THUHRILTU 9
9
Hringna po po inang nawzie
1Hi po po hi hmu suok dingin ka lungrila chun kân vawi tlat a, mi fel le mi var le an sinthawhai chu Pathien kutah a um a; an hmaa um chu ngainatum a ni le theidaum a ni tukhawmin an hriet nawh.
2Thil po po chu mi po po chungah angkhatin a hung tlung vawng a; mi fel le mi rilo chunga thil tlung khawm thuhmun#Hmangainaa inthawk a ni le theidanaa inthawk a ni tukhawmin an hriet ṭhe thei nawh a nih, mi ṭha le mi suol,#Inletna hlui ṭhenhaiah “misuolhai khawm” Hebraiah hi thu hi a um nawh. Ch 2.2.na thu hi “Ei hmatieng iengin am a mi tuok ding ti thuah danglamna a um nawh,” ti khawm a ni thei mi inthieng le mi inthieng naw chung- a khawm; inthâwi hlak le inthâwi ngailo mi chunga khawm; mi ṭha chunga ang bawkin mi suol chunga khawm a nih, inkhâmtu chunga ang bawkin inkhâmna ṭitu chunga khawm chun.
3Nisa hnuoia thawa um po po lai hi hi thil suol a nih: mi po po chunga thiltlung hmunkhat vawng a ni hi; anih, mihriem nauhai lungril chu thil ṭha nawa sip a na, an dam lai chun an lungrila chun invêtna a um a, chu hnung hlak chun mithi kuomah an fê tah a.
4Mi hring rama la um ta ding chun beiseina a um a; sakeibaknei thi nêk chun ui hring chu a ṭha lem.
5Mi hring chun an la thi ding a nih ti an inhriet sih a; mi thi ruok chun iengkhawm an hriet nawh, lâwmna iengkhawm an nei ta naw bawk a, anni chu hriet zing an ni ta bawk nawh.
6An ngainat zâwng dâm, an theida zâwng dâm, an inhnar zâwng dâm chu a bohmang vawng tah a; nisa hnuoia thil thawa um tinrêng- haia chun kumkhuoin chan ding hrim an nei nawh.
7 #
Tv 19.10; 30.22 Fe la, i bei chu hlimin fa la, i uoin chu lungril hlimin dâwn rawh; Pa- thien chun i sinthawhai chu a pawm ta sih a.
8 #
Sm 7.15; Tv 26.27 I silfênhai chu vâr zing zing sien- la, i lu khawm chu sahriek intlâksam- tir naw rawh.
9Nisa hnuoia a pêk che i teplo dam sûng nihai po poah nuhmei i hmangai le chun hlimtakin um rawh; chu chu nisa hnuoia i sininrimnaa le i dam sûnga i chan a nih.
10I kutin sinthaw ding a hmu phawt chu i theitâwpin thaw la, i fêna ding thlâna chun varna amanih, hrietthiemna amanih, hlêmna ama- nih, sinthawna amanih a um ta si nawh a.
11Ka thlîr nâwk a, nisa hnuoia chun intlânsiekna chu a hrâthai ta ding chau a ni nawh a, indona chu a hrâthai ta ding chau a ni nawh a, bei chu mi varhai ta ding chau a ni nawh a, hausakna chu hrietthiem- na nei mihai ta ding chau a ni nawh a, ditsakna chu themthiemhai ta ding chau a ni nawh; amiruokchu, hun le remchâng chu an rênga kuomah a tlung seng a ni lem ti ka hmu a.
12 #
Tv 10.32; 10.14 Mihriem chun a hun chu a hrietthiem nawh a; ngahai chu lên ṭiuma mana an um ang le, vatehai chu chânga an âwk angin chuong ang bawk chun, an chunga a hung tlung thut pha chun mihriem nauhai khawm chu hun ṭha nawa chun âwkin an um hlak a nih.
Hrâtna nêkin varna a ṭha lem
13Hieng ang kawng bawka hin nisa hnuoia chun varna chu a hmu a, ka ta ding chun ropuitakin ân lang a.
14Khawpui chitê, a sûnga mi tlâwmte um a um a; lal ropuitakin a hung rûn tah a, ân huol a, kul ropui- tak a bâwl khum a.
15Chun, a sûnga chun mi var pasetak hi a um a, a varna chun khawpui chu a sansuok tah a; ami- ruokchu, chu mi pasetak chu tu- khawma an hriet zing nawh a.
16 #
Is 3.4,5; 5.11 Chun, kei chun, “Hrâtna nêkin varna hi a ṭha lem a ni hi, mi pase- tak varna chu hmusit niin, a thuhai chu ngaisak ni naw sien khawm,” ka tih a.
17Mi var thu damtereka hril khawm chu invêthai laia rorêltu khêk nêk chun hriet a ni lem a.
18Varna chu indona thuomhnaw- hai nêkin a ṭha lem a; amiruokchu, mi suol pakhat khawma nasatakin a suksiet a nih.
Currently Selected:
THUHRILTU 9: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
