SALM 38
38
Ka jingduwai u briew uba shahshitom#38:0 Ka kyrteng Hebru jong kane ka Salm ka long Ka Salm u Dabid, ka jingrwai sngewsynei.
1A Trai, wat pynshitom ïa
nga ha ka jingbitar jong me!
2Me la pynmynsaw ïa nga da ki khnam jong me;
me la pynkyllon ïa nga.
3Namar ka jingbitar jong me,
nga don ha ka jingpang bajur;
ka met jong nga baroh kawei ka pang namar ki pop jong nga.
4Nga la jyllop ha ka jingshlei ki pop jong nga;
ki long ka jingkit kaba khia eh ban bah.
5Namar ka jingbieit jong nga
ki jingmong jong nga ki iwkhong bad ki pyut,
6nga la kdor ryngkdung, nga la shah pynlwet;
nga shu ïam sngewsih sah baroh shi sngi.
7Nga la khluit da ka jingpang shit,
bad nga la jan ïap.
8Nga la tlot hi ïan, bad nga la lwet jin;
ka dohnud ka jynjar bad nga ud ha ka jingpang.
9A Trai, me tip ïa kaei kaba nga thrang eh,
me ïohsngew ïa ki jingud jong nga baroh.
10U klongsnam jong nga u tied, ka jingkhlaiñ jong nga ka la duh,
bad ki khmat jong nga ruh kim shai shuh.
11Ki paralok bad ki paramarjan jong nga kin ym wan hajan jong nga,
namar ki jingmong jong nga;
wat ki ba-ha-ïing ha-sem jong nga ki ïeng jngai na nga.
12Kito kiba kwah ban pynïap ïa nga ki pynap jingriam ïa nga;
bad kito kiba kwah ban pynmynsaw ïa nga ki byrngem ban pynjot ïa nga;
kim ju sangeh ban ïasylla pyrshah ïa nga.
13Nga long kum u briew uba kyllut bad ngam ïohsngew,
kum u briew u bymnang kren bad ngam lah kren.
14Nga long kum u briew u bym lah ban jubab,
namar um lah ban ïohsngew.
15Hynrei nga shaniah ha me, A Trai;
bad me, A Trai U Blei jong nga, u ban jubab ïa nga.
16Wat shah ba ki nongshun jong nga
kin risa halor ki jingsngewsih jong nga;
wat ai ba kin kob sarong ha ka jinghap jong nga!
17Nga la jan kyllon,
bad nga ïai pang sah.
18Nga phla ïa la ki pop,
ki pyndap ïa nga da ka jingkhuslai.
19Ki nongshun jong nga ki long kiba shait bakhlaiñ,
don bun kiba isih ïa nga khlem daw.
20Kito kiba siew kylliang da kaba sniew ïa kaba bha
ki pyrshah ïa nga namar nga pyrshang ban leh ïa kaba dei.
21Wat iehnoh ïa nga, A Trai!
wat long jngai na nga, A U Blei jong nga!
22To ïarap ïa nga mynta,
A Trai, u nongpynim jong nga!
Currently Selected:
SALM 38: KHACLBSI
Highlight
Copy
Compare
Share
Want to have your highlights saved across all your devices? Sign up or sign in
Khasi CL Bible
Copyright © Bible Society of India, 2016.
Used by permission. All rights reserved worldwide.
