INPÂKNA HLABU 41
41
Sukdamna dinga ṭawngṭâina Hla ṭhuoitu ta dingin. David Inpâkna Hla.
1Rimsihai ngaituo mi chu mi hamṭha a nih,
Lunginzîng ni chun ama chu LALPAIN sanhim a tih.
2LALPAIN ama chu humhimin sukhring a ta, hnuoia hin malsâwmin um a tih;
Nangin ama dotuhai nuom nuoma an thaw dingin pe naw ti ni.
3LALPAIN a chauna zâlhmuna chun sukhrât a ta,
Nangin a damnaw laiin a zâlna siempêk vawng i tih,
4Keiin, “Aw LALPA, mi lungin- siet la,
Ka hringna hi sukdam la, i chungah thil ka suksuol sih a,” ka tih a.
5A mi dotuhai chun, “Iengtik am thîng a ta, a hming bo a ti aw?” tiin,
An mi hrilsiet hlak a.
6Chun, anni laia tuin amanih a mi hung kan hlakin, thu teplo mei mei a hril hlak a;
A lungril chun suolna a lâk khâwm hlak a,
A fe suok phingleh mi a hril hlak.
7A mi theidatuhai po po chun an mi hêkna thu se sein an lâk a,
A mi suksietna ding an ngaituo hlak.
8“Natna ṭha nawtakin a tlâkkhum tah a,
Tuta a zâl hi tho nawk ta naw nih,” an ta.
9 #
Jn 13.18 Anih, ka ruol pâwlngei, ka ringtak, ka bei fâkpui ngei chun,
A kekhawng chu ka chungah ân let tah a.
10Nisienlakhawm, aw LALPA,nangin mi lunginsiet la,
Anni chu ka thung theina dingin mi keitho nâwk rawh.
11Hitaka hin ka chungah, i lâwm ti ka hriet,
A mi dotu chun a mi hne ngai naw leiin.
12Kei chu lungril ṭhatak ka putnaa hin nangin i mi chel zing a,
I hmaa chun kumkhuoa dingin i mi sieh a.
13LALPA, Israel Pathien chu,
Chatuona inthawka chatuon chenin inpâkin um raw se,
Amen, Amen.
Currently Selected:
INPÂKNA HLABU 41: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
