2 THESSALONIKATE 1
1
Chibai Bukna
1Paul, Silvanas leh Timothi in, Pathian i Pa leh Toupa Jesu Khrist a Thessalonika a om saptuamte kiang ah; 2Pa Pathian leh Toupa Jesu Khrist kiang a kipan hehpihna leh khamuanna na kiang uah om hen.
Kipahthu Genna
3Unaute aw, na ginna uh nakpitak a khanglian in, na vek ua na ki-ittuah chiatna uh akhan semsem ziak in noumau tungthu ah Pathian kiang a kipahthu gengen ding him ka hi uh; huai ka hihtuak him uh ahi. 4Huaiziak in mi'n ahon sawina tengteng uleh gim na thuaknate ua na kuhkaldan uleh na ginna ziak un Pathian saptuam pawlte lak ah koute mahmah in ka hon suang uhi.
Pathian In Thuk Nawn Ding
5Huai lah Pathian' vaihawmna adiktat chih chiamtehna ahi a, tu a Pathian kumpigam mi a seh tak na hi uh chih kilatna semsem ahi; huaiziak a leng thuak na hi ngal ua. 6Pathian in nou hon hihgimte gimthuakna a thuk diktathuai in asepta hi. 7Toupa Jesu van a kipan a-angel hatte toh meikuang a hong kilak chiang a, nou hihgim a omte koute toh khawlna ahon pe ding hi. 8Pathian theiloumi leh i Toupa Jesu tanchinhoih taksangloute tung ah phu ala ding hi. 9Amau tangtawn manthatna a gawtna leh Toupa omna leh athilhihtheihna thupina a kipan posiahna athuak ding ua, 10amah ahong pai chiang in misiangthoute hih thupi in a-om ding ua, gingtute tengteng lak ah lamdangsak in a-om ding uhi, ka hon thu theihsak uh na gintak ziak un nou leng amaute lak ah na tel sam ding uhi.
11Huchi a hih thupi leh lamdangsak ahihtheihna ding a i Pathian in nou ahon sapna a sap tuak him ahon saktheihna ding in leh lungtaina chiteng leh ginna nasep chiteng a thilhihtheihna a ahon lohchinsak theihna ding in noute a ding in ka hon thumsak gige uhi; 12huchi a i Pathian leh Toupa Jesu Khrist hehpihna bang zel a i Toupa Jesu min noumau a hih thupi a om a, noumau leng amah a hih thupi a na omtheihna ding un.
Currently Selected:
2 THESSALONIKATE 1: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.