Popular Bible Verses from ISAI 42

Share

“Kei LALPA hin felnain ka ko che, i kut chel ka ta, humhim ka ti cheh a, mihai thuthlung ding le, Jentailhai sukvartu dingin ka ruot che a nih: mitdelhai mit sukvar ding le, mi intânghai intângna ina inthawka ṭhuoi suok ding le, inthim laia ṭhung- hai intângna ina inthawka ṭhuoi suok dingin.

LALPA chu ka nih, chu chu ka hming a nih; ka ropuina hi mi dang kuomah pe naw ningah a, inpâk ka hlawna hi milim siem fâwmhai kuomah pe bawk naw ning.

Ka siehlaw, ka chel zing, ka ithlang, ka lungrilin a ilawm êm êm hi en ta u; a chungah ka thlarau ka sie tah: Jentailhai kuoma pêk dingin rorêlna thu la suok a tih.

Luong pawr suktan thla naw nih a, pat khu khawm sukmit naw nih; rorêlna chu thutakin la suok a tih. Hnuoia hin rorêlna ân umtir hmakhat chun ama chu châu naw nih a, beidawng bawk naw nih; chun, thlierkârhai chun a dân thu chu nghâk zing an tih.

Mitdelhai chu an hriet ngai naw lampuiah ṭhuoi ka ta, an hriet ngai naw lampuiahai chun ṭhuoi ka tih; an hmaa chun inthim chu varah siem ka ta; lampui kâwi laihai chu suktlûn bawk ka tih. Chuong thil chu thâwng ka ta, anni khawm thlathlam naw ningah.

Ngai ta u, kha hma thilhai chu a hung tlung tah, thil tharhai ka hril a ni hi; an mâwng hmain an chanchin ka hril cheu a ni hi.