INPÂKNA HLABU 111
111
A mipuihai Lalpan a lungkhamna
1LALPA chu inpâk ro,
Mi indiktakhai inkhâwm- naa le inrâwn khâwmnaa chun,
Ka lungril po povin LALPA kuomah lâwmthu hril ka tih.
2LALPA thilthawhai chu a ro- pui a,
A chunga lâwmhai poin zawng suok a ni hlak.
3A sinthaw chu inza a umin a ropui a nih,
A felna chu kumkhawtluonga um ding a nih.
4Ama chun a thilmak thawhai chu ân hriet zingtir a,
LALPA chu mi lunginsiet theitak, lainatnaa sip a nih.
5Ama ṭituhai kuoma chun fâk ding a pêk a,
A thuthlung chu kumkhuoin hre zing a tih.
6A thilthawhai thilthawtheizie chu a mihai kuomah ân langtir a,
Hnam tin rochan chu an kuoma pein.
7A kut thilthawhai chu thutak le rorêlna fel a na,
A thununna thu po pohai chu ring a um a nih.
8Chuong chu kumkhawtluonga dingin sukdetin a um a,
Thutak le indiktaka thaw a ni tâwl a.
9Ama chun a mihai kuomah intlanna a hung tir a,
A thuthlung chu kumkhuoa dingin a ruot a,
A hming chu ân thiengin inza a um a nih.
10 #
Job 28.28; Tv 1.7; 9.10 LALPA ṭina chu varna bul a na,
Chuong anga thaw taphawthai chun hrietthiemna ṭha an nei a.
Ama inpâkna chu kumkhaw- tluonga um ding a nih.
Currently Selected:
INPÂKNA HLABU 111: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
