BIAPHUAN 22
22
1Cun nunnâk tiva a fim tak takmi crystal lungvar bangin a fiangmi Pathian le Tuufano bawiṭhutdan in a rak luangmi kha a ka hmuhsak. 2Khualipi laifang lamthluan le tiva kam veve ah nunnâk thingkung, theitlai phun hleihnih thlachiarte a tlaimi a um. Cu thinghnah hna cu miphun hna damnâk caah a si. 3Cuka ah chiatserhnâk a um ti lai lo, Pathian le Tuufano bawiṭhutdanh kha a um lai, A sinum hna nih Amah cu an renh lai. 4A hmai an hmuh lai i Amin kha anchal ah a um lai. 5Cuka ah zan a um ti lai lo: Ni ceunâk le meiin an herh ti lo, zeitintiah Bawipa Pathian nih a ceuh hna lai. Cun zungzal in zungzal tiang an uk lai. 6Cuticun anih nih ka sinah, “Hi bia hna hi biatak le zumhtlâk an si,” tiah a ti. A thiangmi Profet hna Pathian nih a um zau laimi thil hna kha a sal hmuhsak dingin a vanmi a run thlah. 7“Ngaihmanh, Kara zau lai! Hi cauk chung i chimchungbia hna zultu cu mithluachuak a si.” 8Cubangin keimah Johan nih hi thil hna hi ka theih i ka hmuh hna. Cun cubangin ka hmuh i ka theih tikah, hi thil hna aka hmuhsaktu vanmi cu biak tim in a ke hramah ka bawk. 9Cuticun ka sinah, “Hitihin na tuah awk a si lo. Zeitintiah kei zong nasal hawi le na unau profet hna, hi cauk chung bia hna zultu hi ka si ve ko, Pathian tu bia,” tiah a ti. 10Cun ka sinah, “Hi cauk chung i chimchungbia hna hi thup hna hlah, zeitintiah a cân kha a nai cang. 11Mi diklo cu diklo in umpeng ko seh, fihnungmi cu fihnungin umpeng ko seh, miding cu ding tein umpeng ko seh, mithiang cu thiang tein umpeng ko seh. 12“Ngaihmanh, Kara zau lai, mikip an tuahmi bangin pêk awk ṭuanman ka kut ah a um. 13Kei cu Alpha le Omaga, Hramthawknâk le Donghnâk, Hmasa bik le Hmadung bik ka si. 14Khualipi kutkâ ah an luh i nunnâk thing cungah nawl an ngeih khawh nâkhnga a nawlpêk hna a tuahtu cu mithluachuak an si. 15Asinain lênglei ah uico hna le, doihthiam hna, nupa sualnâk a tuahtu hna le, lainawngmi hna le siasal biami hna le lih a tlaihchantu hna le a hmangtu kha an um lai. 16“Kei Jesuh nih, hi thil hna hi kawhhran hna sin i hngalhter awkah ka vanmi ka thlah. Keimah cu David Tefa le a Hrampi, Deirel Arfi Ceu ka si. 17Cun Thlarau le mo nih, “Ra!” an ti. A theimi hna nih, “Ra!” ti hna seh. Ati a hâlmi pauh cu ra in, a duhmi pauh nih, nunnâk ti hi man loin la hna seh. 18Zeitintiah hi cauk chung i chimchung bia a theitu vialte sinah ka hngalhter hna: Hi thil hna a chaptu pauh cu, hi cauk chung i dântatnâk hna hi Pathian nih a chap ve lai; 19cun hi cauk chung i chimchung bia hna lolak i a lami pauh cu hi cauk chungah ṭialmi Nunnâk thing a thiangmi khualipi kha a lâkpiak ve lai. 20Hi thil hna hngalh tertu nih, “Tuanah Kara hrimhrim lai.” a ti. Amen. Ra ko cang, Bawipa Jesuh! 21Kan Bawipa Jesuh Krih zângfahnâk cu nan dihlak cungah um ko seh. Amen.
Currently Selected:
BIAPHUAN 22: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
