NAMBAR 20
20
Lungpuia inthawka tui
(Ex 17.1-7)
1Chun, Israel thla pungkhâwm- hai po po chu thla khatnaa chun Zin thlalêrah an lût a; chun, mipuihai chun Kadesa chun umhmun an khuor a; chutaka chun Miriam chu a thih a, chutaka chun an phûm tah a.
2 #
Ex 17.2-7 Pungkhâwmhai chun tui an nei ta nawh a. Mosie le Aron chungchâng thuah an inhâwrkhâwm ngiel a.
3Chun, mipui chun, “LALPA hmaa ei unauhai an thi lai khan Pathienin mi lo sukhlum ve thên lem ta sien aw!
4Iengdinga LALPA mipui hi thi dinga thlalêra hin ṭhuoi lût am i nih a, keini le kan ranhai le hin?
5Iengdinga hi ram ṭha nawtaka mi ṭhuoi lût dingin Aigupta rama in- thawka mîn suoktir am i na? Thlai chi dâm, theichanghai, grêphruihai, thei- bufaihai umna ram ni lo hi; tui dâwn ding hrim hrim hlak um lo” tiin Mosie chu an suosal tah a.
6Chun, Mosie le Aron chu mipui- hai laia inthawk chu intuokna puon in kawtkhâra chun an va feh a; an bawkkhup a;
7chun, LALPA ropuina an kuomah a hung inlang a.
8Chuongchun, LALPAIN Mosie chu, “Hmawl la la, pungkhâwmhai chu inumkhâwmtir la, nang le i unau Aron leh, an mithmuah lungpui chu a tui suksuok dingin hril la, lungpuia inthawk chun tui la suokpêk i ta; chuongchun, pungkhâwmhai le an ranhai chu în dâwntir ding annâwm,” tiin a biek a.
9Mosie chun LALPA hmaa in- thawk chun hmawl chu a thupêk ang chun a lâk a.
10Mosie le Aron chun pung- khâwmhai chu lungpui bula chun an inumkhâwmtir a, an kuomah, “Mi hel hmanghai, ngai ta u, hi lungpuia inthawk hin tui kan lâk suokpêk ding cheu am a nih?” an ta.
11Mosie chun a bân a phar a, lungpui chu a hmawl chun vawi hni a hang vuok a; chuongchun, tui a hung suok ta zur zur el a, pungkhâwmhai le an ranhai chun an dâwn tah a.
12Chun, LALPAIN Mosie le Aron kuomah, “In mi ring nawh a, Israel thlahai mithmua in mi chawimawi naw leiin, hieng pungkhâwmhai hi ka pêk rama chun ṭhuoi naw ti niu.
13Hi hi Meriba#Inselna, lungninawna tuihai chu a nih; chutaka chun Israel thlahai chu LALPA chungah an chier rak a, ama chun a thienghlimzie a suklang tâk leiin,” a ta.
Edomin Israel fe thleng ding a awi nawh
14Mosie chun Kadesa inthawk chun Edom lal kuomah mi a tir a, “I unaupa Israel chun hieng hin a tih, ‘Kan chunga tuorna hung tlung po po hi i hriet a;
15kan pi le puhai Aigupta ramah an fe thlah a, sâwttak el Aigupta rama kan um dâm, Aigupta mi- haiin kan pi le puhai le keini ngei khawm ṭha nawtaka an mi thawzie dâm kha.
16Chuongchun, LALPA kan ko a, kan râwl chu a lo hriet a, vântirko a hung tir a, Aigupta rama inthawkin a mi ṭhuoi suok a; chun, ngai ta, i ram dep tak Kadesa hin kan um a.
17Lunginsiettakin i ram hi fe thleng kan tih; lo amanih, grêp huon amanihah fe naw ning unga a, tuisunsuo tuihai dâwn bawk naw ning ung; lal lamlienah fe pei kan ta, i ram kan khêl hmakhat chun chang- tieng amanih, vawitieng amanih khawm pêt naw ning ungah,’ tiin,” a ta.
18Edom ruok chun a kuomah, “In mi pal thleng ding a ni nawh, in mi pal vai chun a thaw ding chein kâwl- hnâm leh hung inthawk ka tih,” a ta.
19Chuongchun, Israel thlahai chun a kuomah, “Lamlienah hang fêng kan ta, chun, keini le kan ranin i tui kan dâwn chun a man chu pêng kan ti che; thil dang iengkhawm thaw loin a fein fethleng ringawt kan tih,” an ta.
20Ama chun, “Fethleng lo ding,” a ta. Chun, Edom chu mipui tamtak leh mi hrâttakhai leh anni thaw ding chun a hung suok tah a,
21an fe chu a phal ta nawh a, chuongchun, Israel mihai chun an kîrsan nâwk tah a.
Hor tlângah Aron a thi
22Chuongchun, Kadesa inthawk chun an suok a, Israel thla mipui po pohai chun Hor tlâng an va tlung a.
23Chun, LALPAIN Mosie le Aron chu Edom ram dep Hor tlânga chun a biek a, “Aron chu a chipuihai kuoma ṭhuoi nîng a tih;
24Meriba tuia dâm khan ka thu kalin in hel lei khan Israel thlahai ka pêk rama chun a lût naw ding a nih.
25 #
Nam 33.38,39 Aron le a naupa Eleazar chu Hor tlângah hung ṭhuoi rawh:
26Aron chu a silfênhai hlîppêk la, a naupa Eleazar chu insiltir rawh: Aron chu a chipuihai kuoma ṭhuoi nîng a ta, chutaka chun thîng a tih,” tiin.
27Mosie chun LALPA thupêk ang chun a thaw a, mipui po pohai mit- hmuin Hor tlânga chun an hang fe a.
28Chuongchun, Mosie chun Aron chu a silfênhai a hlîppek a, Eleazar ân siltir a, chun, Aron chu tlâng sîpa chun a thi tah a; chun, Mosie le Eleazar chu tlânga inthawk chun an hung thla a.
29Chun, mipui po poin Aron a thi ti an hriet chun Israel mihai po po chun ni sâwmthum an sûn a.
Currently Selected:
NAMBAR 20: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
