INPÂKNA HLABU 138
138
Lalpa ditsakna leia lâwmthu hrilna David Inpâkna Hla.
1I kuomah ka lungril po poin lâwmthu hril ka ta,
Pathienhai hmaa chun nangma inpâkin hla sak ka tih.
2I biekin inthieng tieng nghain chibai bûk ka ti cheh a,
I ngilneina le i thutak leiin i hming inpâk ka tih.
I thu chu i hming hrim hrim nêk chun i chawisâng ta sih a.
3Ka ko ni che khan nangin i mi dawn a,
Ka hringna sukhrâtin i mîn fui a,
4Aw LALPA, hnuoia lal po po chun lâwmthu hril an ti che,
I baua thu suokhai chu an hriet sih a.
5Anih, LALPA um dân thuhai chu hlaah sak an ta,
LALPA ropuizie chu a nasa sih a.
6LALPA chu chunghnungtak a nia chu a mi inhnuoihai a ngaisak hlak.
Mi chapohai ruok chu hlataka inthawkin a hriet hlak.
7Lunginzîngna laia chun lêng lang khawm nangin mi sukhar i ta,
A mi dotuhai lunginsen thaw dingin nangin i kut phar i ta:
I kut changtiengin mi sandam i tih,
8LALPA chun ka chungchânga a thaw ding chu hlen a tih,
Aw LALPA, i ngilneina chu kumkhawtluongin um a ta,
Nangma kut thilthawhai hi bânsan naw rawh.
Currently Selected:
INPÂKNA HLABU 138: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
