BIAPHUAN 4
4
1Cu thil hna hnuah ka hun zoh i zohhmanh van ah innkâ â hun kha ka hmuh. Cun aw ka rak theih hmasatmi, muko thawng bantuk nih khan ka sinah, “Hika ahhin ra law, hmailei cân i a um lai ding thil kha kan chimh lai,” tiah a ka ti. 2Chikkhat te ah Thlarau in ka um, cun zohhmanh, vanah bawiṭhutdanh an chiah i bawiṭhutdanh ah cun Mi pakhat a ṭhu. 3Cun cuka i a ṭhumi alanghning cu Jasper le sardius lungvar bantukin a si; cun bawiṭhutdanh velchum ah cun chuncha emerald lungvar mui a kengmi kha â zêl. 4A laifang i bawiṭhutdan vêlchum ah bawiṭhutdan kul le li an um i cuka ah angkifual rang â aihmi upa kul le li an ṭhut kha ka hmuh hna, anlu ah suiluchin kha an i chinh. 5Cun bawiṭhutdanh in nimtlau le, khuari le, awthawng kha an hung chuak i bawiṭhutdanh hmai ah cun meiin pasarih kha an van, cucu Pathian Thlarau pasarih an si. 6Bawiṭhutdanh hmai ah rili bantuk a fim ngaimi thlalang Kristal lungvar bantuk a um i bawiṭhutdanh lai fang le bawiṭhutdanh velchum ah thilnung pali an hnu hmai ah mit lawngte i a khatmi kha an um. 7Thilnung pakhat cu chiandeih bantuk a si i thilnung pahnihnâk cu caw fa bantuk a si. Thilnung pathumnâk nih minung mui a keng i thilnung palinâk cu a zuang liomi mupi bantuk a si; 8Thilnung pali hna nih thla paruk cio an ngei i mit lawngte in a chunglei he a lenglei he a khat. Cun chun le zan din loin, “Zeizongtuahkho Bawipa Pathian, a um cangmi le a um liomi le a um laimi cu, a thiang, a thiang, a thiang,” tiah an ti. 9Thilnung hna nih bawiṭhutdan ah a ṭhu i zungzal i a nungmi sinah sunparnâk le thangṭhatnâk le lawmhnâk bia an chim tikah; 10upa kul le li hna kha bawiṭhutdan hmaiah an bawk i zungzal in a nungmi kha an biak. An bawiluchin kha bawiṭhutdan hmaiah an hlawnh i 11“Maw Bawipa sunparnâk le thangṭhatnâk le ṭhawnnâk kha hmuh awkah nâ tlâk: Zeitintiah Nangmah nih zeizong vialte na ser i na duhning i um awkah ser an si,” tiah an ti.
Currently Selected:
BIAPHUAN 4: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
