INPÂKNA HLABU 148
148
Lalpa chu inpâk dingin thilsiem po po infui an nih
1LALPA chu inpâk ro,
Vâna inthawk dâm khin LALPA chu inpâk unla,
Chungtienghaia khin ama inpâk ro.
2A vântirko po pohai, ama chu inpâk unla,
A sipai po pohai, ama chu inpâk ro.
3Nisa le thla hai, ama chu inpâk unla,
Arasi var po pohai, ama chu inpâk ro.
4 #
1 Lal 8.27; 2 Kor 12.2 Vânhai vânhai, ama chu inpâk unla,
Vân chunga tui umhai, ama chu inpâk ve ro.
5Chuonghai chun LALPA hming chu inpâk raw se,
Ama chun thu a pêk a, siemin an hung um ta sih a.
6Ama chun chuonghai chu kumkhawtluonga dingin a sukdet a;
Thuruot, bohmang lo ding chu, a pêk a.
7 #
Is 43.20 Hnuoia inthawk hin,
Nangni drakon le tui inthûk po pohai;
8Mei le riel dâm, vûr sûr le sûmhai,
A thu zâwm hlak thlipuihai;
9Tlâng lien le tlâng chîn po pohai,
Thing ra nuom hai le, sidar thing po pohai;
10Ram sa le ran po pohai,
Thilhring le chunglêng vatehai;
11Hnuoia lalhai le mi tinrênghai,
Mi lien hai le, hnuoia rorêltuhai po po;
12Nunghâk le tlangvâlhai,
Putar le naupanghai;
LALPA chu inpâk ro.
13Chuonghai chun LALPA hming chu inpâk raw se,
A hming chau chu chawisângin a um sih a;
A ropuina chun hnuoi le vân a khûm dai a.
14A mihai ki chu a chawimawi bawk a,
A mi inthieng po po inpâkna chu:
Israel nau, ama hnaituhai inpâkna chu.
LALPA chu inpâk ro.
Currently Selected:
INPÂKNA HLABU 148: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
