INPÂKNA HLABU 118
118
Lalpa sandamna leia lâwmthu hrilna
1Aw, LALPA kuoma lâwmthu hril ro, ama chu a ṭha sih a,
A ngilneina khawm kumkhawtluongin a um ding a ni sih a;
2A ngilneina chu kumkhawtluongin a um ding a nih ti,
Israelhai chun hril raw hai se.
3A ngilneina chu kumkhawtluongin a um ding a nih ti,
Aron sûnghai chun hril raw hai se.
4A ngilneina chu kumkhaw- tluongin a um ding a nih ti,
LALPA ṭituhai chun hril raw hai se.
5Ka lunginzîngnaa inthawkin,
LALPA chu ka ko a,
LALPA chun a mi dawn a, hmun inthâwl takah a mîn umtir tah a.
6 #
Heb 13.6 LALPA chu keia tienga ṭhang a nih, ṭi naw ning:
Mihriemin ieng am mi law thei an ta?
7LALPA chu keia tienga ṭhang, a mi ṭhangpuituhai laia mi a nih,
Chuleiin, a mi theidatuhai chunga ka duthusâm chu hmûng ka tih.
8Mihriem ring nêk chun LALPAA ringna innghat hi a ṭha lem a nih.
9Lalhai ring nêk chun, LALPAA ringna innghat hi a ṭha lem a nih.
10Hnam tinrêngin an mîn huol vêl a,
Anni chu LALPA hmingin sukbohmang ka tih.
11Anni chun an mîn huol vêl a, anih, an mîn huolvêl a,
Anni chu LALPA hmingin sukbohmang ka tih.
12Khuoihai angin an mîn huol vêl a, hling chawk anga sukrêmin an um a,
Anni chu LALPA hmingin sukbohmang ka tih.
13Ka tlûkna dingin natakin i mi sun ngei a,
Nisienlakhawm, LALPA chun a mi ṭhangpui ta hlau a,
14LALPA chu ka hrâtna le ka hla a nih,
A mi sandamtu a lo ni ta bawk a:
15Lâwmna le sandamna ri chu mi felhai puon inah a um hlak a,
LALPA kut changtieng chun huoitakin a thaw hlak.
16LALPA kut changtieng chu chawimawiin a um hlak a,
LALPA kut changtieng chun huoitakin a thaw hlak.
17 #
Hab 1.12 Thi naw ning a, dam ka ta,
LALPA thilthawhai chu inhriettir lem ka tih.
18 #
2 Kor 6.9 LALPA chun nasatakin a mi thunun a,
Thina kuoma ruok chun a mi pêk êm nawh.
19Felna kul kawtkhârhai hi mi hawngpêk unla,
Hienga hin lût ka ta,
LALPA kuomah lâwmthu hril ka tih.
20 #
Is 35.8; Tp 22.14 Hi hi LALPA kawtkhâr a nih.
Mi felhai chu lût an tih.
21I kuomah lâwmthu hril ka tih, nangin i mi dawnin,
A mi sandamtu i lo ni ta sih a.
22In bâwltuhai lung dit naw kha,
A kila lung ṭhangkaitak a lo ni tah.
23 #
Mt 21.42; Mk 12.10-11; Lk 20.17; Tt 4.11; 1 Pet 2.7 Chu chu LALPA thaw a na,
Ei mithmuah a mak a nih.
24Hi hi LALPA ni ruot chu a nih,
Hi ni hin hlimin lâwm ei tiu.
25Aw LALPA, kan ngên che, tuhin sandam la,
Aw LALPA, kan ngên che, tuhin vângneina hung tir rawh.
26 #
Mt 21.9; 23.39; Mk 11.9-10; Lk 13.35; 19.38; Jn 12.13 LALPA hminga hung chu a hamṭha ie,
LALPA ina inthawk hin mal kan sâwm cheu a ni hi.
27LALPA chu Pathien a nih, ama chun var a mi pêk a,
Inthâwina ding chu hruihruolin thlung ro, mâichâm kihai ngeia chun.
28Nang chu ka Pathien i na, lâwmthu hril ka ti cheh a,
Ka Pathien i na, chawimawi ka ti che.
29Aw LALPA kuomah lâwmthu hril ro, ama chu a ṭha sih a:
A ngilneina khawm kumkhawtluonga um ding a ni sih a.
Currently Selected:
INPÂKNA HLABU 118: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
