SÂM 140
140
1Maw BAWIPA mi ṭhalo hna chungin ka khamh law, zângen a hmangmi hna chungin ka himter ko. 2An lungthin in thil ṭhalo an ruah i ral thawh lengmang awkah an i pum tawn. 3An lei cu rul bangin an harter i an hmur cunglei ah rul sivai a um.
(Selah)
4Maw BAWIPA, misuaksual hna kut in ka kilveng law, zângen hmang le ka tlukrilhnâk ding lawng a ruattu hna chungin ka himter ko. 5Porhlawmi hna nih hrihrual in awh an ka timh i a thli in rap an chiah, lamkam ah sur an phah i kâ foih nâk ding rap an chiah.
(Selah)
6 BAWIPA sinah, “Nang cu ka Pathian na si, Maw BAWIPA, zângfah kan nawlnâk aw hi ka ngaih piak tuah,” tiah ka ti. 7Maw Bawipa PATHIAN, ka khamhnâk thazâng, raldoh ni ah kalu naka khuh piak. 8Maw BAWIPA, misuaksual hna duhnâk kha pe hna hlah; suahsualnâk tuah a timhmi cu tlinter hlah; culoahcun an i santer sual lai.
(Selah)
9Aka dûmtu hna lu kha, an hmur in an chimmi biaṭha lo nih khuh hna seh. 10An cungah meiṭil tla sehlaw, meialh chungah hlonh si hna seh, an chuah khawh ti lonâk khor chungah hlonh si hna seh. 11Mi kong ceih a hmangmi cu, lei cungah fekfuan hlah seh; zângen a hmangmi cu Ṭhatlonâk tuahtu kha a cungah hlawnh chih si seh. 12BAWIPA nih harnak a tuarmi hna thlavâng cu a hauh piak hna lai ti kha ka hngalh; chambaumi hna zong dik ngaiin a ruah piak hna lai. 13Lohtheih loin miding hna nih na min an thangṭhat lai i midik kha na hmaiah an um lai.
Currently Selected:
SÂM 140: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
