INPÂKNA HLABU 40
40
Sansuokna leia inpâkna
(Sm 70.1-5)
Hla ṭhuoitu ta dingin, David Inpâkna Hla.
1LALPA chu ka nghâk fan fan a,
Chuongchun, ama chu ka kuom tieng a hung thleh a,
Ka ko chu a ngai tah a.
2Bohmangna khura inthawkin, chirhak inhnâktaka inthawk chun a mi khai suok tah a:
Chun, ka ke chu lungpui chungah ân nghat a, ka ke pênhai chu a sukdet a.
3Hla thar ka bauah a sie ta bawk a, ei Pathien inpâkna chu:
Mi tamtakin chuong chu hmûng an ta, ṭî bawk an ta;
LALPA chu ring tâng an tih.
4LALPA chu a ringsana nei a,
Chapohai le khêl tienga pêthai ngaisaklo mi chu, a hamṭha ie;
5Aw LALPA ka Pathien, nangin thilmak i thawhai le,
Keini tieng i ngaituonahai hi a tam bêk bêk a,
Chuong chu i hmaa suklang sêng ruol a ni nawh a,
Inhriettirin hril ding ni lang,
Ṭiemsêng ruol ni naw ni.
6 #
Heb 10.5-9 Inthâwina le thilinhlân chunga hin lâwmna hrim i nei nawh a:
Ka nahai hi i mi sukvarpêk tah a;
Pumrawhmanga thilinhlân le suol ta dinga thilinhlân chu i phût nawh.
7Chu phingle chun keiin, “Ngai ta, ka hung ie,
Lekhabu ziela chun ka thu ziek a nih:
8Aw ka Pathien, i dit zâwng thaw hi ka lâwm zâwng tak a nih:
Anih, i dân thu chu ka lungril- ah a um zing ie,” ka ta.
9Inkhâwmna ropuitaka chun felna chanchin ṭha ka khêkpui a,
Aw LALPA, ngai ta,
Ka bau hi inro naw ning ti i hriet deh.
10I felna chu ka lungril sûngah ka ip nawh a;
I ringumna le i sandamna thu chu ka khêkpui lem a,
I ngilneina le i takna chu inkhâwmpui ropuitaka mi- hai kuoma chun ka thup nawh a.
11Aw LALPA, i lainatnahai chu ka kuomah inro naw la,
I ngilneina le i takna chun mi humhim rawp raw se.
12Thil ṭha naw tiem sêng lo chun an mîn huolvêl sih a,
Ka rîtlonahai chun an mi hnawt phâk a;
Chuongchun, ka dâk thei ta nawh a;
Chuong chu, ka samzaihai nêk hin a tam lem a, ka lungril hi a châu tah a.
13 #
Sm 70.1-5 Aw LALPA, lunginsiettakin mi sanhim la,
Aw LALPA, mi ṭhangpui dingin inhmaw rawh.
14Ka hringna sukbo tuma zawngtuhai chu,
Muolphotak le inzaktakin um tâwl hai sienla,
Ka sietna chunga lâwmhai chu,
Innghatkîrtirin sukzakin um raw hai se.
15“Chei! Chei!” mi tituhai chu,
An muolpho leiin lunginzîng- takin um raw hai se.
16A zawngtuhai po po che chu nangmaa chun hlimtak le lâwmtakin um hai sienla,
I sandamna ngainatuhai chun, “LALPA chu chawimawiin um raw se,” ti rawp raw se.
17Kei chu rimsi le pasetak ka nih,
Nisienlakhawm, LALPAIN a mi ngaituo hlak.
Nang chu a mi ṭhangpuitu le a mi sandamtu i na;
Aw ka Pathien, sâwt riel lul naw raw khai.
Currently Selected:
INPÂKNA HLABU 40: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
