FESUOKNA 18
18
Jethroin Mosie a kan
1Chun, Jethro, Midian mihai thiempu, Mosie tarpupa chun Mosie le a mi Israelhai ta dinga Pathienin thil a thawpêkzie, Ai- guptaa inthawkin Israelhai chu LALPAIN a hung ṭhuoi suokzie chu a lo hriet a.
2Chun, Jethro, Mosie tarpupa chun, Mosie nuhmei, Zippora, a itirhmang ta hnung le,
3 #
Tt 7.29 a naupasalhai pahni chu a ṭhuoi a; chuhai pakhat hming chu Gersom a nih, “Hrietlo rama inzin ka ni tah a” a ti sih a:
4Chun, a dang hming chu Eliezer a nih, “Ka thlatu Pathien chu ka ṭhangpuitu a na, Pharao kâwlhnâma inthawkin a mi sansuok tah a” a ti bawk a. 5Chun, Jethro, Mosie tarpupa chu, a naupasalhai le, a nuhmei leh Mosie kuomah, thlalêra a riebûk, Pathien tlânga chun a hung a.
6Ama chun Mosie kuomah, “Kei i tarpupa Jethro hi, i nuhmei le a naupasalhai pahni le chun i kuomah ka hung a nih,” tiin thu ân chah a.
7Mosie chu a tarpupa tuok ding chun a fe suok a, inza taka chibai bûkin#dawvan kaiin ama a fâwp tah a; chun, an chanchin an indawntuo an indawn- tuoh a, puon ina chun an lût tah a.
8Mosie chun, Israelhai leia Pharao chunga le Aigupta mihai chunga LALPA thil thaw ta po pohai, lampuia an chunga rimsikna hung tlunghai le, LALPAIN anni a san- suokzie chu, a tarpupa Jethro chu a hril tah a.
9Aigupta mihai kuta inthawka sansuokin, Israelhai chunga LALPAIN thilṭha a thaw po pohai chunga chun Jethro chu a lâwm hleh a.
10Jethro chun, “Aigupta mihai kuta inthawk le, Pharao kuta inthawka sansuoktu cheu LALPA chu inpâkin um raw se; Aigupta mihai kuta inthawka a mihai sansuoktu chu.
11 #
Is 37.16; Lk 1.51 Tuhin pathienhai po po nêkin LALPA chu a ropui lem ti ka hriet, chapotaka anni an sawisak lai ngeia Aigupta mihai kut hnuoia#chang 10 naa mi ch.11 na tâwpa sie nâwk inthawk- a a mihai#mipui chu chu a sansuok leiin,” a tih a.
12Chun, Mosie tarpupa Jethro chun inthâwinahai le pumrawhmang thilinhlânhai Pathien ta dingin a lâk a;#an hlân a chun Aron chu Israel upahai po po leh Pathien hmaha Mosie tarpupa le bei fa dingin an hung tah a.
Rorêltu dinghai ruotna
(Dt 1.9-18)
13A zînga chun Mosie chu mipui ro rêlpêk dingin a ṭhung a; mipui chu zîngkâra inthawk zântieng chenin Mosie vêla chun an ngîr tah a.
14Mosie tarpupa chun mipui kuoma a thilthaw po po chu a hmu chun, “Mipui ta dinga i thaw hi ieng thil am a na? Iem a tiha nang#nang chu rorêltu anga i khât bakin în ṭhung a, mipui chu i vêlah zîngkâra inthawk zântieng chena an ngîr hi?” a tih a.
15Mosie chun a tarpupa kuomah, “Mipui chu Pathien ti zâwng indawn dinga ka kuoma an hung leiin a nih.
16Thubuoi an nei pha ka kuomah an hung a; chun, a vênghai le mi dang kâra thu chu ka rêl a, Pathien dân ziekhai le a dânhai#thutlûknahai chu ka lo inhriettir hlak a nih,” a tih a.
17Mosie tarpupa chun a kuomah, “Hi thil i thaw hi a ṭha naw ie.
18Nang le i kuoma mipui umhai hi lân sukchâu ngei ngei in tih; i ta dingin hi thil hi a rik talaw sih a; nanga khât bak chun i thaw thei nawh annawm.
19Tuhin, ka thu hi lo ngâi ta, thurawn hang pêng ka ti che: Pathien chu i kuomah um sienla, Pathien hmaah nang chu mipui aiawtu ni la; nangin Pathien hmaah thubuoi chu intlun pei bawk la:
20chun, dân ziekhai le dânhai chu anni inchûktir i ta, an sin thaw dinghai le, kawng an hraw ding chu anni kâwkhmu bawk i ta.
21Chunawa khawm mipui laia inthawk mi thei thei, Pathien ṭi mi, mi indikhai, hlêpna felnaw theida mihai thlang suok la, anni chu sâng khat chunga rorêltu, za khat chunga rorêltu, sâwmnga chunga rorêltu, sâwm chunga rorêltuhai ni dingin sie rawh.
22Ieng lai khawmin anni chu mipui ro chu inrêltir la, thubuoi lien takhai bak hung intlun an ta, thubuoi chînhai chu annîn lo rêl el an ta; chuongchun, i ta dingin awl lem a ta, i rikphur chu an phurpui ding che annawm.
23Pathienin hieng angtaka thu a pêk cheha, hi thil hi i thaw chun, nang khawmin pei sâwt i ta, mipui po po khawm hi an hmun sengah thlamuongtakin fêng an tih,” a tih a.
24Mosie chun a tarpupa thu chu a ngai a, a hril po po chu a thaw tah a.
25Mosie chun Israel mihai laia inthawkin mi thei deu deu a thlang suok a, anni chu mipui luhai ni dingin, sânghai, zahai, sâwmngahai le sâwmhai chunga rorêltuhaiah a sie tah a.
26Anni chun ieng huna khawm mipui ro chu an rêlpêk a, thubuoi intakhai chu Mosie kuomah an hung intlun a, thubuoi chînhai ruok chu annîn an lo rêl tah a.
27Chun, Mosie chun a tarpupa chu ân fetir a; a umna ram tieng chun a fe tah a.
Currently Selected:
FESUOKNA 18: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
