SÂM 139
139
1Maw BAWIPA, naka purh cikcek i naka hngalh. 2Ka ṭhut le ka dir zong na hngalh; lam hlatpi khin ka ruahnâk hi na hngalh. 3Ka kal le ka ih zong na hngalh, ka sining vialte hi na hngalh dih. 4Zeitintiah ka lei ah hin bia pakhat hmanh a um lo, zohhmanh, maw BAWIPA, cu zong cu a dihumnâk in na hngalh. 5Nangmah nih ka hnu le ka hmai in naka kulh i ka cungah nakut na chuan. 6Cutluk in hngalhnâk cu ka caah khuaruahhar tuk a si, a sang tuk i ka phân kho lo. 7Na Thlarau sinin khuazeiahdah ka kal khawh lai? Asiloah nahmai in khawzeiahdah ka zâm khawh lai? 8Vanah kai ninglaw, cuka ah na um; hell chungah ihnâk vung ser ninglaw, zohhmanh, cuka ah na um. 9Zingthla zar in rili a donghnâk tiangah va um hmanhning law, 10Cuka zongah na kut in naka hruai lai i na orhlei kut in naka tlaih ko lai. 11“Muihnâk nih ka khuh sehlaw, ka vêlchûm ceunâk hi mui dih seh,” ti hmanhning law, 12Muihnâk zongnih na sinin zeihmanh a phen kho lo, zan hi chun bangin a ceu i nang na caah cun mui le ceu hi a dang hlei lo. 13Zeitintiah ka chunglei hna hi na sermi an si, ka nu nau-in chungah naka pehtonh, 14Nasin ah lomhnâk bia ka chim lai, zeitintiah ṭihnung ngai le khuaruahhar ngai i sermi ka si. Na rianṭuanmi hi a mak tuk ê; cucu ka nunnâk nih ṭha tein a hngalh. 15A thli tein ser ka si lio ah khan, vulei tanglei i thiam ngai i ser siammi ka si lio ah khan, ka ruangam cu na sinin thuh an si lo. 16Ningcang ngeimi ka si hlan hmanhah, na mit in na rak hmuh cang. Na cauk chungah ṭial dih an si, nikhat hnu ni khat ser ka si lio i thil dang zeihmanh a um hlan ah khan. 17Maw Pathian, na khuaruahnâk hna cu ka caah ava sunglawi dah; â fundih tikah ava sunglawi dah. 18Rel i tim ning law, these nâkin an tam i ka hun i hlauh tikah, na pawngah ka rak um tawn. 19Maw Pathian, misuaksual cu na thah hna lai, cucaah nannih thisen chuah a hmangmi hna ka kal tak u. 20Zeicahtiah suaksual ngaiin nangmah ralchanhnâk an chim i na ral hna nih na min hi pakpalawng ah an canter. 21Maw BAWIPA, nangmah huatu kha ka hua ve hna lo maw? Nangmah ralchanhtu kha ka hua taktak hna lo maw? 22Annih cu huattak tein ka huat hna i ral zoh in ka zoh hna. 23Maw Pathian, ka pur cikcek law, ka lungthin hi hngal ko. Ka hniksak law, ka ruahbikmi hi hngal. 24Cun keimah ah hin suahsualnâk lam a um maw umlo zoh law, zungzal a hmunmi lam ah ka hruai.
Currently Selected:
SÂM 139: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
