INPÂKNA HLABU 24
24
Ropuina Lal chu David Inpâkna Hla
1 #
1 Kor 10.26 Leilung hi LALPA ta a na, a sûnga um po pohai leh,
Khawvêl le a sûnga chênghai le hin.
2Tuisuoriet chungahai amain ân dinsuo a ni sih a,
Tuilienhai chunga khawm a sukdet bawk a.
3LALPA tlângah tu am hang lâwn a ta?
A hmun inthiengah tu am ngîr a ta?
4 #
Mt 5.8 Kut fai le lungril inthieng neia,
A lungril teplo mei mei tienga sie ngailo:
Hlêm tuma inkhâm ngailo mi chu.
5Ama chun LALPA kuoma inthawkin malsâwmna hmûng a ta,
A sandamtu Pathien kuoma inthawkin felna dawng bawk a tih.
6Chu chu ama zawngtuhai suon a nih,
Aw Jakob Pathien, i hmêl zawngtuhai chu.
7Aw kul kawtkhârhai, in lu chung kha dawm sâng unla,
Nangni kawtkhâr hlunhai, inkhai sâng ro:
Chuongchun, ropuina LALPA hi a hung lût ding a nih.
8Ropuina Lal chu tu am a na?
LALPA hrâttak le thilthawtheitak,
LALPA indonaa thilthawtheitak chu a nih.
9Aw kul kawtkhârhai, in lu chunghai kha dawm sâng ro,
Anih, kawtkhâr hlunhai, dawm sâng unla,
Chuongchun, Ropuina Lal hi a hung lût ding a nih.
10Chu Ropuina Lal chu tu am a na?
Sipaihai LALPA chu,
Ama ngei hi Ropuina Lal chu a nih.
Currently Selected:
INPÂKNA HLABU 24: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
