LEVI DÂN 3
3
Inremna Thilinhlân
1 #
Lev 7.11-18 “A thilinhlân chu inremna thilin- hlân inthâwina a na, bâwng ruol laia mi ân hlân chun, a pui amanih, a chal amanih khawm ni sien, LALPA hmaa demkailo ân hlân ding a nih.
2A thilinhlân lu chunga chun a kut innghat a ta, intuokna puon in kawt- khâr bula chun that a ta; chun, Aron naupasal thiempuhai chun mâichâm chu thisen chun an the huol ding a nih.
3Inremna thilinhlân, inthâwinaa mi chu, LALPA ta dinga mei hmanga thilinhlâna dingin a sûng thâu le a rîlbawtu po po leh,
4a kal pahni le a tuomtu thâu a diemnêma mi le a thin tuomtu duorda, a kalhai pum chun phawr a ta, ân hlân ding a nih.
5Chun, Aron naupasalhai chun mâichâmah meia thing um chunga pumrawhmang thilinhlân chunga chun rawng an ta; chu chu LALPA ta dinga rim inhniktak mei hmanga thilinhlân a nih.
6“Inremna thilinhlân inthâwinaa LALPA ta dinga thilinhlân chu berâm ruol laia mi a ni chun, a pui khawm ni sien, a chal khawm ni sien, demkailo ân hlân ding a nih.
7A thilinhlâna berâmte ân hlân chun LALPA hmaa chun inhlân a ta;
8a thilinhlân lu chunga chun a kut innghat a ta, intuokna puon in tuola chun that a ta; Aron naupasalhai chun mâichâm chu thisen chun an the huol ding a nih.
9Chuongchun, inremna thilin- hlân, inthâwinaa mi, LALPA ta dinga mei hmanga thilinhlâna ding chun, a thâu dâm, a mei thautak a zângru bula tan a tluonin, a rîlbawtu thâu leh,
10a kal pahni le a diemnêma mi le a thin tuomtu duorda, a kalhai puma phawrin ân hlân ding a nih.
11Thiempu chun chu chu LALPA kuoma mei hmanga bu thilinhlân dingin, mâichâma chun a raw ding a nih.
12“A thilinhlân chu kêl a ni chun LALPA hmaa chun inhlân a ta,
13a lu chunga chun a kut innghat a ta, intuokna puon in tuola chun a that ding a nih; chun, Aron naupa- salhai chun mâichâm chu thisen chun an the huol ding a nih.
14Chuongchun, chutaka a thilin- hlâna mi chu, LALPA kuoma mei hmanga a thilinhlân dingin, a sûng thâu le a rîlbawtu po po leh,
15a kal pahnihai le a tuomtu thâu a diemnêma mi le a thin tuomtu duorda, a kalhai pum chun phawr a ta, ân hlân ding a nih.
16Chun, thiempu chun chuonghai chu, riminhnik dingin, mei hmanga thilinhlânin mâichâma chun a raw ding a nih. A thâu po po chu LALPA chanpuol a nih.
17Thâu amanih, thisen amanih in fâk naw ding a nih ti hi, in thlahai chena khawm in umna taphawta chun kumkhaw thuruot ngîrzing nîng a tih,’ ti rawh,” tiin.
Currently Selected:
LEVI DÂN 3: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
