ISAI 42
42
Lalpa Siehlaw
1Ka siehlaw, ka chel zing, ka ithlang, ka lungrilin a ilawm êm êm hi en ta u; a chungah ka thlarau ka sie tah: Jentailhai kuoma pêk dingin rorêlna thu la suok a tih.
2Khêk naw nih a, a râwl insuo bawk naw nih a; kawtthlêrah a râwl chu inhriettir bawk naw nih.
3Luong pawr suktan thla naw nih a, pat khu khawm sukmit naw nih; rorêlna chu thutakin la suok a tih.
4 #
Mt 12.18-21
Hnuoia hin rorêlna ân umtir hmakhat chun ama chu châu naw nih a, beidawng bawk naw nih; chun, thlierkârhai chun a dân thu chu nghâk zing an tih.
5 #
Tt 17.24-25
Pathien, LALPA, vân siemtu, keiphartu, hnuoi le a sûnga inthawka suok po po suklientu, a chunga mihai kuoma inthuokna petu chun hieng ang hin a tih:
6 #
Is 49.6; Lk 2.32; Tt 13.47; 26.23 “Kei LALPA hin felnain ka ko che, i kut chel ka ta, humhim ka ti cheh a, mihai thuthlung ding le, Jentailhai sukvartu dingin ka ruot che a nih:
7 #
Tt 26.18
mitdelhai mit sukvar ding le, mi intânghai intângna ina inthawka ṭhuoi suok ding le, inthim laia ṭhung- hai intângna ina inthawka ṭhuoi suok dingin.
8LALPA chu ka nih, chu chu ka hming a nih; ka ropuina hi mi dang kuomah pe naw ningah a, inpâk ka hlawna hi milim siem fâwmhai kuomah pe bawk naw ning.
9Ngai ta u, kha hma thilhai chu a hung tlung tah, thil tharhai ka hril a ni hi; an mâwng hmain an chanchin ka hril cheu a ni hi.
Lalpa sansuokna ropuitak leia inpâkna
10Tuisuorieta zu fehai le, a sûnga um po pohai le, thlierkârhai le, a chunga um po pohai, LALPA chawi- mawiin hla thar sak unla, leihnuoi tâwpa inthawk khawma ama inpâk- na hla sak ro.
11Thlalêr le an khawpuihai chun an râwl insuo raw se, Kedarhai umna khuohai chun: Sela khuoa umhai chu hlimtakin hla sak hai sienla, tlâng sîpa inthawk chun khêk raw se,
12LALPA chu sukropui sienla, thlierkârahai chun ân pâkna thu hril raw se.
13LALPA chu mi hrâttak angin suok a ta, indo mi angin lunginsenna chawktho a tih, khêk a ta, anih, inringtakin khêk a tih; ama dotuhai chunga chun hrâttakin châng a tih.
14Sâwttak ka to zing tah a; ka um ṭawk ṭawkin kân sûm hrâm hram hlak; tu ruok hin chu nuhmei nau- hase angin khêk tuor tuor ka ta; inthuok huom huomin inthuok hlawp hlawp bawk ka tih.
15Tlânghai le muol pâwnghai chu sukchim ka ta, a hlohnahai po po chu sukṭâwl vawng ka tih: vadunghai chu thlierkâra hai siem ka ta, dîlhai chu sukkang ka tih.
16 #
Tt 26.18 Mitdelhai chu an hriet ngai naw lampuiah ṭhuoi ka ta, an hriet ngai naw lampuiahai chun ṭhuoi ka tih; an hmaa chun inthim chu varah siem ka ta; lampui kâwi laihai chu suktlûn bawk ka tih. Chuong thil chu thâwng ka ta, anni khawm thlathlam naw ningah.
17Milim siem fâwmhai ring a, milim sunghai kuoma, “Kan pathien in nih,” tituhai chu innghatkîrtirin um an ta, nasatakin muolpho an tih.
Thuawi nawna leia Israel chan sietna
18Nasêthai, nain hre ro; mitdel- hai, in hmu theina dingin en ro.
19Ka siehlaw naw chu tu mit am ân del a? Annawleh, ka tirko tir angin tu na am a sêt a? A mi remtu angin tu mit am ân del a? LALPA siehlaw angin tu mit am ân del a?
20Thil tamtak i hmuh a, nisien- lakhawm, i lungrilah i vawng zing ngai nawh a, nahai chu ân âwng a, anachu a hriet ngai nawh.
21Dân chu a felna leia sukliena sukinzaum chu LALPA chun ṭha a tih a.
22Nisienlakhawm, hieng mihai hi inru inrûkpêk le rawk tuok mi an na; humhaia tla an ni vawng a, intângna inahai khum hmang an na; sal ding an na, tukhawma an sanhim si nawh a; râllâka lâk ding an na, tukhawma, “Pe nâwk rawh,” an ti si nawh.
23Nangni lai hin chuonga chun tu am na sit ding um cheu chu? Hun la hung tlung dinga ngaia hre ding tu am in um a?
24Tuin am Jakobhai râllâka la dinga peh a, Israelhai inruhai kuoma pe chu? LALPA a chunga thil ei suksuolna chun a pêk a ni naw am a nih? a lampuiahai an fe nuom si nawh a, an dân thu hlak an awi si nawh.
25Chuleiin, a lunginsenna nasat- na le inthawna ṭha chu an chungah a bunthlâk a; chuongchun, anni chu a raw vêl a, nisienlakhawm, an lungril- in an ngaituo si nawh.
Currently Selected:
ISAI 42: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
