FESUOKNA 17
17
Lungpuia tui hung suok chu
(Nam 20.1-13)
1Israel thla mipui po po chu LALPA thupêk angin, an inzin dânbi ang peiin, Sin thlalêra inthawk chu an suok tah a, Rephidimah puon in an zar a; nisienlakhawm, chu hmuna chun mipui ta dingin tui dâwn ding a um nawh a.
2Chuleiin, mipui chun Mosie an insêlpui a, “Tui dâwn ding mi pe rawh,” an tih a. Mosie chun an kuomah, “Iengdinga kei in min sêlpui am a na? Iengdinga LALPA chu in fie am a na?” a tih a.
3 #
Ex 14.12; 16.3 Mipui hlak chu tui duin an dang a châr hleh a, Mosie chunga chun an chier a, “Aiguptaa inthawk keini le kan nauhai le kan ran ruol leh dang- châra mi sukhlum dingin iengdinga i mi ṭhuoi suok am a na?” an tih a.
4Mosie chun LALPA a ko a, “Hi mipui hi iengtin am thâwng ka ta? Lunga mi dêng dingin an intûng el a ni sih a,” tiin.
5LALPA chun Mosie kuomah, “Mipui hmaa chun fe la, Israel upahai i kuomah ṭhuoi la, chun, vadung i vuokna hmawl kha i kutin chawi bawk la, fe rawh.
6Ngai ta, Horeba lungpui chunga sawn i hmaah ngîr ka ta; chun, lung- pui chu vuong i ta, a sûnga inthawkin tui hung suok a tih, mipuiin an dâwn theina dingin,” a tih a. Mosie chun Israel upahai mithmu ngeiah chuong ang tak chun a thaw tah a.
7Chun, Israel thlahai helna leiin le “LALPA hi eini lai a um am a ni, a um naw?” tiha, LALPA an infiena lei chun, chu hmun hminga chun Massa#infiena le Meriba#insêlna ân bûk tah a.
Amalek le indona
8Chun, Amalekhai chu an hung a, Rephidimah Israelhai chu an hung do tah a.
9Mosie chun Joshua kuomah, “Eini lai pasalhai thlang suok la, fe unla, Amalekhai chu va do ro; zîng- ah Pathien hmawl chu ka kuta chawiin tlâng sîpah ngîr ka tih,” a tih a.
10Joshua chun a kuoma Mosiein a hril ang tak chun a thawh a, Amalekhai chu an do tah a; Mosie, Aron le Hur chu tlâng sîpa chun an hang fe tah a.
11Mosiein a hmawl ân let sûng po chu Israelhai chun an hneh a, chun, a kut a lâkthlâk phingleh Amalekhai chun an hne ve thung pei a.
12Mosie kuthai chu a hung kham chun, lung an lâk a, a hnuoia chun an sieh a, chu chunga chun a ṭhung tah a. Aron le Hur chun sîr khatah pakhat, sîr dangah pakhatin a kuthai chu an dawm tung zing a; chuong- chun, nisa tlâk hmakhat chu a kuthai chu a phar thei ta zing a.
13Chun, Joshua chun Amalek le a mihai chu kâwlhnâm ngeiin a sunthlûk dêr tâwl tah a.
14 #
Dt 25.17-19; 1 Sam 15.2-9 Chun, LALPA chun Mosie kuomah, “Lekhabuah hi hi hriet zing- na dingin ziek la, vân hnuoi po poa inthawkin Amalek hriet zingna hi thaihmang dêr ka tih ti Joshua naa chun inhriettir rawh,” a tih a.
15Chun, Mosie chun mâichâm a siem a, a hminga chun “Jehova- Nissi”#Lalpa chu ka puonzâr a nih ân bûk a;
16“LALPA chu ka puonzâr a nih” tiin. “LALPA chu ân khâm tah a,#Hebraia chieng lo LALPA chun a thlahai thla nâwk- sâwng chen khawmin Amalek chunga hin dona nei hlak a tih,” tiin
Currently Selected:
FESUOKNA 17: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
