INPÂKNA HLABU 81
81
Pathien ṭhatna le Israel ringum nawna Hla ṭhuoitu ta dingin: Gittitha sak ding. Asaph Inpâkna Hla.
1Pathien a mi sukhrâttu chawimawiin hlimtakin hla sak unla,
Jakob Pathien chawimawiin hlimtakin khêk ro.
2Inpâkna hla sak unla, khuongtê dâm,
Ṭingṭang ngainuomumtak dâm, perkhuong dâm leh hung chawi ro,
3Thla thara chun tawtawrâwt mût unla,
Thla lir laia ei ruoiṭhe hun lai leh.
4Israelhai ta dinga thuruot a ni sih a,
Jakob Pathien dân a nih.
5Chu chu Josef-a chun thu inhriettirna dingin a ruot a,
Aigupta rama a fe thleng lai khan;
Ka ṭawng hriet naw râwl ka hriet a#Kan ihrietthiem lo ṭawng ri kan hriet a
6An liengko chu thil rika inthawkin ka lâk hmang a,
An kuthai chu leikhâwra inthawka inthlain a um kha.
7Lunginzîngin in mi ko a, ka sanhim cheu a,
Vâninrûm inbîkhmangna hmuna khan ka dawn cheu a;
Meriba tuia khan kân fie cheu kha.
8Aw ka mihai, ngai unla, inhriettir ka ti cheu,
Aw Israelhai, ka thu ngai ta ve unla chu aw!
9Ram dang pathien hrim hrim in lai an um ding a ni nawh a,
Mi dang pathien hrim hrim chu in biek ding a ni bawk nawh.
10Kei LALPA in Pathien chu ka nih;
Aigupta rama inthawka ṭhuoi suoktu cheu kha.
In bau ka lien unla, ka suksip ding annâwm.
11Nisienlakhawm, ka mihai chun ka râwl an ngai si nawh a;
Israelhai chun an mi dit naw kha.
12Chuongchun, an lungril kâwmaw ang peia um dingin ka thlathlam a,
Anni remruot anga an umna dingin.
13Aw, ka mihai hin ka thu ngaiin,
Israelhai hi ka lampuia hin fe hai sien chu aw!
14An hmêlmahai chu ka suktlâwm vakin,
Anni dotuhai chunga chun ka kut kân let ding bah.
15LALPA theidatuhai chu a hmaah ṭiin kûn an tih,
An hrem tuorna chun kumkhuo dai a tih.#Kumkhuoin hrem tuor an tih
16Nangni#Ch.16 na hi Hebraia chun, “Ama chun anni chu” ti a nih. chu bu ṭhatakin châwm ka ti cheu a,
Lungpuia khuoizuin ka sukkhawp ding cheu a nih.
Currently Selected:
INPÂKNA HLABU 81: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
