SALM 35
35
Ka jingduwai ban ïoh jingïarap#35:0 Ka kyrteng Hebru jong kane ka Salm ka long Da u Dabid.
1To ïeng pyrshah ïa kito kiba pyrshah ïa nga,
A Trai,
bad to ïeng ïaleh ïa kito kiba ïaleh pyrshah ïa nga!
2To shim ïa la ka stieh bad ka 'tiehbah jong me,
bad to wan ban pyllait im ïa nga.
3To rah ïa la u sum bad u sdie jong me
pyrshah ïa kito kiba beh kthong ïa nga.
To kular ba men pyllait im ïa nga.
4Ai ba kito kiba pyrshang ban pynïap ïa nga
kin shahjop bad jahburom!
Ai ba kito kiba ïasylla pyrshah ïa nga
kin phai kylla bad kin dum buit!
5Ai ba kin long kum u phlangïap ba rong ka lyer,
katba u angel U Trai u nang beh kthong ïa ki!
6Ai ba ka lynti jong ki kan long kaba dum bad kaba btuit,
katba u angel U Trai u nang shoh ïa ki!
7Naba khlem daw ki pynap ka jingriam ïa nga,
bad ki tih ka 'liewlep ba ngan liat ha ka.
8Hynrei ka jingpynjot kan lap ïa ki shuwa ba kin tip ïa ka!
Bad kin sa ngat ha la ka jong hi ka jingriam;
bad hap ha la ka jong ka jingpynjot!
9Te ngan sa lehkmen namar U Trai;
ngan sa suk namar u pyllait im ïa nga.
10Da ka dohnud jong nga baroh ngan ong ha U Trai,
“Ym don uno uno kum ma me,
me ïada ïa uba tlot na uba khlaiñ,
ïa uba duk na u nongbanbeiñ.”
11Ki riewbymman ki sakhi pyrshah ïa nga;
ki mudui ïa nga shaphang ki kam runar kiba ngam tip ei ei.
12Ki siew kylliang ïa nga da kaba sniew ïa kaba bha;
bad nga ngam ha ka khuslai sat.
13Hynrei haba ki pang, nga kup da ki jaiñ khain,
nga shahjingit khlem bam ïa lade;
nga duwai da kaba pyndem ïa la ka khlieh shapoh,
14kum ba nga duwai ïa la u paralok ne ïa la u para.
Nga ïai dem ngon ha ka jingïam pangnud,
kum uwei uba ïambriew ïa la ka kmie.
15Hynrei haba nga don ha ka jingjynjar,
ki baroh ki lehkmen,
bad ki ïalumlang sawdong ban rkhiebeiñ ïa nga;
ki nongwei ki ïashoh ïa nga
bad ki ïai tied ïa nga.
16Kum ki briew ki ban shohbeiñ ïa uba dkoh,
ki peitsuh ïa nga da ka jingisih.
17Sa katno slem, A Trai men shu peit kai?
To pyllait ïa nga na ki jingtur ïaleh jong ki;
to pyllait im ïa nga na kine ki sing.
18Te ngan ainguh ïa me ha ka jingïaseng bah jong ki briew jong me;
ngan ïaroh ïa me ha khmat jong ki baroh.
19 #
Salm. 69:4; Ïoan. 15:25 Wat ai ba ki nongshun jong nga, kito ki nongkren shukor,
kin risa ha ka jingshahjop jong nga.
Wat ai ba kito kiba isih ïa nga khlem daw
kin ïoh kynkok da ka jingkmen halor ka jingsngewsih jong nga.
20Kim kren ha ka rukom paralok;
pynban ki shu thaw ïa bun jait ki ktien shukor
shaphang ki briew kiba ieit ïa ka jingsuk.
21Ki mudui ïa nga, ki da hylla,
“Ngi la ïohi me leh aïu!”
22Hynrei me, A Trai, me la ïohi ïa kane;
kumta wat sngap jar! A Trai;
wat buh ïa lade jngai na nga!
23To ïeng da lade, A Trai, bad ïada ïa nga;
to ïeng ko Blei jong nga, bad ïasaid namar jong nga.
24Me long uba hok, A Trai,
kumta pynbna ïa ka jinglong lui lui jong nga;
wat shah ïa ki nongshun jong nga
ba kin risa halor jong nga.
25Wat ai ba kin ong ha lade,
“Katto te ngi la lait na u!
Kata ka long kaei ïa kaba ngi kwah!”
26Ai ba kito kiba risa halor ka jingshah shitom jong nga;
ba kin shahjop khoit bad dum buit;
ai ba kito kiba kam ba ki kham bha ban ïa nga
ba yn tap da ka jinglehrain bad jingjahburom.
27Ai ba kito kiba kwah ban ïohi ïa ka jingpynksan jong nga
kin risa da ka jingkmen,
bad kin ïai-ong,
“Katno Uba khraw long U Trai!
uba sngewbha ha ka jingjop u shakri jong u!”
28Te ngan pynbna ïa ka hok jong me,
bad ngan ïaroh ïa me baroh shi sngi.
Currently Selected:
SALM 35: KHACLBSI
Highlight
Copy
Compare
Share
Want to have your highlights saved across all your devices? Sign up or sign in
Khasi CL Bible
Copyright © Bible Society of India, 2016.
Used by permission. All rights reserved worldwide.
