NAMBAR 21
21
Kanaan mihaiin Israel an lo do
1 #
Nam 33.40 Chun, Kanaan mi Arad lal, simtienga um chun Israel mihai Atharim lampuiah an hung ti hril ri a hriet a; chuongchun, Israel mihai chu a thawh a, sal dâmin a man nuol a.
2Chun, Israel mihai chun LALPA kuomah thu an tiem a, “Hieng mi- hai hi kan kuta i mi pêk chun an khuohai hi sukbohmang dêr kan tih,” an ta.
3Chuongchun, LALPAIN Israel mihai thu chu a pawm a, Kanaan mihai chu a pêk a, anni le an khuohai chu an sukbohmang tah a; a hmun hminga chun Horma#Heb Sietna an inbûk a.
Rûl chuk na chihai chu
4Chun, Hor tlânga inthawk chun Tuisuoriet Sen tieng Edom ram fe huolin an feh a: a lampui lei chun mipuihai lung chu a hnuol hle a.
5Mipuihai thi el dingin iengdinga Aiguptaa inthawka i mi ṭhuoi suok am a na? Bei um lo, tui hlak um bawk lo; hi bei tirdakum khawm hi kan hringna hin a hnâm tah a nih, an ta.
6Chuongchun, LALPAIN mipui- hai lai chun rûl a mi chuk na chihai a tir a, mihai chu an chuk a, Israel mi tamtak chu an thih a.
7Chun, mihai chu Mosie kuomah an feh a, “LALPA le nangma kala kan lo ṭawng ta hi kan lo suol tah a nih; keini laia rûlhai hi sukbo dingin LALPA kuomah ṭawngṭai raw khai,” an tih a; chuongchun, mihai chu Mosie chun a ṭawngṭaipêk a.
8Chun, LALPAIN Mosie kuomah, “Rûl mi chuk na chi kha a lim siem la, banah khai rawh; rûl chuk taphawt- in chu chu an en chun dam an tih,” a ta.
9Chuongchun, Mosien dâr rûl a siem a, banah a khai a, rûl chuk taphawtin dâr rûl chu an enin an dam pei a.
Israelhai Moab sirvêla an inzinna
10Chun, Israel thlahai chu an fe pei tah a; Obothah umhmun an khuor a.
11Obotha inthawk chun an fe nâwk a; nisa suokna tieng pangah Moab thlalêr bul Ije–abarimah um- hmun an khuor a.
12Chutaka inthawk chun an fe nâwk a, Zered ruomah umhmun an khuor a.
13Chutaka inthawk chun an fe nâwk a. Amor mihai ramria inthawka hung filawr thlalêra Arnon khing- tieng pangah umhmun an khuor a; Arnon chu Moab ramri, Moab le Amor mihai inkâra um a nih.
14Chuleiin, LALPA Indonahai bua chun–
“Suphah-a Vaheb,
Arnon ruomhai,
15Ar umna tienga thle,
Moab rama innghat
Ruom pangpêrhai chu,” tiha hril a nih.
16Chutaka inthawk chun Beerah#Chu chu tuikhur a nih. an fe nâwk a, chu chu LALPAIN Mosie kuoma, “Mipuihai ko khâwm la, tui pêng ka tih,” a tina tuisunsuo chu a nih.
17Chun, hi hla hi Israelhai chun an sak a,
“Aw tuikhur, hung inchik suok rawh,
Zaiin awi ro,
Lalhaiin an cho tuikhur chu.
18An lal hmawl le an hembâwka,
Mipuihai mi lienhai icho chu.”
Chun, thlalêra inthawk chun Matta- naah an feh a.
19Mattanaa inthawk chun Naha- lielah an feh a; Nahaliela inthawk chun Bamothah,
20Bamotha inthawk chun Moab loa ruom le thlalêr Jeshimon#Thlalêr zuk suk en Pisga sîpah.
Israelin Sihon a tukdei
(Dt 2.26-37)
21 #
Dt 2.26-37 Chun, Israel mihai chun Amor mihai lal Sihon kuomah mi an tir a,
22“I rama hin mîn fe thlengtir raw khai; loa manih, grêp huona manih, pêt naw ning ung a, tuisunsuo tuihai khawm dâwn naw ning ung a, i ram kan khêl hmakhat chun lal lamlienah fe pei kan tih,” tiin.
23Nisienlakhawm, Sihon chun Israel mihai chu a ram fe thleng chu a phal nawh a; Sihon chun a mihai po po chu a khâwm vawng a. Israel mihai chu thaw dingin thlalêra chun an vân thawk suok ta lem a, Jahaz an va tlung a; chuongchun, Israel mihai chu an va thaw tah a.
24Chun, Israel mihai chun kâwl- hnâm leh an lo thawh a, a ram chu Arnona inthawka Jabbok chenin, Ammon thlahai ramri Jazer chenin an neipêk a; Ammon thlahai ram chu a khir hle a nih.
25Israel mihai chun chuong khuo po po chu an lâk a, chuongchun, Israel mihai chu Amor mihai khuohai po poa chun an um a, Hesbon le a khawper po poa dâm chun.
26Hesbon chu Amor mihai lal Sihon khuo a na, ama chu chu hmaa Moab lalhai thawh a, a kuta in- thawka ram po po Arnon chena lâkpêktu a nih.
27Chuleiin, hla phuoktuhai chun,
“Hesbonah hung unla,
Sihon khawpui chu inngir le sukdet ni sienla,
28Hesbona inthawkin mei a suok a,
Sihon khawpuia inthawk chun meichawk,
Moaba Ar a kâng zo a.
29Arnon hmun insâng lalhai chu,
I chung a rik de, Moab!
I bohmang a ni tah, aw Kemos chibai bûktuhai,
A naupasalhai chu tlânse ding le,
A naunuhmeihai chu salah um dingin a pêk a,
Amor mihai lal Sihon kuomah.
30Kan hang kâp a, Hesbon a bohmang a,
Dibon chenin.
Nopha chenin ka sukrêm a,
Medeba tlung rakin,” an tih.
Israelin Basan lal Og a tukdei
(Dt 3.1-11)
31Chuong ang chun a nih Amor mihai rama Israelhai chu an um chu.
32Chun, Mosie chun Jazer va enthla dingin mi a tir a, chutaka khuohai chu an lâk a. Amor mi umhai chu an hnawt suok a.
33 #
Dt 3.1-7 Chun, an kîr nâwk a, Basan lampui tieng an feh a, chun Basan lal Og, ama le mi po pohai chu, anni doa Edreia lo thaw dingin an hung inthawk a.
34Chun, LALPAIN Mosie kuom- ah, “Ama chu ṭi naw, ama khawm, a mi po pohai khawm, a ram khawm i kutah ka pêk ta a nih; Hesbona um Amor mihai lal Sihon chunga i thaw angin i thaw ding a nih,” a ta.
35Chuongchun, ama khawm, a naupasalhai khawm, hla hrim hrim nei loin a mihai leh an that a; a ram chu an hluopêk tah a.
Currently Selected:
NAMBAR 21: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
