SÂM 136
136
1Aw, BAWIPA sinah lomhnâk bia chim u, zeitintiah amah cu a ṭha! zeitintiah a vêlngeihnâk cu zungzal in a hmun. 2Aw, pathian hna Pathian sinah lomhnâk bia chim u! zeitintiah a vêlngeihnâk cu zungzal in a hmun. 3Aw, bawi hna Bawi sinah lomhnâk bia chim u! zeitintiah a vêlngeihnâk cu zungzal in a hmun. 4Khuaruahhar lianngan a tuahtu sin lawnglawng ah, zeitintiah a vêlngeihnâk cu zungzal in a hmun. 5Fimnâk i vanhna sertu sinah, zeitintiah a vêlngeihnâk cu zungzal in a hmun. 6Ti cung i lei a umtertu sinah, zeitintiah a vêlngeihnâk cu zungzal in a hmun. 7A lianngan ceunâk sertu sinah, zeitintiah a vêlngeihnâk cu zungzal in a hmun. 8Ni, chun i uktu dingah, zeitintiah a vêlngeihnâk cu zungzal in a hmun. 9Thlapa le arfi hna, zan i uktu dingah, zeitintiah a vêlngeihnâk cu zungzal in a hmun. 10Ezip mi fater a thattu sinah, zeitintiah a vêlngeihnâk cu zungzal in a hmun. 11An chungin Israel mi hna a chuahtertu sinah, zeitintiah a vêlngeihnâk cu zungzal in a hmun. 12A ṭhawngmi kut le, a ban a thlirtu sinah, zeitintiah a vêlngeihnâk cu zungzal in a hmun. 13Rili Sen hmun hnih ah a ṭhentertu sinah, zeitintiah a vêlngeihnâk cu zungzal in a hmun. 14Israel mi hna a lai i a kaltertu sinah, zeitintiah a vêlngeihnâk cu zungzal in a hmun. 15Faraw le ralkap hna Rihli Sen i a hlonhtu sinah, zeitintiah a vêlngeihnâk cu zungzal in a hmun. 16Ramcar i ami le hna a hruaitu sinah, zeitintiah a vêlngeihnâk cu zungzal in a hmun. 17Siangpahrang ngan taktak a thattu sinah, zeitintiah a vêlngeihnâk cu zungzal in a hmun. 18Siangpahrang minthang hna a thattu sinah, zeitintiah a vêlngeihnâk cu zungzal in a hmun. 19Sihon, amor hna siangpahrang, zeitintiah a vêlngeihnâk cu zungzal in a hmun. 20Bashan siangpahrang Og, zeitintiah a vêlngeihnâk cu zungzal in a hmun. 21Roco dingah ram a petu sinah, zeitintiah a vêlngeihnâk cu zungzal in a hmun. 22Asal Israel hna roco awkah a petu sinah, zeitintiah a vêlngeihnâk cu zungzal in a hmun. 23A niam ngaimi kan dir hmun a kan philhlotu sinah, zeitintiah a vêlngeihnâk cu zungzal in a hmun. 24Kan ral hna chungin a kan khamhtu sinah, zeitintiah a vêlngeihnâk cu zungzal in a hmun. 25Thisa vialte sin i ei awk a petu sinah, zeitintiah a vêlngeihnâk cu zungzal in a hmun. 26Aw, van Pathian sinah lomhnâk bia chim u, zeitintiah a vêlngeihnâk cu zungzal in a hmun.
Currently Selected:
SÂM 136: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
