SÂM 135
135
1 BAWIPA cu thangṭhat u, BAWIPA min cu thangṭhat u; Aw BAWIPA sal le hna, amah cu thangṭhat u. 2Nan nih kan Pathian in i a dir i kan Pathian tualrawn i a dirmi hna, 3BAWIPA cu thangṭhat u, zeitintiah BAWIPA cu a ṭha; a min thangṭhat in hla sa u, zeitintiah cucu a nuam. 4Zeitintiah BAWIPA nih Jakob cu amah caah a thim cang, Israel cu a hlei in a ro caah a thimmi a si. 5Zeitintiah BAWIPA cu a lianngan ti kha ka hngalh, kan Bawipa cu pathian vialte cungah a ummi a si. 6BAWIPA nih a duhmi pauh, van le vawlei, rili le tithuhnâk vialte zongah a ser tawn. 7Amah nih minmei kha vanhram dengin a kaiter, ruahpi caah nimtlau hna a ser i a ponnâk hmun in thli kha a chuahter tawn hna. 8Ezip ram i minung le saṭil hna an fater a hrawh hna. 9Maw Ezip, na cungah hmelchunhnâk le khuaruahhar, Pharaoh le a sal vialte hna cung zongah a tlunter. 10Amah nih miphun tampi a tei hna i a ṭhawngmi siangpahrang a thah hna. 11Amor hna siangpahrang Sihon le Basan siangpahrang Og, Kanaan ram siangpahrang vialte hna he. 12A ram cu roco awkah a pêk hna i ami Israel hna roco awkah. 13Maw BAWIPA, na min cu zungzal in a hmun, Maw BAWIPA, namin thannâk chan vialte ah a hmun. 14Zeitintiah BAWIPA nih ami le bia a ceih hna lai, a sal le a zângfah hna lai. 15Miphun kip hna milem cu sui le ngun an si, minung kut chuak men an si. 16Kâ an ngei nain an holh lo; mit an ngei nain an hmu lo. 17Hnâ an ngei nain an thei lo; ankâ ah thaw zeihmanh a um lo. 18Anmah a sertu hna cu an sermi he an i lo ko. 19Maw Israel chungkhar hna, BAWIPA thangṭhat u! Maw Âron chungkhar hna, BAWIPA thangṭhat u! 20Maw, Levi chungkhar hna, BAWIPA thangṭhat u! BAWIPA a ṭhzahtu hna, BAWIPA thangṭhat u! 21Jerusalem i a ummi BAWIPA, Zion in thangṭhat in um seh! BAWIPA thangṭhat u!
Currently Selected:
SÂM 135: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
