FESUOKNA 24

Thuthlung sukdetna

1 # Nam 11.16 LALPA chun Mosie kuomah “Nang le Aron, Nadab le Abihu le, Israel upahai sâwmsari leh LALPA kuomah hung ro; chun, hlataka inthawkin chibai bûk ro.

2LALPA kâwl hnaia chu Mosie khâtin hung sienla, mi danghai ruok chu hung hnai naw hai sien, mipui chu ama ruolin hang fe bawk naw raw hai se,” a tih a.

3Mosie chu a hung a, LALPA thu po po le dânhai po po chu mipui a hril tah a. Mipui po po chun thu thu- hmunin an dawn a, “LALPAIN thu a hril po po chu thâwng kan tih,” an tih a.

4Mosie chun LALPA thuhai po po chu a ziek a, zîngkâr inhmatakin a tho a; tlâng hnuoia chun mâichâm le lungphun sâwmpahni, Israel hnam sâwmpahni aiawin a phun tah a.

5Chun, Israel thla tlangvâlhai chu a tir a, LALPA kuomah rawhmang thilinhlân an inhlân a, inremna thilinhlân dingin bâwngchalin an inthâwi bawk a.

6 # Heb 9.18 Mosie chun a thisen zâtna chu a lâk a, maihûnhaiah a sieh a; a thisen zâtna dang chu mâichâma chun a theh a.

7Chun, thuthlungna lekhabu chu a lâk a, mipui hrieta chun a tiem tah a; anni chun, “LALPAIN a hril taphawt chu thâwng kan ta, thu- awitakin um kan tih,” an tih a.

8 # Mt 26.26; Mk 14.24; Lk 22.20; 1 Kor 11.25; Heb 9.19,20; 10.29 Chun, Mosie chun thisen chu a lâk a, mipui chu a theh a, “Hieng thuhai po po chungthua LALPAIN thisen thuthlung a siempêk cheu hi en ta u,” a tih a.

9Chun, Mosie le Aron, Nadab, Abihu le, Israel upa sâwmsari chu an hang feh a;

10 # Gen 32.30; Is 6.1,8; Ezek 1.26; Tp 4.3 chun, Israel Pathien chu an hmuh a, a kehai hnuoia chun sapphir lung rem ang tletak, a tlêtzie chu vân thil ni âwm tak hrim hi a um a.

11Israel thla miṭhahai chungah a kut ân nghat nawh a; Pathien chu an hmu ngei a, an fâkin an dâwn a.

Sinai tlânga Mosie chanchin

12 # 2 Kor 3.3 LALPA chun Mosie kuomah, “Tlângah ka kuomah hung la, chutaka chun um rawh; dân le thupêk le anni inchûktirna dinga ka ziekhai, lung phêk pahni chu pêng ka ti che,” a tih a.

13Mosie le a rawngbâwltu Josua chu an tho a, Mosie chu Pathien tlânga chun a hang fe tah a.

14Upahai kuoma chun, “Hitaka hin keini mi lo nghâk ro, in kuoma kan hung nâwk hmakhat chu: chun, ngai ta u, Aron le Hur hi in kuomah an um a, tukhawm thubuoi nei chun an kuomah lo fe raw se,” a tih a.

15 # Nam 14.10 Chun, Mosie chu tlânga chun a hang feh a, tlâng chu sûmin ân khum tah a.

16LALPA ropuina chu Sinai tlânga chun a um zing a, ni ruk sûng sûmin ân khum a; ni sari ni chun sûm laia inthawk chun Mosie a ko tah a.

17Israel thlahai mita LALPA ropuina inlang dân chu, tlâng sîpa chun kânghmangna meichawk ang a nih.

18Mosie chu sûm zîng hnuoia chun a lût a, tlânga chun a hang fe tah a. Mosie chu ni sâwmli le zân sâwmli tlânga chun a um tah a.

Currently Selected:

FESUOKNA 24: HMARCLBSI

Highlight

Copy

Compare