ISAI 15
15
Moab chunga rimsikna hung tlung ding
1Moab ram phurrik chu. Zân khat kârin Moab rama Ar khuo chu suksietin a um a, iengkhawm ni loa siemin a um ta sih a; zân khat kârin Moab rama Kir khuo chu suksietin a um a, iengkhawm ni loa siemin a um ta sih a.
2Dibon mipui chu bâwlhmuna hai chun ṭap dingin an hang fe a, Moab- hai chun Nebo le Medeba chu an ṭapkhum rak rak a, an lu po po a kawl vawng a, khâk hmul tinrêng khawm vawin a um ta vawng a nih.
3An kawtthlêrahai chun saiip puon an dierkei a, an in chungahai le an tuolzâwl lienna laiahai chun mi tin chu nasataka ṭapin an khêk rak rak a.
4Chun, Hesbonhai khawm chu an khêk a, Eleale mihai leh; an râwl chu Jahaz khuo chen khawma an lo hriet a; chuleiin, Moab mihai râlthuoma inthuomhai chu inringtakin an khêk a; an hringna chu an phîng sûnga chun ân thin a.
5Moabhai leiin ka lungril chu a khêk a; an mi ṭhahai chu Zoar khuoa le Eglath-selisijah-ah an tlân a, Luhith lam tunga chun ṭap pumin an fe a nih; Horonaim lampuia chun sietna khêkin an khêk suok a nih.
6Nimrim tuihai chu suksietin a um ding a ni sih a; hlobet chu a vuoi zo a, hlobet inder thar chu a rawp a, thil hring rêng rêng chu a um ta si nawh a.
7Chuleiin, an sum la nei sunhai le an sie ṭhathai chu Phahrâm Vadung râla chun fe hmangpui an tih.
8Khêkri chu Moab ramri vêlahai chun a um sih a, khêk rak rak ri chu Eglaim khuo chenin ân hriet a nih; khêk rak rak ri chu Beerelim khuo chenin ân hriet a nih.
9Dimon tuihai chu thisenin ân pawl zo vawng sih a; Dimon chunga chun thil nasa nâwk zuol kân tlungtir ding a ni sih a, Moabhai laia tlân- suokhai chunga le, chu rama la um sunhai chunga chun sakeibaknei intlungtir ka tih.
Currently Selected:
ISAI 15: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
