INPÂKNA HLABU 112
112
Lalpa ṭîtu hlawtlingna chu
1LALPA chu inpâk ro,
LALPA ṭi mi chu a hamṭha ie, a thupêkhaia nasataka lâwm mi chu.
2A thlahai chu hnuoia hin hrâttakin um an ta,
Mi indiktakhai suonhai chu malsâwmin um an tih.
3A ina chun sum le hausakna a um a,
A felna chu kumkhawtluonga um ding a nih.
4Mi indik ta ding chun inthima chun var a hung suok a,
Ama chu mi lunginsiet theitak, lainatnaa sip, feltak a nih.
5Mi lunginsieta inpûktir hlak mi chu ṭhatin a vur hlak a,
Ama chu feltakin khawsâng a tih.
6Iengtika khawm ân hnîng âwm si nawh a,
Mi fel chu kumkhuoa hriet zingin um a tih.
7Chanchin ṭha nawtakhai ṭi naw nih a,
LALPA chu ringin a lungril chu a det a nih.
8A lungril chu a det a, ṭi naw nih,
Ama dotuhai chunga a duthusâm tlung chu a hmu hmakhat chu.
9 #
2 Kor 9.9 A semdar a, pasiehai kuomah a pêk a,
A felna chu kumkhuoa um ding a nih;
A ki chawimawinaa chawimawiin um a tih.
10Mi rilo chun chu chu hmûng a ta, lunginsen a tih,
A ha râwt a ta, intuihmang a tih:
Mi rilohai dit zâwng chu bohmang a tih.
Currently Selected:
INPÂKNA HLABU 112: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
