INPÂKNA HLABU 37
37
Mi rilo ngirhmun ṭiumzie David Inpâkna Hla
1Thil ṭha naw thawtuhai leiin insuklungngai nuom naw la,
Fel nawtaka thawtuhai chu inhnar bawk naw rawh.
2Hlohna angin ât thlukin um vak an ta,
Hna hring angin an vuoi ding a ni sih a.
3LALPA chu ring la, thil ṭha thaw rawh,
Hi rama hin um la, ringumna chu hnawt pei rawh.
4LALPA chunga chun lâwm bawk la,
Chuongchun, i lungril dit zâwnghai chu pêng a ti che.
5I um dân ding chu LALPA chungah innghat la,
Ama chu ring la, amain thaw vawng a tih.
6I felzie chu var angin insuoktir a ta,
I thiemchangzie khawm chu sûnlai ang elin.
7LALPAA chun châwl la, ama chu nghâk fan fan rawh;
Ama lampuia vângneina dawngtu lei chun insuklungngai nuom naw rawh,
Ngaituo suolhai puitlintu lei chun.
8Lunginsen hi bânsan la, lungsenna chu sim rawh.
Insuklungngai nuom naw, thil- suksuolah inchang thei a nih.
9Thil ṭha naw thawtuhai chu sukbohmangin an um ding a ni sih a,
LALPA nghâktuhai ruok chun ram hi hluong an tih.
10Sâwt nawtê hnungah mi rilo chu a um ta awm si nawh a,
Anih, a umna hmun chu en en hman la khawm um ta naw ni.
11 #
Mt 5.5 Thuhnuoirawlhai ruok chun ram hi hluong an ta,
Inremna nasatak chungah lâwm an tih.
12Mi rilo chun mi fel a phier- rûk a,
A ha a râwt khum hlak.
13LALPA chun ama chu nuisan a ta,
A ni a hung tlung ding a ni ti a hriet leiin.
14Rimsi le pasiehai sukthlu ding le,
Umdân indikhai sukhlum dingin,
Mi rilohai chun an kâwlhnâm an phawi a, an thalngul an kuoi bawk a.
15An kâwlhnâm chun anni lung chu sun a ta,
An thalngulhai sukthliekin um bawk a tih.
16Mi fel thil tlâwmte nei chu,
Mi rilo thil nei hnêr hnûr nêk chun a ṭha lem dai a nih.
17Mi rilo bânhai chu sukthliekin a um ding a ni sih a,
Mi fel ruok chu LALPAIN a chel zing hlak.
18LALPA chun mi ṭha famkim nihai chu a hriet a,
An rohluo ding chu kumkhuoa um zing ding a nih.
19Hun ṭha nawah muolpho naw ni hai a,
Ṭâm kumahai khawm khawp an tih.
20Mi rilohai ruok chu bohmang an ta,
LALPA dotuhai khawm phûl hlohna inno ang nîng an ta,
Sukbohmangin um an ta, meikhuah inzâm hmang an tih.
21Mi rilo chun a pûk a, a pêk nâwk ngai nawh a,
Mi fel ruok chun mi a lunginsiet a, a pêk lem hlak.
22A malsâwmna dawngtuhai chun ram hi hluong an ta,
A ṭawngse phurtuhai chu sukbohmangin an um ding a nih.
23LALPAIN mihriem chu a fena dingah a ṭhuoi hlak a,
A kalchawi a ilâwm chu a sukdet hlak.
24Tlu sienla khawm tlu letdêr chun um naw nih a,
LALPAIN a kutin a chel zing sih a.
25Naupang ka lo ni tah a, tuhin tar ka ni tah a,
Nisienlakhawm, mi fel chu mâksana a um ka hmu ngai nawh a,
A thlahai bu dâwl khawm ka hmu ngai nawh.
26Sûnnithlâkin mi a lunginsiet a, ân pûktir hlak,
A thlahai khawm an hamṭha hlak.
27Suol fe san la, thil ṭha thaw rawh,
Chuongchun, kumkhuoin chêng zing rawh.
28LALPA chun rorêlna fel a ngaina sih a,
A mi inthienghai chu a fesan ngai nawh a.
Kumkhuoha dinga vawngṭhatin an um hlak a,
Mi rilo thlahai ruok chu sukbohmangin um an tih.
29Mi felhai chun ram hi hluong an ta,
A sûnga hin kumkhuoin um an tih.
30Mi fel bau chun varna thu a hril hlak a,
A lei chun rorêl felna thu a hril bawk hlak.
31A Pathien dân chu a lungrilah a um a,
A ke pên hrim hrim chu intawl naw nih.
32Mi rilo chun mi fel chu a enthlit a,
Sukhlum a tum hlak.
33LALPAIN ama chu a kutah mâksan naw nih a,
An ro a rêl pha chun thiemnaw inchangtir phal bawk naw ni.
34LALPA chu nghâk la, a lampui chu hraw rawh,
Chuongchun, ram chu hluo dingin chawimawi a ti che.
Mi rilohai sukbohmanga an um lai chu la hmûng i tih.
35Mi rilo chu nasataka thu neia,
A mâwngna hmuna thing inder inno tak anga inbuk luoia a um lai ka hmuh a,
36Nisienlakhawm, lampuiah a#Ziek ṭhena chu “ka” ti a nih va feh a; chun, ngai ta, ama chu a um ta nawh a.
Anih, ka zawng a, nisienla- khawm, hmu zo a ni ta nawh.
37Mi demkailo inchik la, mi indiktak chu en rawh,
Chuong ang mi tâwpna ding chu lungmuongna a ni ding a ni sih a.
38Bawsetuhai ruok chu a ruola suksietin an um tâwl ding a na,
Mi rilohai tâwpna ding chu sukbohmangna ning a tih.
39Mi felhai sandamna ruok chu LALPA kuoma inthawk a ni a.
Ama chu lunginzîng laia an kulbîng a ni hlak a.
40LALPAIN anni chu a ṭhangpuiin a sanhim hlak a,
Amaa chun an tlûklût leiin;
Mi rilohaia inthawk chun a sanhimin a sandam hlak.
Currently Selected:
INPÂKNA HLABU 37: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
