INPÂKNA HLABU 20
20
Hnêna dinga ṭawngṭâina Hla ṭhuoitu ta dingin: David Inpâkna Hla.
1Lunginzing ni chun LALPA- IN dawn raw se che,
Jakob Pathien hming chun hmun insângah dawm kai raw se che;
2Hmun inthienga inthawk chun ṭhangpuina tirpêk sienla che,
Ziona inthawk chun sukhrât raw se che.
3I thilinhlân po po chu hre zing sienla,
I pumrawhmang thilinhlân chu lâwm raw se.
4I lungril dit zâwng chu pe phal sienla che,
I remruot po po chu inhlawtlingtir raw se che.
5I sandamnaa chun hlimin hla sak ka ta,
Ei Pathien hmingin ei puonzâr- hai hi la zâr ei tih:
LALPA chun i hnina po po inhlawtlingtir raw se che.
6LALPAIN a hrieknâl hi a sandam ti tuhin ka hriet tah a,
A kut changtieng sandamna thain,
A vân inthienga inthawk khin ama la dawn a tih.
7Ṭhenkhatin tawlailîrhai an ring a, ṭhenkhatin sakawrhai an ring a,
Keini ruok chun LALPA kan Pathien hming chu lam lem kan tih.
8Anni chu an kûn a, an tlu tah a,
Keini ruok chu kan tho a, kan ngîr tlûn ta lem a,
9LALPA, sandam rawh,
Kan ko pha chun Laltak chun mi dawn raw se.
Currently Selected:
INPÂKNA HLABU 20: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
