu gen ding in ka sawl kei uhi. 25Huaiziak in thukhat sat a ka kikhop un, ka deihtak uh Barnabas leh Paul, 26Toupa Jesu Khrist min ziak a sih khawk saloute toh, mitelte na kiang ua hon sawl hoih ka sa uhi. 27Huchi in Judas leh Silas ka hon sawl uhi, amau leng hiai thu mah kam in ahon hilh ding uhi. 28Hiai thu poimohte ka gelhte uh chih louh ngal Kha Siangthou leh koute'n puakgik tuan na tung uah bangmah nga kei le ung hoih ka sa uhi. 29Milim biakna sa nek, sa sisan nek leh kingaih tawpsan le uchin ka chi uhi; hiaite na tawp uleh nou a ding in ahoih ding hi. Damtak in om un,” chi in.
Zentel Gingtute Kiang A Laikhak
30Huchi in asawl un akuan ua, Antiok khua atungsuk ua; mipi asamkhawm ua, lai apia uhi. 31Huan asim khit un lungmuanna thu ziak in akipak mahmahta uhi. 32Judas leh Silas in, zawlnei leng ahi ua, thu tampi in unaute akhamuan ua, ahihkip uhi. 33Huan huai a sawt khop a-om nung un amau sawltakte kiang apai nawn ding in, unaute'n khamuangtak in apawtsak nawnta uhi. 34Bang teng hileh Silas in bel akiang ua om takdih hoih asa hi. 35Paul leh Barnabas bel midang tampite toh Antiok ah Toupa thuhilh leh gen in a-om nilouh uhi.
Paul Leh Barnabas Kikhenna
36Huan ni bangzah hiam nung in Paul in Barnabas kiang ah, “Kho teng a Toupa thu i genna peuh a unau omte va veh nawn in, a-omdan uh va en lehang,” achi hi. 37Barnabas in Johan, Marka achih uh, akiang ua tonpih atum hi. 38Himahleh Paul in bel, ama'n Pamphilia gam a amaute kiksan a, nasepna a akiang ua ahoh louh ziak in tonpih hoih asa kei hi. 39Huchi in nakpi in akiselta ua, huan akikhen ua Barnabas in Marka atonpih a, Kupra tuikulh lam ah long in apaita hi. 40Paul in Silas atel a, unaute'n Toupa hehpihna akepsak nung un apaikheta uhi. 41Huan saptuam pawlte hihkip zel in Siria leh Silisia gam atawnsuak uhi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.