THUHRILTU 6
6
1Nisa hnuoia hin thil suol ka hmu chu a um a, mihriemhai chunga chun a rik hle a;
2Pathienin mi neinungna le hau- sakna le inzâumna a pêk a, chuong- chun, a lungrilin a dit zâwng taphawt chu tlâksam hrim a nei nawh a; amiruokchu, Pathien chun chuonghai fâk theina a pêk tlat nawh a, ami- ruokchu, mikhuol chun a fâk ta lem a; hi khawm hi teplo el a na, natna ṭha lo a nih.
3Miin nau za nei sienla, kum tamtak dam sienla, a kum nihai chu tam hle sienla, amiruokchu, a lungril chu thil ṭhain a tlai nawh a; chu nawa khawm phûmna a hlaw bawk si naw chun, ama nêk chun a hun nawh a pieng khawm chu a ṭha lem a nih ka ti a nih;
4teploah a hung a, inthima chun a fê hmang a, a hming chu inthimnain ân khum a:
5chu nawa chun nisa chu a hmu ngai nawh a, hriet khawm a hriet nawh a; hi hin mi dang nêk hmanin châwlna a nei lem a nih.
6Anih, kum sâng vawi hni dam sienla, thil ṭha a chang chuong naw chun, mi po po thuhmun vawng an ni naw am a nih?
7 #
Tv 16.26 Mihriem sininrimna po po chu a bau ta ding a na, amiruokchu, phîng- ṭâmna chu suksip a ni chuong nawh.
8Mi var chun mi invêt nêkin ieng am hlâwkna a hmu chuong leh? Annawleh, mi hringhai hmaa fê dân hrie mi rimsi chun ieng am a nei a?
9Nuom zâwng ram tin nei nêk chun mithaia hmu chu a ṭha lem a; hi khawm hi teplo el, lungril rimsikna el a nih.
10Ieng po khawm lo um ta kha a hming sâwttaka sak tah a nih a; chun, mihriem chu ieng am a na ti khawm hriet a ni sa tah a, ama nêka thilthawthei lem chu a khing zo nawh;
11Thu a tam po leh teplo a tam pei a, mihriem ta dingin iem a ṭhat lemna?
12A dam sûnga dingin tuin am mihriem ta dinga thil ṭha chu a hriet a, a dam sûng teplo nihai po po chu hlim angin a hmangral el a ni naw maw? Nisa hnuoia hin ama hnungah ieng am a hung um ding tuin am mi a hril thei a?
Currently Selected:
THUHRILTU 6: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
