ISAI 32
32
Lal feltak chu
1Ngai ta, lal pakhat chu feltak- in lalah ṭhung a ta, mi lienhai chun rorêlna felin ro rêl an tih.
2Mi pakhat chu thlipuia inthawka inbîkna hmun ang le, ruopuia in- thawka inbîkna ang nîng a ta, hmun ṭâwla tui luonghai ang, ram châutaka lungpui lientak hlim ang el chu.
3Chuongchun, hmutuhai mit chu fie naw naw nih a, hretuhai na chun ngai a tih.
4Thaw thut hmanghai lungril chun hrietna thu chu hrefieng a ta, danginâwkhai lei chu fietakin ṭawng thei a tih.
5Mi suol chu mi tiktlai ti nâwk ta naw ni hai a, mi vervêk chu mi inzaum ti nâwk ta bawk naw hi hai.
6Pathien inza nawna thil thaw ding le, LALPA hêkna dinga thu indik naw hril dingin, phîngṭâmhai phîng sûng sukruok ding leh, dangchârhai dâwn ding sukbohmang dingin, mi suol chun suol thu a hril ding a ni sih a, a lungril chun thil suksuol bawk a tih.
7Mi vervêk thuomhnawhai chu ṭha nawtak a na; pasiehai chun thu dik an hril khawmin mi rimsihai chu khêl thua sukbohmang dingin ama chun thil suol thaw dingin a ngaituo hlak.
8Mi tiktlai ruok chun tiktlaina thil tieng chu a ngaituo hlak a; chuong- chun, tiktlaina tieng thilahai chun um zing a tih.
Jerusalem nuhmeihai zilna
9Nuhmei um mei meihai, tho unla, ka râwl hi ngai ta u; naunu ngaisamhai, ka thu hrila hin na sit ro.
10Nuhmei ngaisamhai, kum khat le ni ieng amani zât chena chun lunginzîng tâng in tih; grêp lo ding hlak a um âwm si nawh a, grêp lo khâwm dinga chun iengkhawm a hung pieng âwm si nawh a.
11Nuhmei um mei meihai, inthin ro; mi ngaisamhai, lunginzîngtakin um ro, inhlîp unla, saruokin insiem unla, in kâwngahai chun saiip puon bi ro.
12Lo ditumhai lei le grêphrui ra nuom mi lei chun in âwm inchum inchum ro.
13Ka mihai rama hin hlohling- neihai le buorhai chu tlâng a tih; anih, khawpui hlimumtaka hlimna in po pohai chunga chun,
14lal in chu mâksanin a um ding a ni sih a; mi tamna khawpui chu suok- sanin a um ding a na; a muol pâwng le a râlvêng bûkhai chu kumkhaw pûk dâm, ram sabengtung lâwmna dâm, ranruol tlatna hmunhai hung nîng a tih;
15Chung tienga thlarau chu ei chunga bura a um a, thlalêr chu hnuoi ṭhatak hmuna ân chang a, hnuoi ṭhatak hmun chu rampuia ngaia a um hmakhat chun.
16Chupha chun rorêl felna chu thlalêra chun chêng a ta, felna chu hnuoi ṭhatakna hmuna chun um a tih.
17Chun, felna sinthaw chu inrem- na nîng a ta, felna thil suok chu kumkhuoa muongtaka umna le ring tlata umna nîng a tih.
18Chuongchun, ka mihai chu râl- muonga umnaahai le in dettakhaia le châwlna hmun muongumtakhaia chun um tâng an tih.
19Nisienlakhawm, rampui chu sukthlu dingin riel tla dur dur a ta; khawpui chu suktlâwm dêrin um a tih.
20Tui luongna po po panga chi the hlaktuhai le, bâwngchal le sabeng- tung inthla hlakhai, in hamṭha ie.
Currently Selected:
ISAI 32: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
