ISAI 58
58
Bu nghei hunbi vawng indik
1“Inringtakin khêk rawh, in- dawi naw rawh, tawtawrâwt angin i râwl insuo tuor tuor la, ka mihai kuomah an bawsietna chu hril la, Jakob sûnghai kuoma chun an suolnahai chu hril bawk rawh.
2Anni chun zawng chu ni tin el an mi zawng hlak a, ka lampui thuhai hriet chu an inhâwk hlak; feltaka thaw le an Pathien rorêlna bânsan ngai naw hnam angin, ka kuomah rorêlna feltak an mi hni hlak a. Pathien hung hnai khawm an inhâwk hlak a nih.
3‘Ieng leiin am bu kan nghei a i hriet si naw a, ieng leiin am kan insukrimsih a i hriet si naw maw?’ an ti hlak a. Ngai ta u, in bu nghei ni chun nangni nunkhuo in phâm a, in sinthawtuhai po po in nêksâwr hlak.
4Ngai ta u, innghirnghona le in- sêlna ding el, rîtlona kuttuma inchum dingin a nih, bu in nghei hlak chu: in râwl hi chungtienga inhriettir tlâk zâwngin chu ni chun bu in nghei ngai nawh.
5Chuong ang chu bu ngheina ka dit zâwng chûm a nih? Thielkuong anga a lu kûn ding le, a hnuoia saiip puon phaa vut phul ding am a nih? Chu chu bu ngheina le LALPA ta dinga ni lâwmtlâk i ti ding am a nih?
6 #
Ezek 18.7; Mt 25.35; Job 31.19; Tt 8.23 “Hi hi ni lo am a ni bungheina ka idit zâwng chu? Rîtlonaa khuop sût- pêk le, rîngkawl hruihai sûtpêk le, nêksâwra umhai insuoktir le, rîng- kawl tinrêng suktliekpêk hi.
7Mâni bu mi phîngṭâmhai kuoma sem le, rimsi hnawtsuoka umhai mâni ina ṭhuoi hi ni lem lo am a nih? Mi saruok hmua puona dêng le, mâni tisa ang put mihaia inthawka inbîk- hmang naw hi ni lem lo am a nih?
8“Chu pha chun i var chu zîng nisa suok angin hung suok a ta, i damna ding chu hung inder suok vak a tih; i felna chun i hma ṭhuoi a ta; LALPA ropuina chu i hnung dâltu nîng a tih.
9Chu pha chun ko i ta, chuong- chun, LALPA chun dawn a tih; hang ko i ta, chuongchun, ama chun, ‘Hitaka hin ka um,’ tîng a tih. Nangni laia inthawka rîngkawl dâm, kut- chala mi khîk dâm, suoltaka ṭawng- hai hi i sukbo a,
10phîngṭâmhai kuoma i dit zâwng pe a, sukrinuma umhai i suktlai bawk chun, i var chu inthim lai chun var suok a ta, în thimna chu sûn ang el ni tâng a tih.
11Chun, LALPA chun ṭhuoi rawp a ti cheh a, hmun ṭâwla khawm sukkhawp a ti che a, i ruhai khawm sukhrât bawk a tih; chun, huon tuia châwm ang le, tuihnâr kang ngai lo ang ni tâng i tih.
12Chuongchun, nangmaa in- thawka la hung insieng dinghai chun hmun hlui se ta hnunghai chu rem nâwk an ta, suon tamtak lungphûm chu hung rem nâwk i tih, chuong- chun, nang chu, ‘A sietna lai siem ṭhatu,’ ‘Mi umna dinga lampuihai siem ṭhatu,’ tîng an ti che.
Châwlni inser thu
13“Châwlni bawse lo dinga, ka ni inthienga i nuom zâwng thaw lo dinga i kepha chu în nghatkîrtir a, châwlni chu ni lâwmum le LALPA ni inthieng chu inzaum i tih a, mâni lampui hraw loa, i chawimawi chun,
14LALPA chunga chun lâwm i ta, leihnuoi hmun insângahai chun inchuongtir ka ti cheh a; i pu Jakob rohluo thilin châwm ka ti che; LALPA bau chun chu chu a hril tah a nih.”
Currently Selected:
ISAI 58: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
